12 August 2007

ကဗျာဆရာ့ သမီး

ကျွန်တော့်သမီးလေးဟာ
စီကာရီကာနဲ့
တီတာတီတာဖွဲ့
ကလေးရှားတဲ့ ကျွန်တော်တို့အိမ်ထဲ
သူပဲဘုရင်
ကပါဆိုလည်း သိပ်မရှက်တတ်
စ,တာဆိုလည်း စိတ်မကွက်တတ်
လှတာကိုလည်း သိပ်မက်တတ်ပြီး
ထပ်တလဲသာ ပါးစပ်ရဲစွာ
ကပ်ချွဲတာတွေကြောင့်
အရပ်ထဲမှာလည်း သူ့ပဲချစ်ခင်
မျက်နှာပေးလည်းမရိုင်း
လက်ရေးလည်းဝိုင်းပြီး
ဘာလေးပဲခိုင်းခိုင်း အသင့်တက်ကြွ
စာမေးပွဲတိုင်းလည်း အဆင့်အထက်ကနဲ့
ဆရာမကိုလည်း အရမ်းချွဲ
အတန်းထဲမှာလည်း အားလုံးရဲ့ သံယောဇဥ
ပြန်ပြောရင် လွန်တယ်ထင်လိမ့်
ဒါပေမဲ့ သမီးရယ်..
လူပုံအလယ် လူဂုဏ်ထည်တွေထဲ
အဖေချင်း ပြိုင်တဲ့ပွဲကျ
ဘယ်သူလည်း သမီးရဲ့ အဖေ
အဲဒီအဖြေအတွက်
မတွေဝေရင်ကော့
" ကဗျာဆရာ့ သမီးပေါ့ " လို့
မပျော့တဲ့ အသံ
မလျှော့တဲ့ မာန်နဲ့
စကားပြန်သွက်ဖို့ ဝေးပါလို့
မကြားဟန်ရှက်လို့ ငေးလေသလား..
(သမီးရယ်) တွေးတိုင်းရင်သိမ့် ။

- (သမီး...သို့ )

စာရေးဆရာမ စုသဲမွန်၏အဖေ ရေးတာပါ။ ၂၀၀၆၊ ဧပြီလထုတ် မဟေသီမဂ္ဂဇင်းပါ စုသဲမွန်၏ ဆောင်းပါးမှ ကူးယူဖော်ပြပါသည်။

0 comments: