အစ်ကိုကြီးမောင်ဖိုးဦး ကျန်းမာပါစေ

အစ်ကိုရေ
တိမ်တွေကိုဖြတ်စလုပ်
ချစ်သူအရုပ်လေးကို အလှဆင်ဖို့
ဗြုန်းအိတ်*တွေ မနားတမ်းထမ်းနေတုန်းလား၊

ကျွန်တော်တော့
နှုတ်ခမ်းမွှေးတွေရှည် ဆံပင်တွေရှည်
ခြေသည်းလက်သည်းတွေရှည်ပေါ့
စိတ်မရှည်တတ်တော့တာတော့ ဆိုးတယ်ဗျာ၊

ဒီမှာ လိမ္မာနေကြာင်းပါ အစ်ကို
လမ်းသလားတာတွေလျှော့၊ လည်တာပတ်တာတွေလျှော့
(ကောင်မလေးစကားတစ်ခွန်းနဲ့)
ဆေးလိပ်လည်း ပြတ်နေပြီ အစ်ကို
လက်ဖက်ရည်ဆိုင် မရှိတဲ့အရပ်မို့
လက်ဖက်ရည်ဆိုင်တော့ ငတ်တယ်ဗျာ၊

အစ်ကိုရေ
ခုချိန်ဆို ခါးထောက်နေတဲ့တောင်တန်းကြီးတွေပေါ်
တောင်နေကြာတွေ ငေါက်တောက်ပွင့်နေရောပေါ့
အစ်ကိုက ရောက်ရာအရပ်မှာ သီးပွင့်ပါဆိုလို့
ကျွန်တော်လည်း ဒီမှာ သုညသီးတွေ သီးနေတယ်
အစ်ကို မရီပါနဲ့လားဗျာ၊

ညဘက် ဂစ်တာတီးကြတော့
ရင်ခုန်သံတွေ အရင်လိုနွေးသေးရဲ့လား အစ်ကို
ကျွန်တော်တော့ ဒီနှစ်ထဲမှာ အချစ်ရေးကံမကောင်းဘူး
တည့်နေတဲ့လမ်းတွေ စောင်းကုန်တော့
ကောင်မလေးလည်း ဦးတည်ရာပြောင်းသွားတယ်ထင်ပါရဲ့ဗျာ၊

“ချစ်ခင်ပေါင်းသင်း နေထိုင်ခြင်းကား
ကွေကွင်းနောက်ဆုံး ရှိချေ၏” တဲ့
ချစ်ခြင်းမေတ္တာကို
ခါးပုံစထဲထည့်ထားတဲ့ လူငယ်တစ်ယောက်
သံဝေဂ၀ါးခမောက်ကို တုတ်နဲ့ထိုးခဲ့တာ အပြစ်လား အစ်ကို
နဖူးစာမင်ရည်ကျဲတာမဟုတ်
နဖူးစာမင်ရည်အသွန်ခံလိုက်ရတဲ့အခါ
ဒီလောက်တော့ ကြေကွဲခွင့်ရှိတယ်မို့လားဗျာ၊

ကိုယ်ပိုင်တာ ကိုယ်လုပ်လို့ရတယ်ဆိုပေမဲ့
ကိုယ့်အိမ်ကိုယ် မီးရှို့မရသလိုပါပဲ
ဘယ်သူမှမထိခိုက်ရအောင် အသဲကွဲကြေးဆို
ကျွန်တော့်ရုပ်နာမ်နှစ်ပါးလုံးက out of bound တွေပါပဲဗျာ၊

ဒီတော့လည်း
တစ်ကိုယ်စာအလင်းလေးနဲ့ မီးအိမ်လိုငြိမ်ငြိမ်ကုပ်ကုပ်
အလုပ်ရှုပ်ချင်ယောင်ဆောင်ခဲ့တယ် အစ်ကို
ကျွန်တော့်မှာ မီးဇာတွေသီးနေတာ
ဘယ်သူမြင်မှာလဲဗျာ
နေ့နေ့ညည
ကဗျာလေးတွေဖတ် သီချင်းလေးတွေနားထောင်နဲ့
ပေါက်ကွဲမယ့်မီးတောင်တစ်လုံးကို မြုံအောင်ပြုစားရတာ
တိုက်နေတဲ့လေကို လက်နဲ့တားရသလိုပါပဲဗျာ၊

အစ်ကိုရေ
မြေစိုင်တွေက ၀ှက်ထားတဲ့ပတ္တမြားတစ်ပွင့်**အတွက်
တစ်ဘ၀လုံး ရွက်လွှင့်နေတုန်းလား
ကျွန်တော်တော့ shopping mall တွေထဲ
ချောကလက်တစ်တောင့်အတွက်
စိတ်တွေယောက်ယက်ခတ်နေတာပေါ့ အစ်ကို၊

ဟိုဝါဒနည်းနည်း ဒီဝါဒနည်းနည်း
ဘူဖေးလို ကျွန်တော်ယူစားခဲ့တယ်
ဂစ်တာတစ်လက်နဲ့ ဆောင်းညအို
ကျွန်တော်ရင်ဖိုနေတုန်းပါ အစ်ကို
ဒုတိယဘုရားသခင်ကိုရှာဖို့
ကဗျာတွေကျင်ယူနေတုန်းပေါ့
အစ်ဇင်တွေက မိုးတိုးမတ်တပ်
ထထ သတ်နေကြတော့
အသက်ရှူတော့ နည်းနည်းကျပ်တယ် အစ်ကို၊

အစ်ကိုရေ
ကနယ်ရေ အင်းရေတွေနဲ့
ခိုက်ခိုက်တုန် အိမ်အပြန်လမ်းမှာ
လီရှောမီးတောက်***တွေက အရင်လို ဖမ်းစားထားတုန်းလား
ကျွန်တော်တော့ သူငယ်ချင်းတွေ စုံတဲ့အခါ
နည်းနည်းပါးပါး ကစ်တတ်နေပြီ အစ်ကို၊

ပုံနှိပ်စာမျက်နှာတွေပေါ်ရောက်ဖို့
သူငယ်ချင်းတွေက အတင်းထိုးတင်ကြတယ်
ဘာပဲပြောပြော
အရက်ဝိုင်းမှာ စကားပြောရတာ
လူရောစိတ်တင်မကဘူး
နားရွက်တွေပါ နွေးတယ် အစ်ကို၊

အစ်ကိုရေ
ငွေကြေးနည်းနည်း ရင်ခုန်သံများများနဲ့
လူငယ်တွေ အရင်လို သွေးရဲတုန်းလား
ကောင်းကင်တစ်ခုလုံး ကျိန်စာသင့်ထားတဲ့ မြို့လေးမှာ
လမ်းဘေးအုတ်ခုံပေါ် လဲကျသေဆုံးနေတဲ့ လူငယ်အိပ်မက်တွေက
ညည ကျွန်တော့်ကို ခြောက်လှန့်တယ် အစ်ကို၊

အစ်ကိုရေ
ညနေရီတရောဆို မျိုးစေ့တွေကြဲချပေးလေ့ရှိတဲ့
သဟာယစာကြည့်တိုက်ဘက် ခြေဦးလှည့်တုန်းလား
ဖတ်ဖြစ်တဲ့စာအုပ်တွေ လက်တို့ပါဦးအစ်ကို
ကျွန်တော်တော့ အီးဘုတ်တွေဖတ်
အီးပို့စ်စကဒ်တွေငေး အီးမေးလ်တွေစစ်နဲ့
အီးကမ္ဘာထဲ ချာချာလည်နေပေါ့ အစ်ကို
ရပ်ဝေးမှပို့သသော အီးမေတ္တာများနဲ့
အီးကမ္ဘာတစ်ဝှမ်း စိမ်းလမ်းသယောင်ရှိပေမဲ့
တစ်ခါတစ်ခါတော့
မမြင်ရတဲ့ အီးရန်သူတွေလည်း ရှိတာပေါ့ အစ်ကို၊

အတုအယောင်ထဲက အစစ်အမှန်
အစစ်အမှန်ထဲက အတုအယောင်
2 in 1 မှာတင် မျက်ခြေပြတ်ကျန်ခဲ့တဲ့ ကျွန်တော်တို့တွေ
3 in 1 ခေတ်ကြီးထဲ 3D version နဲ့ကြည့်ဖို့
နည်းနည်းတော့ အားမွေးထားရမယ် အစ်ကို၊

အစ်ကိုရေ
စာရေးစားပွဲကို လက်နဲ့ခေါက်သလို
Enter ကို ခေါက်ချလိုက်တာပါပဲ
အကြောင်းတွေမတူတော့ အကျိုးတွေကွဲရတယ်
မယ်နန်းကြည်တောင်ပေါ်တက်
လက်ဖက်ရွက်လေးတွေ အသာအယာလိပ်
မြင်ကွင်းတွေစိမ်းစိုအောင်ကြည့်တတ်ဖို့
ကျွန်တော်တို့ ကလေးဘ၀တွေ ကျန်ခဲ့ပြီ အစ်ကို၊

အစ်ကိုရေ
ရိုးသားမှုနဲ့ သွေးသားတော်စပ်လို့
အရင်လို ပြောင်ပြောင်ရောင်ရောင် နွမ်းပါးနေတုန်းလား
ဒီလိုဆိုရင်ဖြင့်
ကျွန်တော့်ကို တစ်ဆိတ်မျှပါ အစ်ကို
ကျန်းမာပါစေခင်ဗျာ။

ညိမ်းညို

ဗြုန်းအိတ်* - ကျောက်ပါသည်ဟု ယူဆရသောမြေသားများကို ထုတ်ပိုးထားသောအိတ်။

ပတ္တမြားတစ်ပွင့်** - ကျွန်တော်တို့ဒေသတွင် ကျောက်တစ်လုံးနှစ်လုံးဟု သုံးလေ့မရှိပါ။ ကျောက်တစ်ပွင့်နှစ်ပွင့်ဟုသာ သုံးပါသည်။

လီရှောမီးတောက်*** - ဒေသရိုးရာ အရက်တစ်မျိုး။

ရင်ကွဲနာ

ရင်ကွဲနာ

(၁)

သက္ကရာဇ်တို့ တောင်ခါးပန်းမှာ
ငါတို့နှလုံးသွေးနဲ့ ထွင်းခြစ်
သစ္စာရနံ့တို့ ပျံ့ဝေတည်နေပါစေ၊

