11 August 2007

မိဝေးဖဝေး

လှောင်အိမ်ထဲက ငှက်ကလေး
အပြင်ထွက်ပျံပြေးဖို့ ခက်သလို
အိမ်ပြန်လာဖို့ခက်တယ် မေမေ
ဖုန်ခိုးနဲ့မြူငွေ့ တွေ ပိကျနေတဲ့ တောတန်းလေး
မီးခိုးနံ့သင်းပျံ့နေတဲ့ လေပြေလေး
ဟိုး ..အဝေးက တောင်တန်းပြာပြာလေး
ပြီးတော့ ဟောဒီမျက်ရည်မြစ်ထဲမှာ
ဖေဖေနဲ့ ညီလေးညီမလေးများ..
သားငယ်ကလေးကရော ဖေဖေ ခဏပြန်လာနော် ဆိုပြီး
ရှုံ့ မဲ့ငိုကြွေး ရှိုက်ငင်နေလေသလား
ချစ်ဇနီးခမျာ မျက်ရည်ရစ်ဝဲ သီလေသလား
ငါ့မှာသာ အတောင်ရှိရက် ဆန့်ထုတ်ခက်ခဲ့လေတယ်
အစာရှာရင်း ထောင်ချောက်ထဲ ဆင်းခဲ့ရတဲ့ ငှက်ကလေးမှာတော့
မိသားစုနဲ့ တကွဲတပြား
အဝေးကိုငေးရင်း မျက်ရည်များလိမ့်ကျလာ
သူ့ရင်ကွဲနာဟာ လှောင်ချိုင့်ထဲမှာ ထိန်ထိန်သာတော့တယ် ။

တီကျူး

0 comments: