24 February 2009

တောင်ယာ

သရုပ်ဖော်- Aye Nyein Phyu (စာပန်းချီ)

တောင်ယာ

နွေမှာ ကွပ်မျက်ခြင်းခံထားရတော့
မိုးဦးကျတာတောင်
စိမ်းလန်းစိုပြည်ခွင့် မရှိရှာဘူး
နေ့နေ့ ညည
တောင်ယာဟာ ကိုယ့်အဆင်တန်ဆာနဲ့ကိုယ်
လောင်မီးကျလို့
စီမံစိုက်ပျိုးသမျှ သီးပွင့်ဝေဆာမှုတွေနဲ့
ရိုးရိုးသားသား တုံ့ ပြန်လို့
ဒီလိုနဲ့ ..
ရိတ်သိမ်းသွားကြပြန်ပေါ့
အောင်ပွဲတွေ ဘာတွေခံလို့
တောင်ယာမှာသာ
သုံးနှစ်သုံးမိုး မျိုးတုံးလို့ ကျန်ရစ်ခဲ့တယ် ။

ညိမ်းညို

- ကဗျာ အဟောင်းပါ။ ၁၆၊ သြဂုတ်၊ ၂၀၀၇ တုန်းက တင်ခဲ့ဖူးပါတယ်။

21 February 2009

အားနာဖို့ကောင်းတယ်

ထိရင်လဲ ထိတယ်
ငြိရင်လဲ ငြိတယ်ပေါ့
ကျမ်းကြီးတစ်ဆဆနဲ့ ဟန်ရေးတပြပြ
အားနာဖို့ကောင်းတယ်။

ညစ်ရင်လဲ ညစ်တယ်
ရစ်ရင်လဲ ရစ်တယ်ပေါ့
အိနြေ္ဒကြီးတသသနဲ့ ၀ိနည်းကျော်ကျော်ခွ
အားနာဖို့ကောင်းတယ်။

တို့ချင်လဲ တို့လိုက်
ရှို့ချင်လဲ ရှို့လိုက်
မီးခြစ်ထထစမ်းနေတာက တဒုက္ခ
အားနာဖို့ကောင်းတယ်။

ဒီမယ် မောင်ညိမ်း
တွေးရင်လဲ တွေးတယ်
ရေးရင်လဲ ရေးတယ်ပေါ့
ကလောင်လေး မ,မပြီး
ဘ၀ကြီးကို လည်ပြန်လှည့်လှည့်ကြည့်နေရတာ
အားနာဖို့ကောင်းတယ်။

လျှင်တဲ့လူက လျှင်သလို
မြင်တဲ့လူက မြင်သလို
အစီးလဲခံရ အတီးလဲခံရ
ကိုယ့်အမြည်းကိုယ်တောင် သတိနဲ့ နှိုက်နှိုက်နေရ
(ဓာတ်လေတယ်)
ပလပ်ပေါက်ထဲ စီးဝင်လာတဲ့ကဗျာတွေ
ပြန်အန်မထုတ်ပါရစေနဲ့
ဟောဒီ ရင်ဘတ်ကြီးကို အားနာတယ်။

ညိမ်းညို

19 February 2009

ရှေးဦးကဗျာနှစ်ပုဒ်

ကဗျာကို ပထမဆုံး စာနဲ့ရေးကြတာမဟုတ်ဘူး။ ဒါကြောင့်မို့ စာပေထဲမှာ ရှာလို့ မရနိုင်ဘူးလို့ ဂျော့တွမ်ဆန်က ဆိုပါတယ်။ ဒါပေမဲ့ ရှေးအကျဆုံးဆိုတဲ့ အစောဆုံးကဗျာတွေစာတွေရဲ့ ဇစ်မြစ်ကို လိုက်တဲ့အခါ ရှေးအကျဆုံးလို့ ယူဆရတဲ့ အထောက်အထားတွေ၊ မှတ်တမ်းမှတ်ရာတွေနဲ့သာ ရှာဖွေကြရပြန်တယ်။ တခြားယဉ်ကျေးမှု မျက်နှာစာမှာရှိတဲ့ အနုသုခုမ လက်ရာတွေကို မြို့ဟောင်းတူးဖော်တာတွေ၊ ရှေးခေတ်ဟောင်း လူ့အသုံးအဆောင် ပစ္စည်းတွေစတဲ့ နည်းလမ်းတွေနဲ့ပါ သုတေသနပြု လေ့လာနိုင်ပေမဲ့ ကဗျာစတဲ့ စာပေလက်ရာတွေကျတော့ စာထက်ပေထက် အက္ခရာတင်ခဲ့ကြတဲ့ မှတ်တမ်းများနဲ့ ကျမ်းစာကျောက်စာ များကိုသာ ပိုပြီး အားပြုကြရတယ်။ ဒီထဲကမှ ကဗျာတွေအတွက် ထပ်ပြီး အားနည်းသွားစေတာက ကျောက်စာတွေပေါ်မှာ ကဗျာ၊ လင်္ကာတွေကို မတွေ့ရတာပါပဲ။