တံ့တံ့တာရှည် နေ၊ ရေ၊ လေ၊ မီး
ဓာတ်အသီးသီး မငြီးဖောက်ပြန်
ထက်အောက်လှန်ဦး
ချစ်ထုံးသွယ်ယှက် မင်းလက်ကလေး
ဖြေးဖြေးသက်သက် ငါ့ကိုဆက်ပါ
‘သက္ကရာဇ်တို့ တောင်ခါးပန်းမှာ
ငါတို့နှလုံးသွေးနဲ့ ထွင်းခြစ်
သစ္စာရနံ့တို့ ပျံ့ဝေတည်နေပါစေ'

(၂)

မိန်းကလေးရေ

အရိန္ဒမာလှံကို ကိုင်ထားတဲ့

ကျန်စစ်သားဟာ

မင်းလက်ကိုကိုင်ထားတဲ့ ငါလောက်

သတ္တိမရှိပါဘူးကွာ။

ပန်းနုမျက်နှာကလေးကို ငေး
အမည်မသိတေးတစ်စကို မြို
ငါ့အတွက်
လောကဓံဟာ နှစ်လိုဖွယ်ဖြစ်ပေါ့
တစ်ရံရောအခါတွေကို လွမ်းတယ်။

ကဆုန်စိုင်းချင်နေတဲ့မြင်းတစ်ကောင်လို
ဇက်ကြိုးကို မင်းလက်ထဲ သာသာဖွဖွ အပ်ပါရဲ့
ငါ့ကို
ချစ်ခြင်းမေတ္တာကြာပွတ်နဲ့ လွှဲလွှဲရိုက်ပါ
ငါ့ကို
သံယောဇဉ်ကြာပွတ်နဲ့ လွှဲလွှဲရိုက်ပါ
ငါ့ကျောပြင်ကို
မင်းလက်ကလေးနဲ့ လွှဲလွှဲရိုက်ပါ
ခွာတစ်ချက် မရှပ်ပါဘူး
ငါ အားကုန်ပြေးပါ့မယ်
မင်းက
တူနှစ်ကိုယ်ပန်းတိုင်လေးကိုသာ
ကြည့်ထားပေးပါ။

(၃)

စိတ်ညစ်ရင် ရှောင်ဖယ်
အဆင်မပြေရင် ကွယ်ဝှက်
တစ်ခြမ်းထဲရက်စက်ခံတဲ့ ပုံပြင်
ငါ ရင်မခုန်ချင်ဘူး

မင်းရဲ့ မျက်မှောက်ရှေ့မှာ
အန္တရာယ်စီးမိုး ကျားဆိုးနဲ့သတ်ရသတ်ရ
ယောက်ျားလေးဗီဇကို ငါ နှိုးချင်တယ်

အဲဒီလို
တစ်ယောက်ယုံကြည်မှုကို
တစ်ယောက်ယုံကြည်မှုနဲ့ထပ်
ငါတို့ ချစ်ခြင်းကို
အမြတ်ဆုံး လွှင့်ထူချင်တယ်။

တစ်ယောက်ရဲ့ အားအင်နဲ့
တစ်ယောက်ကို ပြည့်ဖြိုး
ငါတို့ဘ၀လေးကို ပျိုးထောင်ချင်တယ်။

စိတ်ညစ်တယ်ဆိုပြီး ရှောင်မဖယ်ပါနဲ့
တစ်ယောက်ထဲနေချင်တယ်ဆိုပြီး ရှောင်မဖယ်ပါနဲ့
မင်းကိုမှ မကာကွယ်နိုင်ရင်
ငါ့ထွက်သက်ဝင်သက်ကို သယ်မလာဘူး မိန်းကလေးရေ။

(၄)

ဖုန်းလေးတစ်ချက်
ဆက်ပါရစေ
စကားလေးတစ်ခွန်း
ဆိုပါရစေ
ကမ္ဘာကို တွန်းရွေ့မဲ့အားတွေ
အဲသည်ကနေ ငါရမှာမို့ပါ။

မင်းနဲ့တွေ့ရင်
လျှပ်ပန်းလျှပ်နွယ်တွေက
ကောင်းကင်ကို ထက်ခြမ်းပိုင်းပြမလိုနဲ့
ခဏချင်းပြိုကွဲသွားကြသလိုမျိုး
ငါ ဘာကြောင့်နှုတ်ဆွံ့ရပါသလဲ၊

မင်းကောင်းကင်မျက်နှာကြက်မှာ
ငါက လင်းအားနည်းလျှပ်ပန်းလျှပ်နွယ်
ဒါပေမဲ့
ငါပျော်တယ် မိန်းကလေးရေ
ငါက ငါ့တစ်ကိုယ်လုံး ထွန်းပွင့်တုန်ခါတဲ့အလင်းမျိုးနဲ့
မင်းကို ထမ်းပိုးချင်တဲ့ကောင်ပေပဲ။

အရိပ်လိုချုပ်နှောင် အမှောင်လိုကြီးစိုး
အဲဒီဘ၀မျိုးကို ငါလည်းမုန်းတတ်ပါတယ်ကွာ

ခွန်အားမဲ့ရိုကျိုး
လက်ဖြန့်မိုးပေးချင်တာပါ
ဖွဲဖွဲကလေးပဲ စွတ်စိုစွတ်စို
သည်းသည်းထန်ထန်ပဲ စွတ်စိုစွတ်စို
အဲဒီစွတ်စိုမှုကို
ငါက ချေချွတ်ချင်တာပါ။

(၅)

မဆုံးနိုင်တဲ့ အလျှံတညီးညီးနဲ့ ကမ္ဘာဦးမီးဟာ
ငါ့အပေါ်ကိုစီးမိုး
သတိရခြင်းမီးခိုးလုံးတွေသာ
ထစ်ချုန်းအုံ့ပျစေလို့ပေါ့။

စုန်းမီးလိုတောက်စားတတ်တဲ့
ညကဝေရေ
ငါ့ရင်ကွဲနာကို ဖက်နဲ့ထုပ်
ဟော..ဟိုက တိမ်သားညိုညိုတွေဖုံးအုပ်လို့
တိတ်တဆိတ်မြုပ်နှံပေးပါ။

‘ချစ်..တယ်’ ဆိုတဲ့စကားနှစ်လုံးဟာ
စနစ်တံဖြုတ်ထားတဲ့
ဗုံးတစ်လုံးလို အန္တရာယ်ကြီးမား
မျက်ရည်တံခါးကို ဖြိုတတ်ပါသလား။

မငိုဘူး...မငိုဘူး
ငါမငိုပါဘူး
ဆိုမြည်ရုန်းဟစ် အသံတွေအစ်ရင်းက
မျက်ရည်တွေ တစစ်စစ်ကျခဲ့ရ
ညတွေ...ညတွေ မှောင်လွန်းခဲ့ပါတယ်။

(၆)

မြနုလင်းချို လရောင်ပျိုရေ
ငါ့ကို ငြိမ်းမှုတ်
သိမ်းထုတ်လိုက်ပါကွယ်

ပြာဝင်းမှုန်လဲ့ သွဲ့သွဲ့လေညင်းရေ
ငါ့ကိုကျောခင်း
နင်းပစ်လိုက်ပါကွယ်

ရင်ဘတ်ဟောက်ပက်
အနာမဲ့ဒဏ်ရာတစ်ချက်နဲ့
အသက်ရှူခြင်းကို ငါမုန်းတယ်။

(၇)

မပျော်တော့ဘူးဆိုတဲ့ လူတစ်ယောက်မှာ
ပျော်စရာ ဘာများကျန်ပါသေးသလဲကွယ်

မီးဇာကုန်ဆီခမ်းနဲ့
စုံလုံးကန်းနေတဲ့ညရေ
မူးမူးနဲ့အိပ်နေတဲ့ ငါ့ကို
လရောင်တစ်ဆင်စာလောက် ရောင်းပါ
လရောင်တစ်ဆင်စာလောက် ရောင်းပါ
လ ရောင် တစ် ဆင် စာ လောက် ရောင်း ပါ
ငါတစ်ယောက်ထဲ မှောင်လွန်းလို့ပါကွာ။

ညိမ်းညို

ပုံဆောင်ခဲများ

ပုဂ္ဂိုလ်ခင်၍ တရားမမင်ခဲ့ပါ
တရားကိုမင်၍ ပုဂ္ဂိုလ်ခင်ခဲ့ပါသည်
တဖန် တရားမမင်သော်ငြား ပုဂ္ဂိုလ်ခင်ချင်ခင်ပါမည်
ပုဂ္ဂိုလ်မခင်သော်ငြား တရားကိုလဲ မင်ချင်မင်ပါမည်။

အနုပညာသည် ပြည်သူအတွက်
အနုပညာသည် အနုပညာအတွက်
အနုပညာသည် ဘာအတွက်မှမဟုတ်
အနုပညာသည် အရာအားလုံးအတွက်
ထိုသဘောတရားလေးမျိုးနှင့်
ထို့ထက်ပိုသော ကျန်သဘောတရားများအားလုံးအတွက်
လွတ်လပ်မျှတစွာ အသင့်အတင့်နှလုံးသွင်းတတ်လိုပါသည်။

မြစ်ကျဉ်းတစ်နေရာမှကြည့်၍
ဧရာဝတီကို ရေစီးသန်လှသည်၊ ကြမ်းတမ်းလှသည်ဟု မဆိုချင်ပါ။
ဒိုက်သရောတို့ကိုကြည့်၍
ဧရာဝတီညစ်ပတ်နေပြီဟု မစွပ်စွဲလိုပါ။
ကျယ်ပြန့်သောသဲသောင်၊ တည်ငြိမ်သောရေစီးနှင့်
လတ်ဆတ်ဝဖီးနေသော နုန်းမြေနုစိုက်ကွင်းစိုက်ကွက်များကို တ၀ကြီးငေးမော၍
ဧရာဝတီ၏ အသုံးဝင်မှုတန်ဖိုးနှင့် အိနြေ္ဒကြီးမားသော အလှတရားကို
တဆုံးတဖျား ရူးသွပ်ချင်ပါသည်။

ရပ်၍လည်း မနေချင်ပါ
ပြေး၍လည်းမနေချင်ပါ
အဆိုးဆုံးမှာ ပြိုင်ဆိုင်၍ မနေချင်ပါ
ဆရာမောင်ချောနွယ်ကို အားကျပါသည်
မာယာကော့စကီးကို အားကျပါသည်
ကိုခင်ဝမ်းကို အားကျပါသည်
ဗန်ဂိုးကို အားကျပါသည်
နယ်ပယ်ကဏ္ဍအသီးသီးမှာ
အားကျလေးစားရသော ပုဂ္ဂိုလ်ပေါင်းများစွာရှိပါသည်
သို့သော်
ညိမ်းညိုသည် ညိမ်းညိုစစ်စစ်ဖြစ်ခဲ့လျှင်ပဲ ကျေနပ်ပါသည်။

