25 September 2009

ဘူးလုံးနားမထွင်း

ငါ့သူငယ်ချင်းအောင်ကျော်မင်းလည်း ဖဲမရိုက်တော့ဘူး
စကားလုံးတွေ ကုလားဖန်ထိုးနေတော့ရဲ့
အားယားနေရင် ရေချိုးလိုက်
နည်းနည်းတော့ လန်းသွားမှာပဲ
မှန်တယ် မတုတ် မာလာတယော
(မုန်တိုင်းကို ခဏမေ့ထားမယ်)
သတ်ဒ်တီတူး(32)ကိုင်မယ်ဆိုတော့ ၀ါးတီးပေါ့
လေးသုံးဆို မျက်နှာချင်းဆိုင်
သုံးနှစ်သားလေးရေမျောနေရင် လိုက်ဆယ်လိုက်
နေပြပြီး မီးဆိုက်လို့ရတယ်
ကြောက်တတ်ဝန်ကင်း
ကြောက် လွဲ၊ ရဲ မင်းဖြစ် ပေကညစ်က လာတာချည်းပဲ
ဇာခြင်ထောင် မီးလောင်ပေါက်ကယ်
မလာချင်ပေါင် ညည်းမောင်ကြောက်တယ်
ကဗျာစင်ထောင် ထီးပေါင်သောက်မယ်
မသာရ ဓားငှားရန်ရှိသည်
မသာရထား ငှားရန်ရှိသည်
ဥက္ကဌကြီး-ငှက္ကဌကြီး
ဒေ၀က ခြောက်ရာ့သုံးဆယ်(630) တဲ့
ရယ်ရတယ်နော်
ငယ်တုန်းက ဟာသဆိုတော့။

ညိမ်းညို

12 September 2009

ကိုင်းဖျားလရိပ်

ဆောင်းအိုရဲ့ နိဂုံးမှာ
နွေဦးက ပြုံးပြုံးလေးဝင်လာပြီ

ညညဆို
လေပူတွေ ဝှေ့လွန်းလို့
ကျောတစ်နေရာစာ
အိပ်မက်ကလေးကို
ရေပြန်ပြန် နူးနေရတယ်

ခြံထောင့်က စံပယ်ရုံလေးမှာ
ရနံ့တွေ အိုင်ထွန်းနေပြီ
ညမွှေးပန်းက လေပြေကိုနမ်းတော့
ပိတောက်တစ်ခက် စိမ်းသွားတယ်
အဲဒါ..
သစ္စာရှိတဲ့ ညပေါ့

ငုဝါတွေရယ်
တမာတွေရယ်
မကြာမကြာ နှာမှုတ်တတ်တဲ့
နွားတင်းကုတ် ကလေးရယ်
လရောင်အကြိုအကြားမှာ
စကားတင်းဆိုနေကြပြီ

ဆိုပါစေလေ
သူတို့နဲ့ မကင်းရာမကင်းကြောင်းမှာမှ
ကိုင်းဖျားကလရိပ်လေးကို မျှော်ငေး
ကိုယ်က ဆွေးခဲ့မိပြီကိုး ..

ခရောင်းလမ်းမှာ
ခြေထောက်ကို ဆီးကြိုတာပဲ
ပတ်ကြားအက်တွေနဲ့လည်း
လိုက်ဖက်ပါတယ်

ဟောသည်မှာ
တရုတ်စကားပင်တွေက
ပင့်သက်ကို သာသာညင်ညင်ချ
ချိတ်ဆွဲထားတဲ့ လရိပ်ကို
ဖြေးဖြေးဖွဖွ တွန်းပို့လို့
ဒဏ်ရာညများစွာကို
မီးစိမ်းပြလိုက်ကြပေါ့ ..