စာနဲ့ပေနဲ့ မှတ်တမ်းအတင်မခံလိုက်ရပေမဲ့ အက္ခရာစာလုံးတွေ မပေါ်ခင်ထဲက လူတွေရဲ့ နေ့စဉ်လူမှုဘ၀ထဲမှာ ကဗျာတွေစာတွေ ခိုဝင်ပေါက်ဖွားခဲ့ကြလိမ့်မယ်လို့ ယုံကြည်မိတယ်။

+++

စာတွေပေတွေထဲမှာ မှတ်တမ်းရှိသရွေ့၊ စောနိုင်သမျှစောတယ်လို့ ယူဆရတဲ့ ကဗျာနှစ်ပုဒ်ဟာ မြကန် နဲ့ သိုးကလေပါ။ (အထက်တန်း မြန်မာစာသင်ရိုးမှာတော့ ရွှေနှင့်ယိုးမှား ပန်းစကားလို့ ခေါင်းစဉ်ပြုပါတယ်) မြကန်က မြကန်ဖွဲ့ကဗျာဖြစ်ပြီး၊ သိုးကလေက ပုပ္ပါးတောင်ဖွဲ့နဲ့ မောင်နဲ့မယ်တို့ရဲ့ ချစ်ခြင်းမေတ္တာဖွဲ့ ကဗျာဖြစ်တယ်။ အထက်တန်းမြန်မာစာသင်ရိုးမှာ ပြဌာန်းထားတာမို့ ကဗျာနှစ်ပုဒ်လုံးက ကျနော်တို့နဲ့ သူစိမ်းပြင်ပြင် မဟုတ်ဘဲ ရင်းနှီးကျွမ်းဝင်ပြီးဖြစ်တယ်လို့ ဆိုနိုင်တာပေါ့။

မြကန်ဟာ သိုးကလေထက် စီနီယာကျတယ်လို့ ပညာရှင်များ တညီတညွတ်ထဲ ယူဆကြတယ်။

မြကန်

မြကန်သာ
တောင်ကျချောင်းတေး
ရေ၀င်ပြေးလှည့်
ရေအေးကြည်စွာ
ကန်ပိုင်မာလျက်
ကြာပေါင်းထုံထုံ
ငှက်မျိုးစုံသည်
ဝတိံသာက
နန္ဒာလော
တူစွာ ဟုတ္တာ။

ဆရာဦးဝင်းဖေရဲ့ အင်္ဂလိပ်ဘာသာပြန်ကို လေ့လာနိုင်ပါတယ်။

Emerald Lake

Emerald Lake,
fed by a mountain stream
the waters enter running,
and circle cool and clear,
within unbreachable banks,
water lilies are fragrant
and all types of birds around.
This is so like Nanda
that is in the heavens,
is the perhaps the self-same Nanda lake?

Unknown
c. 13th Century
Translaed by Win Pe


တုရင်တောင်ပေါ်က တွေ့မြင်ရတဲ့ မြကန်ရဲ့အလှ
(ပုံကို ဒီနေရက ယူပါတယ်)

