အနီးအဝေး

ဟိုဝေးဝေးက ရေးရေးသာမြင်
ပျပျထင်သည် တောင်စဉ်တောတန်း
နှင်းမြူလွှမ်း..

တောင်တန်းရီပြာ မြူဆိုင်းကာနှင့်
ပ၀ါတိမ်စ ရစ်သိုင်းကျလျက်
အလှဟုမြင် စိတ်၌ထင်သည်
ဝန်းကျင်သာယာ လှတယ်ကို။

တောင်ခြေကိုသွား တောင်နားမှာကြည့်
တွေ့မြင်မိသည် ဆူးပြည့်နွယ်ပေါ
ခရောင်းတောနှင့် သစ်တောချုံဖုတ်
ခလုတ်ကန်သင်း အတက်ဆင်းတွေ
ကျောက်ရင်းကျောက်ခက်
ကျောက်တက်ကျောက်ဆွယ်
အသွယ်သွယ်တွေ တွေ့ရလေမှ
တောင်ခြေရိုးမ စိမ်းမြမြ၏
ဘ၀သရုပ် ပေါ်တော့သည်။

မောင်စိန်ဝင်း(ပုတီးကုန်း)

အသံ

ဝေးတဲ့အခါ
ငါ့အသံတွေ ပိုကျယ်တတ်ပါသလား
နီးကပ်လွန်းတဲ့အခါ
ငါ့အသံတွေ တိမ်ဝင်သွားတတ်ပါသလား
ပြောမထွက်ဘူးဆိုပြီး တစ်ခါတစ်ခါ မြိုသိပ်တယ်
မပြောရက်ဘူးဆိုပြီး တစ်ခါတစ်ခါ ငဲ့ညှာတယ်
မပြောတတ်ဘူးဆိုပြီး တစ်ခါတစ်ခါ ခေါင်းရှောင်တယ်
မပြောရဲဘူးဆိုပြီး အခါခါ ခေါင်းငုံ့ရတိုင်း
ငါ့အသံမှာ သစ္စာတရားဟာ တတိတိယိုယွင်းတယ်။

ညိမ်းညို

ဇူလိုင်(၅)ရက်နေ့က ကျွန်တော်ဖျားနာခဲ့တယ်

အပြင်မှာနှင်းတွေမကျတော့ဘူး
လူသူလေးပါးကင်းလွတ်ရာအရပ်မှာ မော်စကိုရဲ့နွေဦးက
ကျွန်တော့်ရင်အုံကို တစ်စုံတစ်ခုနဲ့ တည့်တည့်ပစ်ပေါက်လိုက်တယ်
ဒီလိုချစ်လိုက်မိပြီဆိုတဲ့နောက်
စိတ်နဲ့ကိုယ်ဟာ ကျွန်တော့်အပေါ်ရက်စက်တယ်
အမြဲတစေ သတိရခြင်းနဲ့အိပ်စက်တယ်
အမြဲတစေ သတိရခြင်းနဲ့ နေထိုင်စားသောက်တယ်
အမြဲတစေ သတိရခြင်းနဲ့ သွားတယ်၊ လာတယ်၊ လှုပ်ရှားတယ်
အမြဲတစေ..အမြဲတစေ..အမြဲတစေ
အဲဒီလို အမြဲတစေ သတိရခြင်းနဲ့ယဉ်ပါးနေရတာကို ကျေနပ်တယ်
နွေးထွေးတယ်ဆိုတဲ့ အသိတစ်ခုက
နှလုံးသားရဲ့ ဥပဒေကို သူ့အလိုလို ပြဌာန်းပစ်လိုက်တယ်
ကျွန်တော်သယ်ဆောင်ထမ်းပိုးခွင့်ရတဲ့ ရွက်တိုင်ထိပ်ဖျားမှာ
သူ့နာမည်လေးကို ဦးဦးဖျားဖျား ရေးထိုးထားချင်တယ်
လေကိုပဲဆန်ဆန်.. ရေကိုပဲဆန်ဆန်..
မညှိုးတဲ့ပန်းလေးတစ်ပွင့်ကို သစ္စာတရားနဲ့မန်းမှုတ်လို့
သူ့ကေသာဦးမှာ ပန်ပေးချင်တယ်
ကျွန်တော့်လက်တစ်ဖက်ရဲ့အားမာန်မှာ
သူနှစ်သက်တဲ့တေးတစ်စနဲ့ လင်းပလိုက်ချင်သေးတယ်
တိတ်တဆိတ်ချဉ်းကပ်လာတဲ့ ချစ်ခြင်းမေတ္တာမှာ မိုးတွေစွေခဲ့တယ်
အချစ်နဲ့ ဖျန်းပက်ခြင်းခံရတဲ့အခါ ကျွန်တော် နှစ်ခြိုက်စွာဖျားနာတတ်ခဲ့ပြီ။