ကိုယ်နှင့်မတူ ရန်သူဟုယူဆလျှင်
နောက်ဆုံး ကမ္ဘာကြီးပေါ်တွင် ကိုယ်တယောက်တည်း ကျန်ခဲ့လျှင်ပင်
ကိုယ့်စိတ်နဲ့ကိုယ့်ကိုယ် ရန်သူဖြစ်နေဦးမည်ထင်ပါသည်။

ဖြစ်ပြီးတိုင်း ပျက်ရမယ်ဆိုမှဖြင့်
ဒီကဗျာကို ကျနော်ရေးမနေတော့ပါ
တည်တံ့နေဦးမည့် ကြားကာလကလေးလဲ
ရှိမည်ဟု ထင်ပါသည်။
(တရားသဘောကို စစ်ကြောရန်မရည်ရွယ်ပါ)

အခြားသူတစ်ဦးတစ်ယောက်နှင့် နှိုင်းယှဉ်ပြောဆိုခြင်းခံရအောင်
လူသည် ကုန်ပစ္စည်းမဟုတ်ဟု ထင်ပါသည်
ဟုတ်သည်ဟု ယူဆလျှင်
လူတကိုယ်စာဆန့်သည့် ချိန်ခွင်အကြီးကြီးများ ထုတ်လုပ်ပေးစေချင်ပါသည်။
(နှိုင်းယှဉ်သမှုပြုကြသော ပုဂ္ဂိုလ်များကို မလိုအပ်ဘဲ အပန်းမကြီးစေချင်ပါ)

ဖန်တီးမှုက ရှေ့ကသွားသည်
ခွဲခြမ်းစိတ်ဖြာမှု၊ သုံးသပ်မှု(သီဝရီ)က နောက်ကလိုက်သည်
ထိုသို့ပင် အစဉ်တစိုက်ရှိခဲ့ပါသည်
ခွဲခြမ်းစိတ်ဖြာမှု၊ သုံးသပ်မှု(သီဝရီ)က ရှေ့ကသွားသည်
ဖန်တီးမှုက နောက်ကလိုက်သည် ဟု
တစ်စုံတစ်ယောက်က သို့မဟုတ် အချိန်ကာလတခုခုက ထုတ်ဖော်ပြောဆိုလာခဲ့သော်
အသာတကြည် ခေါင်းညိမ့်နိုင်ပါသည်
ညိမ်းညိုသည် မင်းတုပ်အားလုံးဖြုတ်ထားသော ခပ်ညံ့ညံ့ဦးခေါင်းတလုံးကို ပိုင်ဆိုင်သူဖြစ်ပါသည်။

ချီးကျူးခံရခြင်းသည် ကောင်းပါသည်၊ ထို့ကြောင့် နှစ်လိုစွာ လက်ခံပါသည်
အဆဲခံရခြင်းသည် မကောင်းပါ၊ သို့သော် နှစ်လိုစွာ လက်ခံပါသည်
တစ်ပါးသူရဲ့ ပါးစပ်ပေါက်ကျဉ်းကျဉ်းလေးထဲမှာ
ကိုယ့်ဘ၀တစ်ခုလုံးကို ပစ်ထည့်မထားပေးနိုင်ပါ။

ပညာတတ်ခြင်းသည် ကောက်ကျစ်ဖို့မဟုတ်ပါ
အတွေးအမြင်ကျယ်ပြန့်ခြင်းသည် ဆင်ခြေလှလှပေးတတ်ဖို့မဟုတ်ပါ
ကလောင်သွားသည် ဓားသွားထက် ထက်ပါသည်
တစ်ဖက်လူကို ထိုးခုတ်မျိုးဖြုတ်ဖို့တော့ ဟုတ်မယ်မထင်ပါ။

အပြောကောင်းဖို့မလို၊ အကောင်းပြောဖို့ လိုသည်
လူငယ်စိတ်ဖြင့် တချိန်က နားယောင်ခဲ့ဖူးသည်
အကောင်းလဲပြော၊ အပြောလဲကောင်း
ထိုသို့ဆိုလျှင် ပို၍ကောင်းမည်ထင်ပါသည်

မုန့်ကျွေး၍ မနှစ်သိမ့်လိုပါ
ကိုယ်တိုင်လည်း ဘုမသိဘမသိနှင့် မုန့်ကျွေး၍ နှစ်သိမ့်မခံလိုပါ
အခြေအနေကို ဂဃနဏ သိလိုပါသည်
ထိုသို့ နှစ်သက်ကျေနပ်စွာ သိရလျှင်
ကျောတစ်ရာရင်တစ်ရာခတ်၍ မြိုင်ရပ်သို့နှင်လိုကနှင်
ပျော်ပျော်ရွှင်ရွှင် သွားပါမည်။

လေယာဉ်ပျံကြီးစီးရတာ ကောင်းလှပါသည်
ခရီးလမ်းပန်း ချောမွေ့မြန်ဆန်ခဲ့ပါသည်
ထိုသို့ဖြစ်ရုံမျှနှင့်
လှည်း၊ လှေအပေါင်းကို ထုထောင်းပုတ်ခတ်မပြုလိုပါ။

မရှိသောစည်းများ၊ မရှိသောဘောင်များကို ပင်ပန်းတကြီးခဲကတ်ရှာဖွေ၍
ဝင်းတွေခြံတွေ ပြုလုပ်နေကြပါသည်
ဂလိုဘယ်လိုက်ဇေးရှင်း ဆိုသောစကားလုံးကြီးကို
တခါတခါ ဟက်ဟက်ပက်ပက် ရယ်မောပစ်လိုက်ချင်ပါသည်။

သမ္မတကြီးခေါင်းကိုက်ခြင်းသည်
ဆိုက်ကားသမားကိုတင်ကြည် ခေါင်းကိုက်ခြင်းနှင့်
ရောဂါအမျိုးအစား တူညီပါသည်
ကုထုံးမှာကား မတူညီပါ။

ဘယ်သူမရှိလို့မှ ဘာမှမဖြစ်ပါ
မတော်မဆဖြစ်ရပ်များသည်
မတော်မတရားဖြစ်မသွားဖို့ အရေးကြီးပါသည်။

သူတစ်ပါးလက်မောင်းပေါ်
ခေါင်းအုန်းနေရသော အချိန်အခါမို့ အားငယ်ဖို့မလိုပါ
ကိုယ့်လက်မောင်းပေါ်
သူတစ်ပါးခေါင်းအုန်းနေသော အခြေအနေမို့လဲ မာန်တက်ဖို့မလိုပါ
လောကပါလတရားသည်
စာရွက်ပေါ်မှာရေးထားသော မစားရ၀ခမန်းသြ၀ါဒကြီးများထက်
ပို၍ ချိုမြိန်ပါသည်။

မျက်မှန်စိမ်းတပ်ထားမှ မဟုတ်ပါ
အချို့သော ကာလာဘလိုင်းတို့သည်
ညိုမွဲခြောက်သွေ့နေသောအရောင်ကို အစိမ်းရောင်ဟုမြင်တတ်ကြပြီး
စိမ်းစိုသစ်လွင်သောအရောင်ကို ညိုမွဲခြောက်သွေ့နေသည်ဟု မြင်တတ်လေ့ရှိပါသည်။

မြန်မာဖြစ်ရသောကြောင့် (အချို့ပုဂ္ဂိုလ်များခံစားနေရသလို) ထူးပြီးမရှက်မိပါ
ထူးပြီးလဲ ဂုဏ်မယူမိပါ
လူမျိုးအားလုံး၊ လူသားမျိုးနွယ်စုအားလုံး
တူညီသောအရည်အသွေး၊
တူညီသော လူ့ဂုဏ်သိက္ခာရှိသည်ဟု စွဲမှတ်ယုံကြည်ပါသည်
ကျောက်ဖြစ်ရုပ်ကြွင်းတွေ၊ အမှတ်အသားတွေ
ဘယ်တိုင်းပြည်က ပိုရှေးကျပြီး တွေ့ရသည်ဖြစ်စေ၊ မတွေ့ရသည်ဖြစ်စေ
ဘယ်နေရာက လူအဖြစ်ကို စတင်တွေ့ရှိသည်ပဲဖြစ်စေ
လူမျိုးတစ်မျိုးဖြစ်ရခြင်းအပေါ် ရှက်ခြင်းမရှက်ခြင်း သက်ရောက်မည်မထင်ပါ
မြန်မာလူမျိုးတစ်မျိုးလုံးယဉ်ကျေးနေစေ
ညိမ်းညိုမိုက်ရိုင်းလျှင် ညိမ်းညိုမိုက်ရိုင်းသည်သာ ဖြစ်ပါမည်
မြန်မာလူမျိုးဟုဆိုလိုက်ရုံနှင့်
ညိမ်းညို၏မိုက်ရိုင်းမှုသည် ရောယောင်၍ ယဉ်ကျေးသွားမည်မဟုတ်ပါ
ဘ၀တစ်ခုအတွက် လူမျိုးတစ်မျိုး၏ အရေခွံကို
နှစ်၁၀၀ထက် ပိုခြုံထားချင်၍ ရမည်မထင်ပါ။

ဂိုဏ်းဂဏများဖွဲ့၍လည်း အနုပညာကို မတူးဆွလိုပါ
အယူမှားရှာပြီဆိုလျှင်လည်း
ဒီတစ်သက် အနုပညာမရဘဲ နေရပါတော့မည်။

ပြေးလမ်းကြောင်းများ ကိုယ်စီရှိပြီးဖြစ်ပါသည်
ခြေထိုးခံဖို့တွေးမိလျှင်ပဲ တွေးမိသည့်ဦးခေါင်းကို
ခြောက်ပေါင်တူနှင့် ပြားနေအောင်ထုပစ်လိုက်ဖို့ ကောင်းပါသည်။