ညိမ်းညို

- ၃၀၊ ၈၊ ၂၀၀၇ တုန်းက တစ်ခါတင်ဖူးတဲ့ ကဗျာဟောင်းတစ်ပုဒ်ပါ။ ကျေးဇူးတင်ပါတယ်။

10 September 2009

တောင်ပူစာ

ဓာတ်ပြုပုံမှာ
နေရောင်ခြည်ကို မစို့မပို့လေး မျှင်းသောက်ရုံနဲ့
တစ်ကိုယ်လုံး ရွှေချနိုင်သူ။

ခမျာ
အမြဲစိမ်းတောကြီးဘေးမှာထားပြီး နွမ်းပါးရှာရဲ့
မေ့လောက်ပြီဆိုတော့မှ
အပင်ငယ်လေးတွေ ကျိုးတိုးကျဲတဲ အဖော်ပြုလာ
တစ်လျှောက်လုံးအထီးကျန်ခဲ့သူမို့
ယောင်ယောင်လေး အဖက်လုပ်ခံရတာကိုပဲ
သူ့မှာ ပျော်မဆုံးဖြစ်မိတာ။

ညိမ်းညို

5 September 2009

သို့...ချစ်ခြင်းဖြင့်

သစ်ကိုင်းမှာချိတ်နေတဲ့ လရိပ်လေးရေ
မင်းကြင်နာမှုလေး ‘ကျိုး’ သွားမှာကြောက်လို့
ဆေးလိပ်ကို ကိုယ် ‘ချိုး’ ခဲ့ပါတယ်။

စံပယ်ရုံပေါ်မေးတင်နေတဲ့ နှင်းပွင့်လေးရေ
မင်းသံယောဇဉ်လေး ‘ကွဲ’ သွားမှာကြောက်လို့
အရက်ခွက်ကို ကိုယ် ‘ခွဲ’ ခဲ့ပါတယ်။

လေညင်းနဲ့သားစပ်နေတဲ့ မြေသင်းနံ့လေးရေ
မင်းယုံကြည်မှုတွေ ‘ကြေပျက်’ သွားမှာကြောက်လို့
စရိုက်ဆိုးတွေကို ကိုယ် ‘ချေဖျက်’ ခဲ့ပါတယ်။

ချစ်မြတ်နိုးလွန်းရတဲ့ ကိုယ့်လယ်သူမလေးရေ
ချစ်သူတို့ရဲ့ ရဲရင့်စိတ်နဲ့
ဝေးကွာခြင်းကို ရိတ်သိမ်းစို့ကွယ်။

ညိမ်းညို

3 September 2009

ကဗျာနဲ့တစ်သက်စာပြုစားခဲ့သူ အနုပညာစုန်းကြီး

"အဖေရေ . . .
ကမ္ဘာကျော်မြေပိုင်ရှင် . . . မရှိဘူး
ကမ္ဘာကျော်တိုင်းမင်းကြီး . . . မရှိဘူး
ကမ္ဘာကျော် စာရေးဆရာ ၊ ကဗျာဆရာရှိတယ်
အဖေရေ"

မောင်ချောနွယ်
မဟေသီမဂ္ဂဇင်း၊ ၁၉၉၅၊ ဖေဖော်ဝါရီမှ

လူကိုမမြင်ဖူးဘူး
အသံကို မကြားဖူးဘူး
ဒါပေမဲ့ ဦးကြီးဦးလေးတစ်ယောက်လို သဘောထားမိတယ်
ဆွေမျိုးရင်းချာတစ်ယောက်လို ချစ်မိတယ်
ဆရာချောကို ချစ်တဲ့အချစ်အတွက် ကျွန်တော့်မှာ အဖြေမရှိဘူး
ဆရာချောရဲ့ကဗျာတွေကို ချစ်တဲ့အချစ်အတွက် ကျွန်တော့်မှာ အဖြေမရှိဘူး
အပရည်ရွယ်ချက်များ ကင်းရှင်းစွာ ဆိုပါတယ်
ကျွန်တော့်ရဲ့ ကဗျာနတ်ဘုရား ဆရာချောကို လွမ်းလွမ်းဆွတ်ဆွတ် အောက်မေ့မိပါတယ်။

+++

ကိုယ့်မွေးနေ့မွေးရက်ကိုတောင်
မှတ်မှတ်ရရမရှိတတ်တဲ့ လူငယ်တစ်ယောက်ပါ
ဆရာချောရေ
ဒီကနေ့ ကျွန်တော့်စိတ်တွေ တစ်ဝက်လွှင့်ထူထားပါတယ်။

ညိမ်းညို