ပုဂံခေတ်လက်ရာလို့ ပညာရှင်တွေ အတည်ပြုပါတယ်။ ကဗျာရေးထုံးအနေနဲ့ တစ်ပါဒမှာပါဝင်နေတဲ့ အက္ခရာအရေအတွက်ကို သတိပြုနိုင်တယ်။ ပါဒတိုင်းမှာ လေးလုံးစီအတိအကျ ပါဝင်နေတာမျိုးမဟုတ်ဘဲ 'မြကန်သာ' နဲ့ 'နန္ဒာလော' မှာ သုံးလုံးစီရှိနေတာကို တွေ့ရမယ်။ ဆရာမောင်သာနိုးက တစ်ပါဒမှာ အက္ခရာ လေးလုံးဆီရှိရမယ်ဆိုတာ နောက်မှသတ်မှတ်တာလို့ ယူတယ်။ ကာရန်အားဖြင့်လည်း ကျနော်တို့ သိထားတဲ့ ၄-၃-၂ ဘောင်ထဲကို တည့်တည့်ကြီး ၀င်နေတာ မဟုတ်လေဘူး။ 'ငှက်မျိုးစုံသည်၊ ၀တိံသာက' မှာ ကာရန်လွတ်တယ်။ ပညာရှင်အချို့က ကာရန်မိအောင် 'ဘုံဝတိံသာ' လို့ပြင်ကြောင်း အမှတ်ပြုမိတယ်။ နောက် တချို့မူကွဲမှာ တစ်ပါဒ လေးလုံးပုံစံနဲ့ အံဝင်အောင် 'နန္ဒာပေလော'လို့ ပြင်ထားတာကို တွေ့ကြရမယ်။ ရှေးကဗျာဟောင်းစာဟောင်းတွေကို ပြင်ဆင်တည်းဖြတ်တာမျိုး မလုပ်ဘဲနဲ့ မူလအတိုင်း မပျက်မယွင်း ထိန်းသိမ်းထားသင့်တယ်လို့ ယူဆမိတယ်။

ဘာကြောင့်ဆိုတော့ ကဗျာဟာ ဘယ်ပုံသဏ္ဍာန်၊ ဘယ်သီဝရီ၊ ဘယ်တင်ပြပုံ အားကိုးမှုမှမပါဘဲ သူ့မူလစံနှုန်းသက်သက်နဲ့ ပေါ်ပေါက်လာတာ ဖြစ်လို့ပါပဲ။ သူ့နောက်ကမှ အကြောင်းအရာနဲ့လိုက်ဖက်ညီတဲ့ ပုံသဏ္ဍာန်၊ ခေတ်စနစ်အခြေအနေနဲ့ ကိုက်ညီတဲ့ သီဝရီ၊ လူအဖွဲ့အစည်းနဲ့ ဟန်ချက်ညီတဲ့ တင်ပြပုံတို့ လိုက်ပါလာကြတယ်။ ဆိုရရင် မြကန်ကဗျာမပေါ်ခင်( မြကန်နဲ့တကွ တခြားအစောဆုံးဆိုတဲ့ ကဗျာတွေ မရေးကြသေးခင်) အချိန်တုန်းကတည်းက ကဗျာရေးမယ်ဆိုရင် "တစ်ပါဒကို အက္ခရာလေးလုံးစီထားကြ၊ အသံညီကာရန်ကို အဲဒီအက္ခရာ လေးလုံးဆီကနေ ၄-၃-၂ ယူကြ၊ ရေးလိုတဲ့ အကြောင်းအရာကို အဲဒီဘောင်ထဲမှာ ကိုက်ညီအောင် ပုံစံပြုရေးကြ၊ ဒါမှ ကဗျာဖြစ်တယ်" ဆိုတဲ့ ကဗျာဆိုင်ရာ ဥပဒေသမျိုး ရှိနေမယ် မထင်ပါ။ ကဗျာဟာ သူ့မူလ အရှိတရားနဲ့၊ သူ့ပင်ကိုယ် အလှတရားသက်သက်နဲ့ ပေါ်ထွက်လာပါလိမ့်မယ်။ ဒါကိုမှ အကြောင်းအရာအလိုက်၊ ခေတ်အလိုက်၊ လူအဖွဲ့အစည်းနဲ့ ယဉ်ကျေးမှုစံနှုန်းတွေအလိုက် ကိုက်ညီလိုက်ဖက်အောင်၊ ဟန်ချက်ညီအောင် ရွေ့လျောပြောင်းလဲလာရတဲ့ သဘောဖြစ်မယ်လို့ ထင်ပါတယ်။ လွဲရင် ပြင်ပေးကြပါ။