အရိုးထုတ်ပါ၊ အရေစုတ်ပါ၊ အသားနွှာပါ
ဝိညာဉ်ကိုရပြီဟု မဆိုပါနှင့်။

ညိမ်းညို

မယ်ဖ

ကဗျာဆရာဟာ ချစ်သူကို မြတ်နိုးတွယ်တာသလို
မယ်ဖကို မြတ်နိုးတွယ်တာတယ်
သူ့ရင်အုံအတွင်းသားထဲမှာ
သံတောင်ကြီးနဲ့ကျောက်ထီးပမာ ထီးထီးကြံ့ခိုင်နေတဲ့
ရာဇ၀င်စာမျက်နှာတစ်ချပ် ရှိတယ်ဆိုပါစို့
ဘယ်နေရာက စဖတ်ဖတ် မယ်ဖကို တွေ့နိုင်တယ်။

မယ်ဖဟာ
သူ့ခန္ဓာကိုယ်ပေါ်ကဒဏ်ရာတွေကို
သူကိုယ်တိုင်ရေတွက်ဖို့ အခွင့်မသာတဲ့အခါ
ကဗျာဆရာကို ချောဆင့်တယ်၊
မယ်ဖကို မယ်ဖဆန်စေချင်လှတဲ့ကဗျာဆရာဟာ
ဒဏ်ရာတွေကို မျက်ရည်အစက်စက်နဲ့ ရေတွက်ခဲ့တယ်။

ကွေ့သောကောက်သောလမ်းတို့ရဲ့အဆုံးမှာ
နှလုံးသားဖြောင့်တဲ့မယ်ဖကိုတွေ့ရမယ်။

ထူအမ်းနီစွေး
မြေစေးဖျော်ရည်ပျစ်ပျစ်တွေ
ရက်လွန်လက်ဖက်ရည်တစ်ခွက်လို
ညိုညစ်ညစ် ကနယ်မှုန်အနယ်အနှစ်တွေ
ပျော်ဝင်ပြည့်သိပ် ဘ၀တူလူသားတွေ
မယ်ဖကိုတန်ဆာဆင်ကြ
မြို့ရဲ့နံရိုးထဲ
အကြိုအကြားမကျန်
ပတ္တရောင်လှည့် ရစ်ခွေစီးဆင်းနေကြ။

အနိမ့်အမြင့် ချိုင့်ဝှမ်းလျှိုမြောင်အသွယ်သွယ်
ခြေချင်းခေါင်းချင်းဆက် ယှက်နွယ်အိမ်စဉ်အိမ်တန်းများ
မယ်ဖဟာ အသက်ငွေ့ငွေ့လေး ရှိနေသေးတယ်။

ခြံတွေထဲမှာ တောင်ကုန်းတွေပေါ်မှာ
သစ်တော်ပင် သစ်တော်သီးတွေ
စိမ်းဖန့်ဝင်းပ ကိုင်းညွှတ်ပြွတ်ခဲ
ဖွံ့ဖွံ့ကားကားနဲ့ အလုံးထွားလှချည့်
မြို့နေလူထုကိုများ လှောင်နေရော့သလား။

ကော်ဖီပင်တွေပေါ့
မာနကြီးတခွဲသားနဲ့
ထည်ထည်ဝါ၀ါတောင်ကတုန်းကြီးတွေပေါ်ကနေ
ပြောင်ပြောင်ရောင်ရောင် စီးမိုးကြည့်နေကြသေး
မယ်ဖဟာ သနားစရာလား။

လက်ဖက်ပင်ပျိုစိမ်းအုပ်အုပ်တို့
သင်္ကြန်ယိမ်းတိုက်နေသလို ညီလှစီလှ
တောင်ပေါ်လေညှင်းသွဲ့သွဲ့မယ်
မယ်ဖက ကွက်ကျားမိုးရွာတယ်။

တိုက်တာအိုးအိမ်ကြီးတွေ ထည်ဝါလှချည့်
ကားကြီးကားငယ်တွေ ဆန်းသစ်တောက်ပြောင်လှချည့်
ပွဲနေပွဲထိုင်အ၀တ်အစားတွေနဲ့ ဂုဏ်ရည်ကြီးမြင့် အသရေတင့်လှချည့်
"ကျွန်တော့ခန္ဓာအိမ်ထဲမှာ ဒီလူလေးတစ်စုထဲ
ကွက်ပြီးနေတာမဟုတ်ဘူးလေဗျာ" တဲ့
လီရှောမီးတောက်အရက်နဲ့ ခပ်ထွေထွေဖြစ်လာပလားဆိုရင်
မယ်ဖဟာ လက်ဖက်ပင်လေးကို ဒီလိုပြောရှာရဲ့။

ဆန်မထွက် ဆီမထွက်ရှာတဲ့မယ်ဖ
ဂေါ်ရခါးသီးနဲ့မုန်ညှင်းကိုသာ ပေါပေါလောလောရနိုင်တဲ့ မယ်ဖရယ်လေ
ဘုစုခရုတံတားလေးတွေအများကြီးထဲက တစ်စင်းတစ်လေ ပျက်ယွင်းသွားရင်ကိုပဲ
ကမောက်ကမကုန်ဈေးနှုန်းနဲ့ တအုန်းအုန်းရိုက်ပုတ်ခံရတတ်သေးတာ။

ရှေးအဘိုးအဘွားတို့က ပြောကြတယ်
မြို့သူမြို့သားတို့ ဆင်းရဲကျပ်တည်းလာပြီဆိုရင်
ကြည့်ရှုစောင့်ရှောက်ပေးတတ်လို့
ပြင်ပေးဆင်ပေးတတ်လို့
ကြမ္မာကောင်း လာဘ်ကောင်းတွေကို ဆောင်ကြည်းပေးတတ်လို့
"မယ်ဖ" လို့တွင်သတဲ့၊
အဲဒီလို ရာဇ၀င်အခင်းအကျင်းနဲ့ မယ်ဖဟာ
သူ့လည်မြိုမှာ တစ်စုံတစ်ရာ ဖိညှစ်ခံထားရပေါ့
အသံမထွက်နိုင်ရှာတော့ဘူး
ကိုယ်ကျပ်အင်္ကျီသေးသေးလေးနဲ့
သူကိုယ်တိုင်မှာ ကျပ်ထုပ်လို့နေပေါ့
လူရိုးလူကောင်းကြီး မယ်ဖ
မြို့သူမြို့သားတို့ရဲ့ ဟီးရိုးကြီး မယ်ဖ
ခွန်အားရှိသမျှ ရုန်းခဲ့လှုပ်ခဲ့တယ်(သူဟာ သူ့ရာဇ၀င်ကို တန်ဖိုးထားတယ်)
၁၉၉၄ အလွန်နှစ်များမှာ အငိုက်မိသွားရရှာသူ မယ်ဖဟာ
၂၀၀၀ ပြည့်နှစ်အလွန် ကာလများမှာတော့
ရုန်းလေနစ်လေ၊ လှုပ်လေမြုပ်လေနဲ့
သူဟာ တုပ်ချည်စည်းနှောင်ခြင်းခံလိုက်ရတော့တယ်။

၁၉၉၅ အလွန်နှစ်များမှာ
မယ်ဖဟာ အချိုးအကွေ့တွေ များလွန်းခဲ့တယ်
သက်ရှိတွေကိုပါ ခါးပိုက်ထဲထည့်ထားလို့ရတယ်ဆိုတာ သိလိုက်ရတော့
မယ်ဖဟာ အံ့သြလှပေါ့
သက်ရှိအကြီးကြီးတွေ၊ သက်ရှိပေါက်စနလေးတွေကလဲ
ခါးပိုက်ထောင်တွေထဲမှာ ပြုံးလို့ပျော်လို့
ဆိုတော့....
မယ်ဖဟာ ထပ်ဆင့်အံ့သြရပြီပေါ့။

ငြိမ်းချမ်းရေး...ငြိမ်းချမ်းရေး
ဒီလိုပဲ စူးစူးဝါးဝါး အော်ခဲ့ကြ
လက်သီးလက်မောင်းတန်းကြ
သစ်သစ်လွင်လွင်ဆိုင်းဘုဒ်ကလေးတွေထောင်ကြ
မယ်ဖနဲ့ဘယ်လိုမှ မအပ်စပ်လှတဲ့
ကိရိယာတန်ဆာပလာတွေ ယူဆောင်လာကြ
(လူတွေက အဲဒီကိရိယာတန်ဆာပလာတွေကို မြင်ရုံနဲ့ကြောက်တယ်)
စာနာစိတ်ပလပ်ခေါင်းအဖြုတ်ခံထားရတဲ့ လူလိုအကောင်ကြီးတွေ
အမည်းတွေကို အဖြူလုပ်ဖို့
မယ်ဖရဲ့ရင်ခေါင်းထဲ ဒရကြမ်းဖြိုဖျက်တွန်းဝင်လာကြ
အူ၊ အသဲ၊ အဆုတ် ကလီစာအမှုန်အမွှားလေးတွေမကျန်
ပုဝါမကူ ရေမရှူစတမ်း စုပ်ယူဝါးမြိုကြ
ဗီဇာသက်တမ်းတွေ အလီလီတိုးကြ
သဘောတူညီမှုတွေ အထပ်ထပ်ယူကြ
အခု မယ်ဖဟာ
ငြိမ်းချမ်းရေးအသံကြားရင်ကိုပဲ
ခြေတွေလက်တွေတုန်လို့...။