ညိမ်းညို

ရေချမ်းစဉ်

ငါဟာ ရေချမ်းစဉ်လေးပါ
ဖြူလွလွသဲပွင့်များပေါ်
ငြိမ်းအေးမှုရသနဲ့
ငါ့ကိုယ်ငါ တည်ဆောက်ချင်ခဲ့တာပါ
သိသူဖြစ်စေ မသိသူဖြစ်စေ
ရန်သူမိတ်ဆွေမဟူ ဘက်မတူခဲ့ရင်လည်း
ငါက ကြည်ဖြူမှာပါ
ကိုယ့်အရိပ်လေးထဲ ကိုယ်နေ
ကိုယ့်အကိုင်းအုပ်အုပ်လေးနဲ့ကိုယ် တိမ်မြုပ်
ဘာကိုမှ အရေးမလုပ်ပဲနေနေတာ မဟုတ်ပါဘူး
ခရီးသွားတွေဆိုတာ
ငါ့ရှေ့ကလမ်းကလေးမှာ နေ့စဉ်ဖြတ်သွားကြတာပဲလေ
သူတို့အသံတွေကို ငါကြားနေရတာပေါ့
သူတို့လှုပ်ရှားမှုတွေကို ငါမြင်တွေ့နေရတာပေါ့
အမှန်နဲ့အမှား ဘယ်လိုချို ဘယ်လိုခါးတယ်ဆိုတာ
ရေချမ်းစဉ်လေးအဖြစ်နဲ့လည်း ငါမှတ်သားနေမိပါတယ်
စိမ့်ဝင်လာမဲ့ အပူမီးတွေအတွက်
ငါ့ရေချမ်းစဉ်လေးကို ရေမပြတ်ဖြည့်ထားပါ့မယ်
နင်သီချင်းဆိုသလို ငါလိုက်ဆိုလို့မရသေးတာ
နင်ငိုသလို ငါလိုက်ငိုလို့မရသေးတာ
အဲဒီလို ဆိုခွင့်ငိုခွင့်ကင်းမဲ့နေတဲ့ငါ့ကို
ခွင့်လွှတ်ပေးပါဦးကွယ်
စကားတွေ အများကြီးပြောလို့ မရဘူးလေ
ငါက အသက်မဲ့နေတဲ့ ရေချမ်းစဉ်လေးမို့ပါ ။

ညိမ်းညို

နှင်းကျချိန်

မြို့ကလေးရဲ့ သမရိုးကျရှုမျှော်ခင်းမှာ
အငွေ့အသက်တိုင်းဟာ ရိုးစင်းလှပနေမယ်
ဓာတ်ကြိုးပေါ်မှာ ငှက်ကလေးတွေနားနေကြမယ်
ကတ္တရာလမ်းမကြီးက ငြိမ်သက်စွာလဲလျောင်းနေမယ်
တစ်ချို့တစ်လေသော အိမ်ယာများက
သူ့ရဲ့ အနက်ရောင်ကျောပြင်ကြီးပေါ် ငိုက်မြည်းလို့ကျန်ရစ်ခဲ့မယ်
လူတွေက အရောင်အသွေးစုံ လှုပ်ရှားသွားလာကြမယ်
ကိုယ့်ကိုယ်ကို နာကျင်မှုမရှိရအောင်
အနွေးထည်ထူထူကြီးတွေကိုလည်း ၀တ်ထားကြဦးမယ်
နှင်းတွေကျလာပြီဆို..
တို့မြို့လေးကိုက မှုန်ဝါးသွားတတ်တာပါ
ဘယ်လောက်တောင် မှုန်ဝါးသွားလည်းဆိုရင်
လူနှစ်ယောက် မျက်နှာချင်းဆိုင်ရပ်နေတာတောင်
တစ်ယောက်ရဲ့ သွားလမ်းလာလမ်းကို
တစ်ယောက်က မမြင်မိတော့ဘူး
နှင်းခွဲမီးကြီးတွေနဲ့ လမ်းပြပေးမှသာ
တစ်ယောက်ရဲ့ ဦးတည်ရာကို
တစ်ယောက်က နားလည်ခွင့်ပြုပေးနိုင်တဲ့ အခြေ
နှင်းတွေ...နှင်းတွေ
အုံ့သည်းမှိုင်းဝေနေလိုက်တာ
အခုဆို..တစ်မြို့လုံးတောင် ဘာမှမမြင်ရတော့ဘူး။