ဆိုတော့ ပုဂံခေတ် မြကန်ကဗျာကို အင်းဝခေတ်ထွန်း (အင်းဝခေတ်ဦးမှာတောင် လေးလုံးစပ်မှာ ကာရန်မမိတာကို တွေ့ကြရသေးတယ်။ ဥပမာ- ရှင်သူရဲရဲ့ ရတုများ/မောင်သာနိုး-ဂန္ထ၀င်မြန်မာကဗျာ၊စာ-၂) ကဗျာပုံသဏ္ဍာန်တစ်ရပ်နဲ့ ချိန်ထိုးပြီး ဒီကနေ့ခေတ်ကျနော်တို့က ပြုပြင်မယ်ဆိုရင် သဘာဝမကျဘူး။ မူလအရှိကို တမြတ်တနိုးထိန်းသင့်တယ်လို့ ယူဆပါတယ်။

မြကန်ဟာ အလှပြကန် သက်သက်မဟုတ်ဘဲ လယ်ယာလုပ်ငန်းသုံးကန်၊ ပြည်သူသုံးကန် ဖြစ်တယ်။ ပုဂံမင်းအဆက်ဆက် အရေးတယူ ထိန်းသိမ်းပြုပြင်ခဲ့ကြတာကို သမိုင်းမှာ တွေ့နိုင်တယ်။ ပြည်သူပြည်သားတွေက သူတို့အပေါ် အကျိုးကျေးဇူးကြီးမားလှတဲ့ မြကန်ကို တာဝတိံသာနတ်ပြည်က မဟာနန္ဒာကန်တော်နဲ့ နှိုင်းယှဉ်ဂုဏ်တင်ကြတယ်။ သည်အလှဓာတ်ကို ကဗျာဆရာက အမိအရ ရေးဖွဲ့သွားတယ်။ သူတို့ မြကန်ကို ဘယ်လောက်ထိ ဂုဏ်ယူတယ်၊ ဘယ်လောက်ထိ ချစ်မြတ်နိုးတယ်ဆိုတာ ကဗျာကို အသံထွက်ပြီး ရွတ်ဆိုကြည့်လိုက်ရုံနဲ့ ရင်းရင်းနှီးနှီး ခံစားနိုင်ပါတယ်။

စိတ်ထဲမှာ ကြည်နူးသွားတယ်။ လန်းဆန်းသွားတယ်။ မြကန်ဟာ အသက်အကြီးဆုံး ကဗျာဆိုပေမဲ့ သူ့အဖွဲ့ဟာ လတ်ဆတ်ဆယ်၊ ကျစ်လစ်တယ်၊ ထီးမူနန်းမူ မရှိဘူး။ ရစ်သမ်(ကာရန်မဟုတ်ပါ) မိနေတယ်။ အဆင်ချောနေတယ်။ ဘယ်အချိန်ပဲဖတ်ရဖတ်ရ အဆင်ပြေနေတယ်။ အသက်အကြီးဆုံး မြကန်ဟာ အခုထိ နုပျိုနေတုန်းပဲ။

+++

သိုးကလေ ကဗျာကိုလည်း ပုဂံခေတ်ကလို့ ယူဆကြတယ်။ တချို့ ၀ိဝါဒ ကွဲတယ်။

လေးလုံးစပ်ခေတ်ဦး ဆိုသည်မှာ ကျေးဇူးရှင် ဆရာကြီး ဦးဖေမောင်တင်၏ မြန်မာစာပေ သမိုင်းကျမ်းအရ 'အင်းဝခေတ်' ကိုဆိုလိုပါသည်။ ပုဂံခေတ်တွင်ပေါ်ခဲ့သည်ဟု ဆရာစဉ်သမားစဉ် အမှတ်အသား အမှာအကြားရှိသော 'မြကန်'၊ 'သိုးကလေ'၊ 'သူတည်းတစ်ယောက်' တို့သည် လေးလုံးစပ်များ ဖြစ်သော်လည်း ကျနော်တစ်ယောက်အနေနှင့် ဘဝင်မကျသေးပါ။ အခိုင်အမာ မပြောနိုင်သော်လည်း ပုဂံခေတ် ကဗျာဟုတ်မဟုတ် ဘဝင်မကျ သေးသည်မှာ ကျနော့် ပြသနာသာ ဖြစ်ပါသည်။ (ဇော်ဇော်အောင် - လေးလုံးစပ် ကာရန်စနစ်၏ တင်းကျပ်ခြင်း ဆောင်းပါးမှ)