နေကြာပန်းပန်ချီကားထက် လှပတဲ့တင့်တယ်မှုမျိုး
နေကြာပန်းရုပ်ရှင်ဇာတ်ကားထက် သာလွန်တဲ့စွဲမက်ဖွယ်ရာမျိုး
တောင်နေကြာတွေ ၀ါရွှေထိန်တောက်လို့
တောတွေအဆင့်ဆင့် တောင်တွေအထပ်ထပ်
နနွင်းရည်တွေ လိမ်းကျံပက်ဖြန်းထားသလို
ဟည်းဟည်းထရွှေတောင်ကြီးတွေကြားမှာ
မယ်ဖဟာ ဖော်ဖော်ရွေရွေပြုံးလို့
မယ်တော်ကြီးတောင်၊ ဆင်ဖြူတောင်
တောင်တော်အထွတ်အမြတ်တို့မှာ
တရားဓမ္မသံတို့ ငြိမ်းအေးကြည်သာစွာ ပျံ့လွင့်လို့
ဆည်းလည်းသံလေးတွေ တေးဆိုလို့
ကျေးငှက်ကလေးတွေ ပျံဝဲလှုပ်ရှားလို့
လက်ဖက်ရနံ့လေးတွေ သင်းပျံ့လို့
ရှမ်းဇီးသီးအ၀ါကလေးတွေ ပျောင်းအိညွှတ်တွဲလို့
ဗမာ၊ ရှမ်း၊ လီဆူး၊ ပလောင်၊ တရုတ်၊ ဂေါ်ရခါးနဲ့ ငါတို့ရဲ့မိတ်ဆွေများဟာ
သာရေးနာရေး အစုစုအမှုမှု၊ ဒေသရိုးရာပွဲတော်အသီးသီးမှာ
ချစ်ခင်စည်းလုံးစွာ ညီညွှတ်စုဝေးလို့
မြို့သူမြို့သားတွေက ဘုရားသွားကျောင်းတက်ပြုလို့
မယ်ဖဟာ လူ့ဂုဏ်သိက္ခာမီးရှူးတန်ဆောင်ကို အမြင့်မားဆုံးထွန်းညှိလို့
မယ်ဖဟာ စားဝတ်နေရေး အမှုကြီးသုံးပါးကို နိုင်နိုင်နင်းနင်း ထမ်းပိုးလို့
မယ်ဖဟာ နှင်းမြူဖွေးဖွေးကြားမှာ နွေးထွေးလုံခြုံလို့
မယ်ဖဟာ ဇာပုဝါပါးပါးလေး ခြုံလို့
ကမ္ဘာကြီးနဲ့လဲ အဆက်အဆံမပျက်ခဲ့ဘူး
အမျိုးကောင်းပီသမို့ အိနြေ္ဒလဲမကလက်ခဲ့ဘူး
ယိုးဒယား၊ လန်ဒန်၊ အမေရိကား မြို့ကြီးပြကြီးတွေနဲ့
ရိုးရိုးဖြောင့်ဖြောင့် ကူးလူးဆက်သွယ်လို့
မယ်ဖဟာ တကယ်ကိုနူးညံ့သိမ်မွေ့စွာ လှပခဲ့ပါတယ်လေ။

အခုတော့
ည ၈နာရီကျော်ရုံလေးနဲ့
မယ်ဖဟာ အိပ်မောကျသွားရှာပြီ
မယ်ဖကလမ်းတွေဟာ
မယ်ဖကလူတွေအတွက် ပျော်ရွှင်ဖွယ်မကောင်းတော့
မယ်ဖကပွဲလမ်းသဘင်တွေဟာ
မယ်ဖကလူတွေအတွက် သိုက်သိုက်ဝန်းဝန်းမရှိတော့
မယ်ဖကထွက်ရှိသမျှတွေဟာ
မယ်ဖကလူတွေအတွက် မဟုတ်တော့
ယုတ်စွအဆုံး
လက်ဖက်ရည်ဆိုင်က သီချင်းသံတောင်
မယ်ဖကလူငယ်တွေအတွက် ပီပီသသမရှိတော့
နေ့စဉ်နဲ့အမျှ လူငယ်တွေဟာ
ကျောက်ဖျာကြီးကို ကျော်ခွခုန်ထွက်ပြီး
မယ်ဖနဲ့ဝေးရာဆီကို ပြေးနေကြပြီ။

သန္တာ၊ မြ၊ ဥဿဖယား၊ ဂေါ်မိတ်၊ ကြောင်
သွေးရဲ့အဆင်းလိုလှပ
နီစွေးပတ္တမြားနဲ့ မိုးပြာရောင်နီလာညီနောင်တို့လဲရှိ
တွင်းထွက်ကျောက်မျက်ရတနာတွေ အမျိုးစုံလင်လှချည့်
ရတနာတွေဖင်ခုထိုင်ထားတဲ့မယ်ဖဟာ
အထည်ကြီးပျက်တစ်ယောက်လို
ရွှေထီးဆောင်းဇာတ်လမ်းတွေနဲ့ နှစ်သိမ့်ခံထားရပြီ။

ခွေးတွေကြက်တွေလို မြေကြီးကို နာနာယက်ကြ
ကြွက်တွေလို ဂလိုင်တွေတူးဆွကြ၊ လိုဏ်ခေါင်းတွေဖောက်ကြ
စစ်ပွဲကြီးတစ်ပွဲဆင်နွှဲနေသလို
ဒိုင်းနမိုက်တွေ၊ ယမ်းအားပြင်းပြင်းတွေနဲ့ ဖောက်ခွဲလိုက်ကြ
တောင်တန်းတွေကို အပိုင်းပိုင်းခုတ်ထစ်လိုက်ကြ
မယ်ဖရေ....
စမ်းချောင်းကလေးရေ.......
စိမ်းညို့တောအုပ်တို့ရေ.........
ဒဏ်ရာတွေနိုင်းချင်းနဲ့ အားတင်းလို့ဆိုကြ
ငါတို့ အနိုင်ကျင့်ခံရတယ်
ဒါ..မတရားမှုသက်သက်ကြီးပါကွယ်။

သရဲသဘက် မြေကော်စက်ကြီးတွေ
တစ္ဆေလက်တံအရှည်ကြီးတွေ
ယမ်းပေါက်ဖော် လွန်ပူသေနတ်ကြီးတွေ
ဖွတ်ချက်ဖွတ်ချက်နဲ့ မယ်ဖရဲ့ရင်သားတွေကို
၂၄နာရီ ထိုးဆွမွှေနှောက်နေတဲ့
အစားကြူးသူ စက်ယန္တရားကြီးတွေ
ကျွန်တွေလိုမောင်းနှင်တတ်တဲ့ ခရာတွတ်သံတွေ
ရမ်းရမ်းကားကားမောင်းတတ်တဲ့ ဘီးခွံထူထူနဲ့ ကားအမြင့်ကြီးတွေ
နူးညံ့မှုကိုရှာဖွေကြည့်ဖို့
ကျောက်မျက်ရတနာထက်တောင် ရှားပါးခက်ခဲနေတဲ့ လူသေမျက်နှာကြီးတွေ
တရားစီရင်ခွင့်ကို လိုအပ်သလိုပိုင်ဆိုင်နေတဲ့ ဧရာမပုဂ္ဂိုလ်ကြီးတွေ
ကိုယ့်ကြီးထွားမှုကလွဲရင် အခြားဘာကိုမှ မြင်နိုင်စွမ်းမရှိတဲ့
ပြူးကျယ်သောမျက်ပေါက်ကျဉ်းကျဉ်းတွေ.....။

အဲဒီထောင်ချောက်တွေထဲမှာ
အိမ်တွေကျွံကျ မြေတွေကျွံကျ
ကတ္တရာလမ်းမကြီးတွေ ကျွံကျ
စည်ကားအပ်သောနေရာတွေကျွံကျ
ဈေးတွေကျွံကျ၊ လူနေရပ်ကွက်တွေကျွံကျ
ဘုရား၊ ကျောင်း၊ ကန် အကာအရံတံတိုင်းတွေ ကျွံကျ
အဆိုးရွားဆုံးကတော့
လူနေမှုဘ၀အာမခံချက်တွေ ကျွံကျခဲ့ရတာပဲ မယ်ဖရေ။

"စေတနာဆိုမှပဲ
ဖြူပြီပေါ့ဗျာ၊ မည်းပါဦးမလား" လို့ဆိုကြ
စေတနာတစ်ဆကို အခွင့်အရေးဆယ်ဆနဲ့ရော
ငွေကြေးနဲ့နာနာဖျော်
အကျော်အမော်လူတော်ကြီးတွေ ကျက်စားတဲ့နေရာ
မယ်ဖမှာ ဖျာတစ်ချပ်စာအတွက်
ဘွာခတ်နိုင်သူတွေ နေရာရမယ်။

လင်သားကစွန့်ပစ်ခြင်းခံထားရတဲ့ မိန်းမတစ်ယောက်လို
ဝမ်ဗိုက်ဟောင်းလောင်းနဲ့မယ်ဖဟာ
ဆရာကြီးဆိုသူတွေရဲ့ သူကောင်းပြုပေးခြင်းအမှုကို
အတင်းရော ဇွတ်ရော အဓမ္မရော ခံစားကြုံတွေ့နေရပေါ့။

မယ်ဖမှာ ဦးချရမဲ့လူတွေကများတယ်
ဒါကြီးတွေကိုပဲ
ဖူးမ၀ဖြစ်နေတဲ့ ပုပုရွရွဝေနေယျတွေကလဲ ဒုနဲ့ဒေး
ဟေးးးမယ်ဖ
လူရည်လည်ကြီးတွေက မင်းကိုနေ့ပြန်တိုးနဲ့ ချေးစားနေကြပြီကွ
စိတ်မရှည်ကြတော့ဘူးတဲ့ မစောင့်နိုင်ကြတော့ဘူးတဲ့
အမြီးကျက်ဖို့လဲ မလိုတော့ဘူး၊ ခေါင်းကျက်ဖို့လဲ မလိုတော့ဘူးတဲ့
သူတို့ မင်းကိုအစိမ်းလိုက် ၀ါးစားနေကြပြီ မယ်ဖ။

ခံစားနေရတာကို ခံစားနေရတယ်ပြောလို့
ကြုံတွေ့နေရတာကို ကြုံတွေ့နေရတယ်ပြောလို့
ယဉ်ကျေးမှုမရှိဘူးဆိုရင်
ငါ လူရိုင်းပဲလုပ်တော့မယ် မယ်ဖ။

မယ်ဖရေ
မင်းဒဏ်ရာတွေကို ငါဆေးထည့်မယ်
မျက်ရည်တွေကို သုတ်လိုက်တော့
ဒဏ္ဍာရီထဲကဖီးနစ်ငှက်လို ပြာပုံထဲကနေတိုးထွက်ပျံသန်းကြစို့
ဒီတွင်းနက်ကြီးထဲကနေ ငါတို့ အတူတူခုန်တက်ကြစို့။

ညိမ်းညို
(၇-၁၁၊ ၉၊ ၂၀၀၈)

အိမ်ပြေးတစ်ယောက်ရဲ့ ဒိုင်ယာရီ

စိတ်ကူးထဲက ကမ္ဘာလောကကြီး
အမေ့အိမ်ထက် ရာသီဥတုသာယာမယ်ထင်လို့
ကျွန်တော်ထွက်လာလိုက်တာ
ဆယ်မိုးဆယ်နွေ..
တစ်နေ့မှ နေမသာခဲ့ပါဘူးအမေရယ်