ညိမ်းညို

သူလိုငါလို

ငါလျှောက်လာရာလမ်းတစ်လျှောက်မှာ ထူးဆန်းတာဆိုလို့
ကြမ်းရှတဲ့ မြက်ပင်ရိုင်းတွေက
နေရောင်အောက်မှာ တောပန်းလေးတွေပန်ထားတာပဲရှိလိမ့်မယ်
အချိန်ရှိတုန်းလေး ရှေ့ ကိုဆက်လျှောက်ဖြစ်တယ်
နားနားနေနေ နေချင်တဲ့အခါလည်း နေလိုက်မယ်လေ
အမြဲတမ်းရှေ့ ရောက်နေတာကောင်းတယ် ဆိုတာမျိုးကျ
ငါ့ကိုယ်ပိုင်သင်ရိုးက ခွင့်မပြုပြန်ဘူး
စုပြုံတိုးကြိတ် တအုံးအုံးတရုန်းရုန်းဖြစ်နေပြီဆိုရင်
ယဉ်ကျေးမှုမရှိတဲ့ ငါမျက်လုံးမှာ
တောရိုင်းတိရိစ္ဆာန်အုပ်တွေကိုပဲ ပြေးမြင်နေမိတာ
ရယ်သံလွင်လွင်လေးတွေ ထိခတ်နေတဲ့အရပ်မှာ
တောင့်တောင့်ကြီးရပ်မနေချင်ပါဘူး
လေးလေးလံလံဆိုလို့လည်း
ပခုံးပေါ်မှာရော၊ ဦးနှောက်ပေါ်မှာရော ဘာကိုမှ ထမ်းပိုးမထားချင်ဘူး
အသံကုန်အော်ဟစ်ကြုံးဝါးလိုက်ရင်
ငါနဲ့ ငါ့ပတ်ဝန်းကျင်လေး အထိတ်တလန့်ဖြစ်မှာ စိုးမိပါတယ်
ငါ့ယုံကြည်မှုအတွက် ငါ့အသက်နဲ့ထပ်တူ
ငါလုပ်ရမဲ့အလုပ်တစ်ခုအတွက် ငါ့ဘ၀နဲ့ထပ်တူ
အဲသလို သူလိုငါလို လူ့အဖြစ်လေးကိုပဲ
ငါက ဖန်ဆင်းကျေနပ်လို့နေမိတာလေ..

ညိမ်းညို

သူစိမ်းတွေလို

ရင်းနှီးပြီးသားအရာတစ်ချို့ဟာ မရင်းနှီးတော့သလို
သူစိမ်းဆန်စွာ ငါ့ကို ငေးကြည့်နေကြ
တိုက်နေတဲ့လေတောင် ရုတ်တရက်စိမ်းသွားပါရဲ့
စိမ်းလိုက်တာကွယ်..
အစိမ်းရင့်ရင့်ရာသီအိုထဲ ပန်းကလေးတစ်ပွင့် ပျံသန်းလာမယ်ဆိုရင်
အဲဒါ မကြွေတဲ့သစ္စာတရားပေါ့ ညီမလေးရယ်..
ကျန်ရစ်ခဲ့တဲ့ ခြေရာလေးတစ်စုံအပေါ်
လောကဓံကြိုးတစ်ချောင်းက
ဘယ်လိုများချည်နှောင်လိုက်လေသလဲ
ငြင်းဆန်ရခက်ခဲတဲ့ ကျေးဇူးသိတတ်မှုတွေကြားမှာ
ညီမလေး ကိုယ့်ကိုယ်ကို လောင်ကျွမ်းခဲ့ရတာဆိုရင်
အဲဒီအလင်းတန်းကို
ငါ့ရင်ဘတ်ထဲက ဖြတ်သန်းခွင့်ပြုပါ

ညီမလေးရေ..

ဟောဒီလမ်းသွယ်လေးထဲမှာ
အိပ်မက်တွေကို မျိုးစေ့ချခဲ့ဖူးတဲ့ ခြေရာလေးနှစ်စုံဟာ
အခုတော့..အေးစက်၊ နာကျင်စွာအေးစက်လို့ပေါ့
မသိတတ်မှုများစွာနဲ့ ငါတို့ကို ကိုက်ခဲထားကြတော့မယ်
တိုက်ခတ်နေတဲ့ လေစိမ်းတွေကြားမှာ
ခုတော့ ..ညီမလေးနဲ့ ငါဟာ...... သူ..စိမ်း..တွေ..လို

ညိမ်းညို