သူ့အကြောင်းအရာနဲ့ ဖွဲ့စည်းပုံ စနစ်တို့ကလည်း နောက်ကျကြောင်းကို ပြနေတယ်။ နောက်ကျသမှ ပုဂံခေတ်မှ ဟုတ်ပါလေစ၊ ပင်းယ(၀ါ) အင်းဝခေတ် စောစောပိုင်းများ ဖြစ်လေရော့သလားလို့တောင် သံသယ ၀င်ဖွယ်ဖြစ်တယ်။ (မောင်သာနိုး၊ ဂန္ထ၀င် မြန်မာကဗျာ၊ စာ- ၅)

ဂန္ထ၀င်၊ ခေတ်ပေါ် နှံ့စပ်ကျွမ်းကျင်ပြီး ဝေဖန်ရေးစာပေကို နိုင်နင်းတဲ့ဆရာတွေမို့ မှတ်သားဖွယ် ဖြစ်ပါတယ်။

မြကန် ကဗျာမှာထက် ရေးစပ်ပုံ၊ စကားလုံးအသုံးအနှုန်း ခေတ်ဆန်လာတာကို သတိပြုနိုင်တယ်။ ကဗျာကို အရင်ဆုံး ဖော်ပြလိုပါတယ်။ အင်္ဂလိပ်ဘာသာပြန်ကို မြန်မာဝီကီကနေ ရပါတယ်။ ဘာသာပြန်သူအမည် မတွေ့ရပါ။

သိုးကလေ
ပုပ္ပါးနတ်တောင်
အခေါင်မြင့်ဖျား
စုံတောပြား၌
နံ့ရှားကြိုင်လွင့်
ခါတန်ပွင့်သည်
ရွှေနှင့်ယိုးမှား ပန်းစကား။

သိုးကလေ
စကားပွင့်နှင့်
နှိုင်းတင့်နိုးသည့်
ရဲမျိုးသမီး
မောင်ကြီးနှမ
ညက်လှပြာစင်
မယ့်သည်ပင်သည် ခရီးသား။

သိုးကလေ
မြိတ်လွတ်စုလည်း
အငယ်တည်းက
ကျွမ်းဝင်ကြသည်
မွေးဖတူရင်း
မျုိးသည်မင်းနှင့်
ချစ်ခြင်းစုရုံး
သက်ထက်ဆုံးသည်
နှလုံးမခြား စောင့်တရား။

ဆွေမိခင်
မျက်သုတ်နီပင်
ရထည်းဖျင်နှင့်
ကျိုင်းစင်မြ၀ါ
မတ်ကြီးလျာကို
မယ်သာကြိုက်မိ တုမရှိ။

1. Oh Nat-spirit with the headdress of Tho-saung
In the thicket of dense forest on the summit of lofty Mt.Popa
Are the fragrant Champac flowers which bloom seasonally.
And their colour can be mistaken for gold.

2. Oh Nat-spirit with the headdress of Tho-saung
She was the daughter of the brave man
Her beauty could be compared to the Champac flower.
She was brought up under the care of the good brother.
She had a lover kept in the heart of her heart.
He was not with her. He was a serviceman away on a journey.

3. Oh Nat-spirit with the headdressof Tho-saung
Since childhood while she still wore
Myeiklutsu hair knot on her head
The twain were fond of each other
He was a nephew of her father
He was thus related to her
The twain were united by attachment
till the end of their lives
They kept their mutual faith.

4. Her relative lover wore a red towel
And a fine Lenin jacket
He was strong, handsome and manly,
He was a knight-designate
She loved him so much
Her love for him was beyond measure.

(Anonymous, Bagan Period)

Notes

This Linka (လင်္ကာ), the simplest form of Myanmar verse which has exact meter, rhyme and rhythm, was a sort of ode to the Nat-spirit of Mt.Popa composed by an unknown poet.

The content of this Linka suggests the tragic story of a mighty Blacksmith Tint De (ပန်းပဲမောင်တင့်တယ်) and his cousin sister both of whome met violent death and were believed to have become Nat-spirits dwelling on Mt.Popa till today.