မြို့ကလေးက ကျဉ်းတယ်
အမေ့အိမ်က စုတ်တယ်
ညီမလေးက နုငယ်နွမ်းနယ်
ဟောဒီကောင် အမေ့သားကတော့
စာတွေပေတွေ အထပ်ထပ်ဖတ်ပြီး
ဘ၀အပေါ် အချိန်ရှိသရွေ့ ရူးနှမ်းနေမိတာပေါ့

ကျွန်တော်က
အမေ့ရင်ငွေ့မှာပဲ ရိုးရိုးအေးအေးကလေး
ခိုလှုံချင်တာအမေရဲ့
အမေမရှိတဲ့ အရပ်ဒေသတွေမှာ
ဘယ်တော့မှ လ ထွက်လေ့မရှိဘူးဆိုတာ
အခု..ကျွန်တော်သိတတ်ခဲ့ပါပြီ

အသိပညာ အတတ်ပညာ
ဘ၀အာမခံချက် အဆင့်အတန်း
စားဝတ်နေမှုဆိုတဲ့ အရေးကြီး ၃ ပါး
အဲဒီမောင်းနှင်အားတွေနဲ့အတူ
ပိုကောင်းလာအောင် ငါဖန်တီးနိုင်သေးတယ်ဆိုတဲ့
နှင်တံတစ်ချောင်းက
ကျွန်တော့်ကို
လောကစားကျက်ကြီးထဲ လွှတ်ကျောင်းထားတာ
ကြာလှပေါ့ အမေရယ်

အမေက
ကျွန်တော့်အတွက် သူငယ်ချင်းတစ်ယောက်ဆိုရင်လည်း
ဟုတ်ပါတယ်အမေ
အမေနဲ့ ငြင်းခုံခဲ့ရတဲ့ ညနေခင်းတွေမှာ
တေးသီချင်းတွေ အဆုပ်လိုက်ပွင့်ပါပကောလို့
အခု..ကျွန်တော်ခံစားတတ်ခဲ့ပါပြီ

အမေက တအားစိတ်ရှည်တယ်
ဘယ်လောက်ပဲ အကြာကြီး ငြင်းခုံနေရပါစေ
ကျွန်တော့်အပေါ်
တစ်ကြိမ်တစ်ခါမှ ဒေါသမထွက်ခဲ့ဘူးနော်
အကျိုးသင့်အကြောင်းသင့် အချက်အလက်နဲ့ပြန်ရှင်းပြလို့
အမေရှုံးသွားပြီဆိုရင်..
လမ်းထိပ်က သမိစ်ဆိုင်မှာ
ကျွန်တော့်ကို မုန့်ဟင်းခါးတွေ တ၀ကြီးဝယ်ကျွေးပြန်ရော
နိုင်တဲ့သူအပေါ် ရန်မမူရဘူး
ဂုဏ်ပြုရမယ်လို့များ အသံတိတ်သင်ကြားပေးခဲ့တာလားအမေရယ်
ဒီသင်ခန်းစာကိုတော့
ထွန်ရေးနက်တဲ့အထိ
ကျွန်တော်ကြေညက်ပြနိုင်ခဲ့ပါတယ် အမေ
ကျွန်တော့်ထက် ကြီးမှရယ်လို့မဟုတ်ပါဘူး
ကျွန်တော်ဖြတ်သန်းခဲ့ရာ ဘ၀လမ်းတစ်လျှောက်
ကျွန်တော့်ထက် ငယ်သူတစ်ချို့အပေါ်မှာတောင်
မုန့်ဟင်းခါးတွေ ၀ယ်ကျွေးခဲ့ဖူးပါတယ်
ကျွန်တော်ရှုံးခဲ့ရင်တော့ ..အမေက
ကျွန်တော့်နားရွက်လေးကို သာသာဖွဖွလိမ်ဆွဲလို့
"ကဲ..မောင်အောင် မင်းအမေ့ကို ဘယ်လောက်ကြာအောင်ပွေ့ချီထားနိုင်သလဲ"
လို့ ပြောတတ်တယ်နော်
အခု..ကျွန်တော်ရှုံးသွားတဲ့အခါတိုင်း
နားရွက်ကို တံတွေးအဆွတ်ခံနေရတယ် အမေ

ကျွန်တော်ကိုက သန္ဓေမကောင်းခဲ့တာလား အမေရယ်
ဆယ်တန်းတောင်မအောင်သေးတဲ့ ကောင်လေးတစ်ယောက်က
အိမ်ကနေ သုံးကြိမ်ထွက်ပြေး
သူ့အမေကို ပူဆွေးအောင်လုပ်ခဲ့ဖူးတယ်ဆိုရင်
ဒီကနေ့ ကျွန်တော့်အသက် နှစ်ဆယ့်သုံး
အမှားတွေကို ဘယ်လိုပဲ သင်ပုန်းချေခဲ့ချေခဲ့
ပတ်ဝန်းကျင်ရဲ့ သားလိမ္မာဆိုတဲ့ အသုံးအနှုန်းအောက်မှာ
ကျွန်တော့်အပြုံးတစ်ပွင့်ဟာ
နာကျင်သိမ်ငယ်မှုတွေနဲ့ အဆိပ်သင့်နေရတုန်းပါအမေ

တောင်တန်းတွေ သစ်ပင်တွေနဲ့
စိမ်းညှို့အုပ်မိုးနေတဲ့ မြို့ကလေးရဲ့ ခြံထောင့်တစ်နေရာ
အိမ်ပြေးတစ်ယောက်ရဲ့ အမေဟာ အဝေးကသားအတွက်
တိတ်တိတ်ကလေးမျက်ရည်ကျနေရတယ်ဆိုတာ
ညီမလေးရဲ့စာထဲမှာ ပါလာတယ်အမေရဲ့
ညီမလေးအနားရောက်လာမှန်းသိတော့
လက်ဖက်ပင်တွေက ပိုးကျနေပြန်ပြီကွယ် လို့ဆိုသတဲ့
အမေရယ် ..
အမေ့လက်ဖက်ပင်တွေက ပိုးကျမနေပါဘူးလေ
အမေ့ရင်ထဲမှာသာ
ဟောဒီသားအတွက် လောင်မီးကျနေရတယ်မဟုတ်လားအမေ

ကျွန်တော်က
တောင်တန်းကြီးတွေရဲ့ ဟိုး..တစ်ဖက်မှာ
ကမ္ဘာသစ်ရှိတယ်လို့ ထင်တယ်
အမေက ကမ္ဘာသစ်ထဲမှာ
သားအတွက်နာကျင်မှုအသစ်တွေရှိတယ်လို့ မြင်တယ်
ကျွန်တော်ကထင်လို့ မိုက်ခဲ့တယ်
အမေကမြင်လို့ ရှိုက်ရတယ်
အမေ့ရှိုက်သံတွေကို အားတင်းသံတွေနဲ့
ကျွန်တော်စွန့်ထွက်ခွဲခွာခဲ့တယ်
အခု..ကျွန်တော့်အားတင်းသံတွေကို
အမေ့ရှိုက်သံတွေက ၀ါးမြိုနေကြပြီအမေ

ကျွန်တော်ရွေ့လျားခဲ့ရာ လမ်းတစ်လျှောက်
အကျိုးအပေါက်တွေက အများကြီးပဲအမေရဲ့
ကိုယ့်အိမ်ကိုယ့်ယာမှာလိုတော့
စိတ်ရောကိုယ်ပါ မ၀ံ့ရဲတာအမှန်ပါအမေ
တံတားတစ်စင်းရဲ့ အခင်းအကျင်းမှာ
ပဉ္စလက်ပန်းကနုတ်တွေက များလွန်းလှတော့
ခြေလှမ်းတိုင်းကို သတိထားပြီးနင်းနေရတယ်အမေ

အမေနဲ့ဝေးနေရတဲ့နေ့တွေဟာ
ကျွန်တော့်အတွက် ဆောင်းညတွေလိုပါပဲ
အလင်းရောင်ကွယ်ပျောက်သွားပြီဆိုတာနဲ့
နွေးထွေးမှုတွေ ဆိတ်သုန်းရတယ်
ဒီလို နေ့ညအသင်္ချေတွေမှာ
ကိုယ့်စိတ်ကိုယ်ကို နယ်ဖတ်ပြုပြင်ရင်း
အမေ့ကိုလွမ်းတဲ့စိတ်နဲ့ မျက်ရည်ကျရပါတယ်အမေ
အသည်းမာတယ် စိတ်မာတယ်လို့
ကိုယ့်ကိုကိုယ် ထင်ထားတဲ့အိမ်ပြေးလေးတစ်ယောက်
မျက်ရည်ကျနေပြီလို့ အမေ့ကိုဝန်ခံလိုက်တာဟာ
အမေ့အိမ်ကိုပြန်လာတော့မဲ့ သင်္ကေတစ်ခုပေါ့အမေရယ်

မနက်ဖြန် သို့မဟုတ် ဘယ်သောအခါတော့
ကျွန်တော်အိမ်ကို ပြန်လာဖြစ်မှာပါအမေ
လက်ဖက်ပင်တွေ ပိုးထိုးနေတယ်ဆိုပြီး
အမေ တိတ်တိတ်လေးမငိုရတော့ပါဘူး
ငြင်းခုံရယ်မော တသောသောနဲ့
မြေနီလမ်းကလေးရဲ့ ဆေးရောင်စုံပန်းချီကားတစ်ချပ်မှာ
အမေနဲ့ကျွန်တော် ပျော်ပျော်ကြီးပါဝင်ခွင့်ရဦးမှာပါ
လောကဓံရဲ့ ထုထောင်းရိုက်ပုတ်မှုတွေနဲ့
သန်မာလာပြီဖြစ်တဲ့ ဟောဒီလက်နှစ်ဖက်ဟာ
အမေ့ကို ဘယ်လောက်ကြာကြာပွေ့ချီထားနိုင်တယ်ဆိုတာ
အံ့သြတကြီး သိစေချင်လှပါပြီအမေ။

ညိမ်းညို

သက်နုရင်ငွေ့ သက်ရင့်အလွမ်း

ဒီဘလော့လေးစလုပ်တဲ့ ၁၁၊ သြဂုတ်၊ ၂၀၀၇ မှာပဲ ဒီကဗျာလေးကို တင်ဖြစ်ပါတယ်။ ပန်းငါးပွင့်ရဲ့ ကောက်ကြောင်း မှာလည်း နှစ်သက်မိတဲ့ ကဗျာတစ်ပုဒ်အနေနဲ့ ထည့်သွင်းရေးစပ်ခဲ့ဖူးပါတယ်။

သက်နုရင်ငွေ့ သက်ရင့်အလွမ်း

ရိုးပြတ်လယ်ကွင်း
ယာတော ခရောင်းတော
ဘ၀အမောတွေ ကြားကနေ
မမှီမကမ်း မမြင်စမ်းတမ်း
လှမ်းလှမ်းပြီး လွမ်းနေရတယ်
ဆယ်မိုးဆယ်နွေ ကျော်ခဲ့ပေါ့ ။

ငါတို့နှလုံးသားတွေ နူးညံ့ဖြူစင်ခဲ့
လက်သည်းတွေ မ၀ှက်တတ်ကြသေးချိန်
တစ်ဦးရဲ့ မေတ္တာဓာတ်နဲ့ တစ်ဦးကိုနွေးထွေးစေခဲ့ကြ
တစ်ယောက်လက်ကို တစ်ယောက်ကမြဲမြဲဆုပ်
အပေးအယူ မျှော်လင့်ချက်သီအိုရီတွေ နားမလည်ကြသေးချိန်
အကြင်နာတွေ ချိုမြိန်ခဲ့ကြတယ် ။

ကလေးဘ၀ လူကောင်လေးတွေတေလေ
ဒါပေမဲ့ ငါတို့စိတ်တွေ မတေလေခဲ့ကြဘူး
မပေပွ မစွန်းထင်း
အဲသည်တုန်းက အဖြူထည်တွေ
ဒီနေ့ ဒီအချိန်မှာ ငါတို့ ဘာနဲ့ပြန်ဝယ်ကြမလဲ
အိပ်မက်တွေ သေသောက်မကျူးဘဲ မူးခဲ့ကြ
အာသီဆန္ဒတွေ အသီးသီးရွက်လွှင့်ကြ
ရယူပိုင်ဆိုင်လိုမှုတွေ ဆူဆူဖြိုးဖြိုး ဖွံ့ထွားကြီးပြင်းလာကြ
ဘ၀ကို ပန်းလိုပွင့် ပန်းလိုမွှေးစေဖို့
ပန်းတစ်ပင်လို ငါတို့ပြုစုပျိုးထောင်ခဲ့ကြ
ဘ၀က ငါတို့အပေါ် အဆိပ်သီးတွေ မိုးလိုရွာချ
ခါးသီးနာကျင်ပြင်းပြ ဒဏ်ရာဒဏ်ချက်တွေ အပြိုင်းအရိုင်း
လောကဓံတိုက်ကွက် ကံကြမ္မာရိုက်ချက်
ငါတို့ဘ၀အပေါ်မှာ
အရှိုးရာတွေဟာ ခုထိအတိုင်းသား
ဒီလိုနဲ့..
ငါတို့လည်း မှောက်မှားခဲ့ကြ သောက်စားခဲ့ကြ
မိုးခါးရေတွေ စည်နဲ့ချီ ရှိခဲ့ပြီ ။

ဘ၀ရဲ့ ပြဇာတ် အိပ်မက်တွေ တစ်ခန်းရပ်ဖို့
ငါတို့ ဇက်ကြိုးတွေ သပ်ချိန်
မှန်ပါတယ် မိတ်ဆွေ..
ဒဏ်ရာပျောက်ပေမဲ့ အနာရွတ်တွေကျန်ခဲ့တယ်
ဖွာရရာ မွစာကြဲ
ငါတို့စိတ်တွေ ပြိုကွဲ
(တိတ်တိတ်ကလေး ကိုယ်စီ) ရင်ထဲမှာ ငိုပွဲဆင်နေကြပြီ ။

လွမ်းတယ် သူငယ်ချင်းတို့ရေ..
သစ်တော်သီးတစ်လုံးကို
တစ်ယောက်တစ်ဖဲ့ ၀ိုင်းအုံစားသောက် ခေါင်းချင်းဆိုင်
ငါတို့ရဲ့ အဖြူရောင်မှတ်တိုင်တွေကို လွမ်းတယ်
တစ်ယောက်ကျောင်းပျက်တစ်ယောက်လက်နဲ့ မှတ်စုတွေကူးပေး
ငါတို့ရဲ့ အကြင်နာတွေကို လွမ်းတယ်
တစ်ယောက်ငိုကြွေးရင် အားလုံးမျက်ရည်ကျ
တစ်ယောက်ရယ်မောရင် အားလုံးပျော်ရွှင်ကြ
အမြင်ကြည်လင်တဲ့ ငါတို့ရဲ့ ငယ်ဘ၀ကို လွမ်းတယ်
တစ်ခုပေးမှတစ်ခုရတဲ့ နိယာမ
ငါတို့တော်လှန်ခဲ့ကြ
အရိုးအက်မျှ ခိုက်ခိုက်တုန်ချမ်းအေး
တောင်ပေါ်မြို့ကလေးရဲ့ ဆောင်းရာသီတွေမှာ
အနွေးထည်တစ်ထည်ဟာ
ငါတို့အားလုံးကို နွေးထွေးစေခဲ့တယ်
ကျောင်းလွယ်အိတ်တစ်လုံးထဲက မုန့်ပဲသရေစာ
ငါတို့အားလုံးရဲ့ ၀မ်းမီးကို ငြိမ်းစေခဲ့တယ်
ငါတို့လက်တွေ ဖြန့်ထားကြတယ်
ဆုပ်မထားကြဘူး
အားလုံးက ပေးနေကြတယ် ပြန်မယူကြဘူး
ဒါပေမဲ့ ငါတို့အားလုံးရရှိခဲ့ကြ
နွေးထွေးတဲ့ မေတ္တာတရား အေးမြတဲ့ အကြင်နာတရား
ခိုင်မာတဲ့ သံယောဇဉ်တရား
ဟားတိုက်ရယ်မောနေမလား မိတ်ဆွေ..
သေချာတာတစ်ခုကတော့
ဒါတွေဟာ..
ရှင်သန်အောင်စိုက်ပျိုးဖို့ ခက်ခဲလှတဲ့
လောကပါလ သီးပင်စားပင်တွေပါ ။

သူငယ်ချင်းတို့ရေ..
စိတ်ကူးတွေမိုက်တဲ့အတိုင်း ငါတို့ရွက်တိုက်ခဲ့ကြ
ကမ်းမမြင်လမ်းမမြင် တစ်ယောက်တစ်နေရာစီ ဝေးကွာနေကြ
အခုဆိုရင်..
ရင်ကွဲနာကျသံစဉ်တွေ ဖွဲ့ သီနေကြပြီလေ
မစားရ၀ခမန်း အာသီဆန္ဒတွေ ခ၀ါချ
ငါတို့ဘ၀တွေ ပြန်ဖြူစင်ခွင့် ရချင်တယ် ။

ဆယ်မိုးဆယ်နွေရဲ့ ဟိုမှာဘက်
ငါတို့သူငယ်ချင်းတွေ တစ်ယောက်လက် တစ်ယောက်မြဲမြဲဆုပ်
လောကဓံရဲ့ ရိုက်ပုတ်ချက်တွေကို ခါထုတ်
ဝါသနာပါရာ အလုပ်,လုပ်ကြရင်း
ဘ၀ကို မွှေးမြဖြူစင်စွာ ပွင့်လန်းရှင်သန်ခဲ့ကြတယ် ။

သူငယ်ချင်းတို့ရေ..
အဖြေမရှိတဲ့ ပုစ္ဆာတစ်ပုဒ်
ရသေ့စိတ်ဖြေ သဘောမျိုးပဲဖြစ်ဖြစ်
အဖြေညှိနေတဲ့ငါ
ရူးသွပ်နေပြီလို့ ဆိုချင်ဆိုကြ
ငါတို့ငယ်စဉ်တောင်ကျေး ငါတို့ရင်ဘတ်ထဲက အဖြူရောင်နေ့ရက်တွေကို
အဖြူရောင်သက်သက် လွမ်းဆွတ်မိခြင်းရယ်ပါ ။

ညိမ်းညို
- ဖြူစင်အပြစ်ကင်းစွာ ဖြတ်သန်းခဲ့ကြသော ငယ်ကျောင်းသားဘ၀ သူငယ်ချင်းများပုံရိပ်ကို လွမ်းဆွတ်သတိရစွာဖြင့်...

ယပ်တောင်အကြောင်း သိကောင်းစရာ

မလှောင်ပါနဲ့ ချစ်သူရယ်..
ရင်ထဲမှာ မီးတောင်တွေ အကြိမ်ကြိမ်ပေါက်ထွက်ခဲ့တာတောင်
ယောင်လို့မှ မင်းနာမည်ကို မတမ်းတခဲ့ပါဘူး ။

ဘ၀ဆိုတဲ့ စခန်းထိပ်မှာ
ပန်းရိပ်ဝေဆာမှ
မင်းကိုလှမ်းဖိတ်ဖို့
အလွမ်းပိတ်ကားတစ်ချပ်ပေါ်က
ဝေဒနာအမှားတွေနဲ့
သေရွာသွားနေတဲ့ကောင်ပါ ။

" ယပ်တောင်တစ်ချောင်းနဲ့
ယပ်တောင်နှစ်ချောင်းကို
လူနှစ်ယောက်က ပြိုင်တူကမ်းခဲ့ရင်
ယပ်တောင်နှစ်ချောင်းကို ရွေးရမှာပေါ့
အပူသက်သာအောင်လို့ " တဲ့လေ ။

ပြောရက်ပြောထွက်ခဲ့တဲ့ မင်းရဲ့ စကားတွေ
ကိုယ့်နားမှာတော့ တမာလိုမခါး
သကာပျားလို ချိုတယ်အမှတ်နဲ့
ယပ်တောင်နှစ်ချောင်းပိုင်ဆိုင်နိုင်ဖို့
တရစပ်မနား ကြိုးစားခဲ့ရတာတွေ
မှတ်တမ်းမှတ်ရာမရှိ
ဇာတ်လမ်းဇာတ်ဆရာ နတ္ထိနဲ့မို့
ဖြတ်လမ်းကို လှမ်းကြည့်ဖို့ လိုအပ်ပါသလား ချစ်သူ ..။

ကိုယ့်ကိုယ်ကျင့်တရား
ကိုယ့်မာနနဲ့ ကိုယ့်သိက္ခာတွေ
အဲဒီလောက် ချွတ်ခြုံမကျသေးတာ ခက်တယ်ကွယ်
သိပ်ခက်တာပဲ..
အပျက်ပျက်နဲ့ နှာခေါင်းသွေးထွက်
ရက်ရက်စက်စက် ကံကြမ္မာဓါးချက်တွေနဲ့
တရံမလပ် လုံးပန်းကခုန်
ကိုယ့်ရင်ဘတ်ကိုသာ ဗုံလုပ်ပြီးတီးလိုက်ချင်ရဲ့
မညည်းညူတတ်တော့တာလည်းကြာပြီလေ..။