ဒီကဗျာကို ညွှန်းတဲ့အခါ ပုပ္ပါးနတ်တောင်ဖွဲ့လို့ အများစု ညွှန်းလေ့ရှိတယ်။ တကယ်တမ်း တောင်ကိုဖွဲ့တာ တစ်ပိုဒ်ပဲ၊ ကျန်သုံးပိုဒ်က မောင့်အပေါ်ထားတဲ့ မယ်ကလေးရဲ့ ချစ်ခြင်းမေတ္တာကို ဖွဲ့တယ်။(မောင်ဖွဲ့၊ မယ်ဖွဲ့လို့လဲ ဆိုနိုင်မယ်ထင်ရဲ့) သိုးကလေ အစပိုဒ်နဲ့ သူ့နောက်က အပိုဒ်တွေ ကာရန်မချိန်မိတာကလွဲရင် ကျန်အပိုဒ်တွေ ကာရန်ညီညွတ်တာကို တွေ့နိုင်တယ်။ ဒီကဗျာကို မြကန်ထက် နောက်ကျမယ်လို့ ပညာရှင်အများ ယူဆပါတယ်။ စကားအသုံးအနှုန်း ခေတ်မီတယ်။ န၀ဒေးကြီးရဲ့ “သာရွှင်ကြည်ပျော်” ချီရတုမှာ ‘မယ်သာကြိုက်မိ၊ တန်ခိုးရှိသည်၊ သီရိဓမ္မ၊ ကျိုင်းရောင်မြကို၊ မြင်ရသည်ကား’ စသည် အတုယူသုံးစွဲထားတာကို တွေ့ရပါတယ်။

အရှင်က၀ိန္ဒရဲ့ ပုပ္ပါးတောင်တော်သမိုင်းမှာ ဒီကဗျာနဲ့ပတ်သက်တဲ့ ထူးခြားချက်တစ်ခုကို တွေ့နိုင်ပါတယ်။ သိုးကလေ ကဗျာကိုရေးသူဟာ မောင်တင့်တယ်ရဲ့နှမ မမြတ်လှရဲ့ ငယ်ရည်းစားလို့ ဖော်ပြပါတယ်။ သိုးကလေ မဟုတ်ဘဲ သိုးကလေးလို့ တွေ့ရတယ်။ သိုးကလေး ဆိုတာ နတ်မိဖုရားငယ်ကို ခေါ်ဝေါ်တဲ့ ရှေးအမည်ပေ့ါ။ သိုးဆိုတာက အဝတ်တန်ဆာ ပျော့ခမောက်ကို အချွန်တပ်ပြီး အနားလေးဘက် အထက်ကိုလှန်ထားတဲ့ လေးထောင့်စပ်စပ် ခမောက်ကို ခေါ်တာဖြစ်ပြီ သူ့မှာ နားရွက်အုပ် ပါရှိပါတယ်။ ဒီလို ဦးထုပ်ကို ဆောင်းထားတဲ့ နတ်မိဖုရားလေးလို့ အဓိပ္ပာယ်ရကြောင်း ဖော်ပြထားပါတယ်။

မယ်ကလေးရည်းစား မတ်ကြီးလျာရဲ့ ခန့်ခန့်မောင်းမောင်းရှိပုံနဲ့ သူ့အပေါ် မယ်ကလေးထားတဲ့ မေတ္တာတရားရဲ့ ထုထည်ကြီးမားလှပုံကို ပုပ္ပါးတောင်ကြီးရဲ့ အဟုန်နဲ့ နိမိတ်ပုံပြု ဖွဲ့ဆိုလိုက်တာကတော့ အင်မတန် ခန့်ညားပါတယ်။ သစ်လွင်လတ်ဆတ် နေတယ်လို့ ဆိုရမှာပါ။

မြန်မာ့ရှေးဦး ကဗျာနှစ်ပုဒ်ဟာ ကျစ်လျစ်တဲ့အဖွဲ့၊ လတ်ဆတ်တဲ့ စကားအသုံး၊ အားကောင်းတဲ့ နိမိတ်ပုံတွေနဲ့ ခေတ်အဆက်ဆက် ကဗျာခရီးရှည်ကြီးကို ကျော်ဖြတ်ခဲ့ကြတယ်။

ကျောက်ရိုင်း

17 February 2009

လွမ်းတယ်

သစ်တောစိမ်းစိမ်းတွေရယ်
စမ်းချောင်းလေးရယ်
ကျနော့်အိပ်မက်တို့
ယိမ်းထိုးဆိုက်ကပ်လေ့ရှိရာ
အမေ့ရဲ့ ဆိပ်ကမ်းငယ်လေးရယ်၊

စွန်တန် ပူပူရယ်
ငရုတ်သီးစပ်စပ် ပဲပုပ်ထောင်းနဲ့
တောဝက်သားခြောက်ရယ်
တောပန်းလေးတွေနဲ့အပြိုင်
လှိုက်လှိုက်လှဲလှဲ
ဖူးပွင့်နေတတ်တဲ့ ရွာကလေးရယ်
ရွာအ၀င်တောင်ကမူအောက်က
ဝါးဒလျှောက် ရေချိုးဆိပ်လေးရယ်
တောရဲ့ ဂီတကိုဖန်ဆင်းတတ်တဲ့
ကျွဲခလောက်သံ သာသာရယ်
ဧည့်စိမ်းလူစိမ်းတွေကို
ဆွေမျိုးရင်းချာလို နွေးထွေးသွားစေတဲ့
ခေါင်ရည်ချိုမြရယ်
ဆောင်းတွင်း မီးလင်းဖိုနံဘေး
ခေါပုတ်ကင် နွေးနွေးရယ်
အရွယ်ရောက်စ ကျမ်းစာသင်ကျောင်းလေးနဲ့
ကြီးကောင်ဝင်စ မူလတန်းကျောင်းပျိုလေးရယ်
တောင်ပေါ်မြူနှင်းကြား
စကားတွေ တွတ်ထိုးနေတတ်တဲ့
သီးနှံစိုက်ခင်း အဆင့်ဆင့်ရယ်
မြေစေးနီနီ အိမ်ကလေးတွေကြား
ဍ္ဍရင်ကောက်ပင် ပြိုးပြောက်မယ်
ငှက်ကလေးတွေ အစာကောက်နေပုံရယ်၊

ဟိုး အဝေးတစ်နေရာဆီက
တောင်ယာတဲကလေး
မီးခိုးနံ့တသင်းသင်း
လေပြေ တစ်ညင်းညင်း၊

အမေက
ကျောက်တုံးကျောက်ခက်တွေကြား
လျှိုမြောင်ချိုင့်ဝှမ်းတွေကြား
မီးလောင်ပြင် သစ်ငုတ်သစ်ဆုံတွေကြား
စပါးစေ့လေးတွေကို ဆူးထိုးစိုက်ပျိုးနေမှာ၊

အမေ့သား သင်္ဘောလေးက
အမြဲတစေ ဆိပ်ကမ်းနဲ့ ဝေးကွာခဲ့ရာ။

14 February 2009

တို့လျှောက်မဲ့လမ်း

အနေကြာဝေးပေမဲ့
မဖြေသာသေးပါဘူးကွယ်၊

တစ်သက်တာ ထာဝရမို့
တစ်မျက်နှာ တစ်ဘ၀ပါပဲ
ရင်ထဲငြိတွယ်၊

မမြင်ကွယ်ရာ ရှောင်နွဲ့ပြေးပါနဲ့
အစဉ်တွယ်တာ နှောင်ဖွဲ့တေးသီမကွဲ့
ဆွေးသူရဲ့ ဇာတ်အစုံ
တွေးရုံနဲ့ ကြေနွမ်း၊

ဘယ်နံရံ ဘယ်တံတိုင်းတွေက
ဘယ်မှိုင်းတွေ ဘယ်ပုံခတ်သော်လဲ့
ကျော်ဖြတ်မယ် စိတ်မာန်တင်းပါလို့
ပျော်ရဲတယ် ချစ်သူခင်နဲ့
တူယှဉ်ကာ ညီညာလှမ်းပါစို့
အချစ်ရယ်...
တို့လျှောက်မဲ့လမ်း။

ညိမ်းညို

13 February 2009

ဗိုလ်ချုပ်အောင်ဆန်း(အတိတ်နှင့် ပစ္စုပ္ပန်)