ချစ်သူထံပါး
အယူခံဝင်တဲ့စကား
ကိုယ်မပြောလိုတော့ပါဘူး
ခေါင်းထောင်ထလာတဲ့ အဲဒီအတွေး အဲဒီဆန္ဒတွေ
ယောက်ျားမာနနဲ့ချိုးနှိမ်
ကိုယ့်စိတ်ကိုလည်း ငြိမ်ငြိမ်လေးထားတတ်ပါပြီ ။

မင်းအတွက်ကမ်းတဲ့ ယပ်တောင်တစ်ချောင်း
ကိုယ့်ဘ၀တစ်ခုလုံးရဲ့ ချစ်ခြင်းမေတ္တာတွေပေါင်းစပ်ပြီး
ကြီးမြတ်တဲ့ အကြင်နာတရားနဲ့
သခင်ထံပါးဆက်သခဲ့တယ်ဆိုတာ..။

များပြားပေါလျှံ ကြွယ်ဝလို့
အခြယ်အသ အဆင်အယင်တွေနဲ့
အပြင်ပန်းဟန်ဆောင်ပြပြီး
အဆန်ချောင်ကြတဲ့ ဓနဂုဏ်သရုပ်ရဲ့
စက်ဆုပ်စရာ ယပ်တောင်အစုပ်ပလုတ်တွေ မဟုတ်ဘူးကွဲ့ ..။

ယပ်တောင်နှစ်ချောင်းမို့
အပူသက်သာမတဲ့လား ချစ်သူ
နှစ်ချောင်းပဲ ဖြစ်ဖြစ်
သုံးချောင်းပဲ ဖြစ်ဖြစ်
လေးချောင်းပဲ ဖြစ်ဖြစ်
တတ်နိုင်လို့ ယပ်တောင်ပုံကြီးနဲ့ပဲ ဖို့ဖို့
စို့နေတဲ့ ချွေးတွေတိတ်
ထိတ်နေတဲ့ ရင်တွေလန်း
နွမ်းနေတဲ့စိတ်တွေ ပြေစေဖို့ဆိုတာ
မသေချာပါဘူး ချစ်သူ..။

ရေရှည်မှာ လေချိုသွေး
ရွှေရင်အေးစေဖို့ဆိုတာ
အကြင်နာလက်နဲ့ အသာအယာခတ်
တဖျတ်ဖျတ်ဝေ့၀ဲသွားမဲ့ မေတ္တာလေပြေထဲမှာ
မြတ်နိုးခြင်းသင်္ကေတတွေ ပြည့်ဝနေပါမှ
ထာဝရချစ်ခြင်းက
ချစ်သူတို့ ရင်တွင်းကို
လင်းလင်းချင်းချင်း ရှိစေမှာပေါ့..။

ဓနအခြေမခိုင်လို့
ဘ၀မသေနိုင်ပါဘူး ချစ်သူရယ်..
ထားလိုက်ပါတော့
မေတ္တာကိုဘေးထုတ်ထားတဲ့ လူကုံတန်အသိုင်းအ၀ိုင်းမှာ
သစ္စာတေးတစ်ပုဒ်နဲ့ ကိုယ်အယူခံမ၀င်တော့ပါဘူး ။

တစ်နေ့တစ်ခြား
တိုးပွားလာတဲ့ ဘ၀အမောတွေ
မေတ္တာနဲ့ အသပြာကြား
ဗျာများရင်း လွန်ဆွဲ
ရင်ကွဲနေတဲ့ လူတစ်ယောက်
တစ်ခုသော မိုးဥတုမှာ
အိပ်မက်တွေလက်ကျိုး ရာသီနေ့ဆိုးတွေနဲ့
ပိုးစိုးပက်စက် ကျဆုံးသွားခဲ့ပါပြီ ။

ရာသီနွဲ့နှောင်း
အချိန်တွေ မပြောင်းခင်
ထောင်းထောင်းမွကြေ ဘ၀တွေသေခဲ့ပြီမို့
ကြည်ဖြူသဒ္ဓါတရားနဲ့ အလှူပမာမုဒိတာထားလိုက်ပါပြီ
ချစ်သူရေ..
ယပ်တောင်နှစ်ချောင်းနဲ့ ဘ၀ဆိုတဲ့ ခရီးကြမ်းမှာ
သွားလမ်းသာ၍ လာလမ်းဖြောင့်ပါစေသား.. ။

ညိမ်းညို

နွေ(၂၀)သို့ အောက်မေ့ခြင်း

ပြင်ဦးလွင်မြို့ တစ်ခွင်
အထင်ကရ ရှိနေကြသော
တောတောင်တစ်ခွင် မြူရိပ်ဆင်လျှင်
မြင်မြင်သမျှ ရုပ်လုံးကြွသည်
နိုးထအတိတ် လွမ်းပုံရိပ်တို့
ဆိတ်ငြိမ်လှစွာ ငါ့ရင်မှာလျှင်
ညင်သာရိုက်ခတ် လာသည်တကား ။

ဪ်.. ကြာခဲ့ပြီလေ
ရွက်ဟောင်းကြွေဆဲ နွေထဲတိုးဝင်
မောလျှင်နွမ်းလျ နှုတ်ဆွံ့ အလည်း
မလှရာဇ၀င် ထီမထင်ပဲ
ပြင်ဆင်ပြဌာန်း ရှေ့ ဆက်လှမ်းခဲ့
ပန်းတို့ပွင့်ကြွေ ဓမ္မတာလေ
ပွင့်လျှင်ဝေေ၀ ကြွေလျှင်ရဲရဲ
လာလည်းမှန်မှန် ပြန်လည်းမှန်မြဲ
မကြောက်ဇွဲနှင့်..
ရင်ထဲဆောက်တည် ရှေ့ သို့ချီအံ့
ရပ်တန့်ခြင်းငှာ စွမ်းသာမည်လား
အားမြှင့်နှိုးဆော် ရှေ့ သို့မျှော်မိ
နွေ၏အစ ငါ့ဘ၀၀ယ်
ဘယ်သို့ဆုံးမည် မသိပြီတည့် ။

ဘ၀ခန်းဆီး လှစ်ပြီးကြည့်သော်
ပျော်မြစ်ခန်းခြောက် သုခပျောက်ဆုံး
ကြိမ်မီးအုံးနေ ရင်ထဲနွေက
မသွေလွန်ကဲ ပူလောင်မြဲမို့
ရဲရဲထိုးဖောက် ညွန့်ညှောက်တလူ
မိုးမကူဘဲ တူရှုရွေ့ လှမ်း
အောင်ပန်းသို့ချီ ကမ်းလင့်သည်တွင်
ရီမောပြောင်လှောင် သွေးဆောင်လှည့်စား
လောကဓံတရားသည်
ငါ့အားနှိပ်စက် ဘ၀ဖျက်လည်း
တက်မကိုကိုင် ပိုင်ပိုင်လှော်အံ့
မခိုင်နွမ်းယဲ့ တက်မပျက်သော်
လက်ထိုးလှော်အံ့ ။

နေပျော်သေပျော် ဘ၀ပျော်လေ
ငါသော်လူသား ဒုက္ခများလည်း
အသွားထက်ထက် ဓါးတစ်လက်လို
တိုးထွက်နေမြဲ ရုန်းကန်ဆဲလေ
ရုန်းကန်နေတုန်း ဗြုန်းခနဲလဲကျ
ကွဲရှပျက်ကြွေ ဒဏ်သင့်နေငြား
အားပြည့်မာန်တင်း ဇွဲပြင်းပြင်းနဲ့
ချက်ချင်းပြန်ကြွ ကုန်းရုန်းထမယ်
ဘယ်ကစမ်းစမ်း စမ်းစမ်းပါလေ
ပြုံးပမ်းဝေဆာ ကြည်သာစွာနဲ့
ငါဟာနိုင်ပွဲဆင်ရမယ်
ဘယ်မျှကြမ်းကြမ်း ကြမ်းစမ်းပါလေ
ရှေ့ ဆက်လှမ်းကာ ဇွဲရှိစွာနဲ့
ငါဟာအောင်ပွဲဝင်ရမယ်
လာလှည့်မှန်မှန် လောကဓံရေ
သင်သည်ဒူးထောက် ငါ့ရှေ့ မှောက်မှာ
လာရောက်ဝပ်ဆင်း ကျောခင်းစေအံ့ ။

အတိတ်၏နွေ ပြန်တွက်ရေသော်
လေဒဏ်မိုးဒဏ် နေ၏ဒဏ်နှင့်
လောကဓံတရား လွန်ဆိုးရွားပြန်
သည်းသည်းထန်၏
စုံညီပျော်ပါး ငါ့အားနှိပ်စက်
ရက်လလီလီ မှန်မှန်ချီသွား
ကာလလျားခိုက်
ပြိုက်ခနဲကြွေ ထွေခနဲကျ
ဇာတိသည်နွေ ပြခဲ့သည်မှာ
အကြိမ်(၂၀) တိုင်ပြီကော.. ။

ငါ၏အသက် တွက်ရေစစ်သော်
နှစ်ဆယ်နှစ်မြောက် ခရီးပေါက်ခဲ့
တောက်လျှောက်မနား လှုပ်ရှားကခုန်
လူ့ ဇာတ်ခုံမှာ
ထက်အောက်စုန်ဆန် ရုန်းကန်လွန့်လူး
ဖြတ်ကျော်ကူးရင်း
ပူပြင်းသည့်နွေ သည်နွေတွေထဲ
ရဲရဲတိုးဝင် ဘ၀မင်၍
ငါခင်သည့်နွေ ငါ့ကိုချေမွ
ကာလတွက်ရေ နှစ်ဖြင့်ချေသော်
အကြိမ်(၂၀) တိုင်ခဲ့ပြီ ။

လွန်သည့်အတိတ် ပုံရိပ်ဖမ်းထင်
မလွမ်းချင်တော့..
ရှေ့ ကခြေဦး နောက်မကူးကြေး
တစ်စူးတစ်ချောင်း အားသစ်လောင်းကာ
လမ်းကြောင်းမှန်အောင် လျှောက်ဦးမည် ။

ညိမ်းညို