မသိ၍ဆို
မလို၍ပြော။

သူ့စိတ်မှာ အလွန်ယဉ်လို့
သူ့ဥာဉ်မှာ အလွန်သန့်တယ်
ထူးချွန့်သဘော။

မသိ၍ထင်
မမြင်၍ပြော။

သူ့ဝိညာဉ် မသေပျောက်ပါဘူး
မိုးပေါက်လို အစဉ်ကြည်လို့
နေခြည်လို အစဉ်လန်းကာ
ဖျန်းဆွတ်စိတ်စော။

မင်းသုဝဏ်

12 February 2009

ပြည်ထောင်စုနေ့ တို့မမေ့

(ပုံကို မပန်ဒိုရာ ဆီက ယူပါတယ်)

စိတ်ဝမ်းလက်ညီ
ချစ်တေးသီအံ့
တည်ထောင်အမှု
ပြည်ထောင်စုကို
ညီအောင် အခုပြုကြစို့။

9 February 2009

ရပ်ကွက်

ပလတ်စတစ်အိတ်တွေ
လေမှာဖွေးဖွေး
ရေဘုံဘိုင်က
တစ်စက်ချင်းလိမ့်ကျလို့
အိမ်ကြိုအိမ်ကြား
စကားစီးကြောင်းတွေ ဝေ့ကာဝိုက်ကာ
နေက
တစ်ခါတစ်ရံ ခြစ်ခြစ်တောက်ပူ
တစ်ခါတစ်ရံတော့ အုံ့မှိုင်း
သန်းမကြီးတစ်ချို့
လက်သဲခွံနှစ်ခုကြား
အိပ်မောကျသွားချေပေါ့
မွစာကျဲမီးသွေးအိတ်များ
ထိုးထိုးထောင် မဲညစ်ပေပွ
မကျွတ်မလွတ်သေးအံ့သော
ပုရစ်များ
ဖားများ
ကြွက်များ
ကြပ်ခိုးအလိမ်းလိမ်း
သစ်မာများ၊ ဘိလပ်မြေအိတ်များ
ထရပ်ကားကြီးများ အလီလီအလူးလူး
ကပ်သီးကပ်သတ်ဖြတ်မောင်းကြ
ထုံးကားအတင်အချ
ကြမ်းရှလက်ဖ၀ါးများ
လက္ခဏာရေးတို့ မှုန်ေ၀၀ါး။

ရပ်ကျော်ရွာကျော်
ငယ်မိုက်ကြီးမိုက် ဆိုးပေတေကြီးများ
ဇွန်းသံပန်းကန်သံ
ခွက်ပျောက်သံ တက်ခေါက်သံ
ကလေးငိုသံ တေးဆိုသံ
အကြွေးတောင်းသံ ဈေးရောင်းသံ
အရက်သမားက သူ့မယားကိုငေါက်သံ
တစ်ခါတစ်ရံ ရန်တွေ့သံများနှင့်တကွဖြစ်သော
နေသားတကျ အသက်ရှူသံများ။

စိတ်ရင်းစေတနာမှန်
စုံညီသံပြိုင်
ရွက်တိုင်ထူကြ
အတူတကွ ဖေးကူမ
သာစွအေးစွ
သို့ကလို အခါသမယတွေလဲရှိပေါ့
ကိုကိုလံကဓောကို
ရယ်ရင်းမောရင်း
ဖက်လဲတကင်း
ကူညီဝေမျှ ဖြေရှင်းကြရာ
ချစ်ကြည်တေးသံသာများလွှမ်းသော
အနည်းငယ် ကြေးနီရောင်သမ်းသော
အနည်းငယ် မလိမ်မိုးမလိမ်မာရှိသော
အနည်းငယ် အဆီအငေါ်မတည့်သော
အဲ...
အနည်းငယ်စွဲမက်ဖွယ်ရာလဲရှိပေထသော
ငါတို့ရဲ့ သုခဘုံကလေး။

ညိမ်းညို

5 February 2009

လွမ်းတေး

ဥသြငှက်ကလေးက
သူ့ရင်တွင်းစကားကို အထပ်ထပ်တေးသီကျူးရင်း
နွေရာသီကို ဖြတ်သန်းနေတယ်။

ကိုယ်က
နှလုံးအိမ်ထဲမှာ သတိရခြင်းမီးအိမ်လေးထွန်းညှိပြီး
လွမ်းရာသီကို ဖြတ်သန်းနေတယ်။

ညိမ်းညို