29 August 2009

သံသရာထိ မွှေးမယ့်ပန်း

မကျဆုံးဖူးသူတွေသာ
ကျဆုံးခြင်းအကြောင်းကို မြိန်ရည်ရှက်ရည်ပြောတတ်လေ့ရှိကြ
တိတ်တိတ်ကလေးဆွံ့အနေသူတို့ထံ နားစွင့်ပါ
သူတို့မှာ အသံထွက်ဖို့အခွင့်မရှိကြရှာ။

အတောင်ကျိုးငှက်ကလေးများ
အားစိုက်ပျံသန်းနေဟန်ကဖြင့် ချစ်မက်ဖွယ်ရာ
လူတစ်ယောက်မှာ
"ဖြစ်ကို ဖြစ်ရမယ်" ရည်မှန်းချက်ရှိရတယ်ဆိုရင်
"ဖြစ်ကို မဖြစ်ရဘူး" ရည်မှန်းချက်လည်း ရှိကောင်းရဲ့
ဝါကျတစ်ကြောင်းနဲ့ ဆုတောင်းပါခဲ့
ဖြစ်ကိုမဖြစ်ရဘူး ရည်မှန်းချက်ဟာ ငှက်ခတ်သမား
ငှက်တွေကို မဖြားယောင်းလိုဘူး ငှက်တွေကို မသွေးဆောင်လိုဘူး
ပိုက်ကွန်တွေ ရွှေခြည်ငွေခြည်မတန်းလိုဘူး
လှောင်ချိုင့်တွေ ကတ္တီပါစိန်ကျောက်မခင်းလိုဘူး
ကျောသားလည်း ချမခင်းနဲ့
ရင်သားလည်း ချမခင်းနဲ့
ဘာကိုမှဖြတ်မနင်းဘဲ လျှောက်လာပါစေ
ကိုယ့်လမ်းနဲ့ကိုယ်မှာ ကိုယ့်ပန်းနဲ့ကိုယ်ပွင့်ကြဖို့ပဲမဟုတ်လား။

ချွေးနဲ့ပွင့်ပါစေ
သွေးနဲ့ပွင့်ပါစေ
အနုပညာစီး၍ အသိဉာဏ်ရံပါစေ
ကမ္ဘာမြေကိုချစ်တဲ့စိတ်နဲ့ ကဗျာတွေရေးပါရစေ
ဒီပန်းကလေးကို စိတ်နဲ့တောင်မမွှေးရက်ဘူး။

ညိမ်းညို

28 August 2009

ပေးနိုင်တာနဲ့ မပေးနိုင်တာ

ပေးနိုင်တာပဲတောင်း
မပေးနိုင်တာ လာမတောင်းနဲ့
၂၅နှစ်သားတစ်ယောက်ရဲ့ လူငယ်စိတ်နဲ့ ရဲရင့်မှု
အရင်းအတိုင်း ပေးလိုက်မယ်
၅၂ နှစ်သားတစ်ယောက်ရဲ့ ရင့်ကျက်မှုမျိုး လာမတောင်းနဲ့
ဟန်လုပ်ပြီးပေးလိုက်ရင်
ခင်ဗျား အတုကြီးပဲ ရသွားမယ်
အဲဒါ ပိုဆိုးတယ်။

ညိမ်းညို

27 August 2009

ဘာထူးလဲ

ဘာထူးလဲ
တစ်နေ့လာလဲ ဒါ
နောက်တစ်နေ့လာလဲ ဒါ။

ကိုယ့်ကိုယ်ကိုယ် ကြိတ်စက်ထဲထည့်ပြီး မချိမဆန့် ညှစ်ချကြည့်လိုက်ချင်တယ်
ပျော့ပြဲထွက်ကျလာမဲ့ ဆင်ခြင်သုံးသပ်မှုမစင်ရည်တွေကို
ကိုယ့်လက်နဲ့ကိုယ်ပြန်ထိရမှာတောင် ရွံလွန်းလို့
စိတ်ကူးကို အသာခေါက်သိမ်းထားရတယ်။

ဘာထူးလဲ
တစ်နေ့လာလဲ ဒါ
နောက်တစ်နေ့လာလဲ ဒါ
ငါ့အသုံးမကျမှုက ကမ္ဘာလုံးကြီးကိုအမှိုက်တောင်းလုပ်ရင်တောင်
လွှင့်ပစ်ဖို့ မလုံလောက်သေးဘူး။

ဘာထူးလဲ
တစ်နေ့လာလဲ ဒါ
နောက်တစ်နေ့လာလဲ ဒါ
ကဗျာကို ဒီထက်ပိုကောင်းအောင် မရေးနိုင်တော့ဘူးလား
ငါ့ဦးနှောက် ငါ့နှလုံးသား ငါ့လက်တွေ
ကြိမ်တို့ရုံနဲ့ ရရင်ရ
မရရင် ချွန်းနဲ့ပေါက်ပစ်မယ်။

ညိမ်းညို

19 August 2009

သူငယ်ချင်းလူဝကြီးများက ငါ့ကို မသနားဖို့

တောင်ပေါ်တက်တဲ့လမ်းကလေး
အေးအေးလူလူလျှောက်နေကြတုန်း
ဝုန်းဆို ဗုံးထပေါက်တော့
ခပ်ကြီးကြီးခဲတစ်လုံးပစ်ထည့်ခံလိုက်ရတဲ့ ဖန်ခွက်ထဲကရေစက်တွေလို
ငါတို့ သူငယ်ချင်းတွေ လွင့်စင်သွားရပုံ
တစ်ချို့ ချုံပုတ်ထဲက ကုန်းရုန်းထလာကြ
တစ်ချို့ ချောက်ကမ်းပါးထဲက တွယ်တက်လာကြ
တစ်ချို့ အခြားသောလမ်းတွေက ပြန်ပေါ်လာကြ
တစ်ချို့ တောင်ထိပ်ပေါ် အလိုလိုရောက်သွားကြ
ငါက တစ်ဘ၀စာဖျက်မရတဲ့ အမှတ်အသားတစ်ခုကို ပေကျံစေခဲ့တာလား
တစ်သက်တာအလိုမပြည့်နိုင်မှုနဲ့ ချစ်မြတ်နိုးဖွယ်ဇနီးမယားလေးကို ခိုးယူပေါင်းသင်းခဲ့တာလား
ကဗျာကိုဆေးမင်ရည်စုတ်ထိုးလို့ သူ့အပေါ် အပိုးကျိုးခဲ့လေတယ်။

ရေပွက်အကြီးကြီးထဲက ရေပွက်သေးသေးလေးတစ်ခု
တူရာတွေစုထားတဲ့ရှုခင်း ပျင်းစရာကြီးပါကွာ
ဒီမယ်... ဒီမယ် တဲ့ ကြွေသွားတဲ့သစ်ရွက်တွေက ပုခုံးလာလာပုတ်ကြ
လောကဓံလှိုင်းတံပိုးထဲ ဘယ်နှစ်ကြိမ်ဒိုင်ဗင်ထိုးပြီးပြီလဲတဲ့
အဟတ်ဟတ် ဂျိုက်ထောက်ထားတဲ့ ကဗျာဘီးကို အခုထိမလဲနိုင်သေးတာကြည့်တော့
ဒင်းကလဲ ရပ်ရင်းတောင် အလိုလိုတွန်းကန်တက်ကြွနေပုံများ
ငါ့မှာ ကားအစုတ်ကြီးကိုတောင် နတ်ရထားလားဘာလား စိတ်ကြီးတွေဝင်
ငါ့ဒိုင်ဗင်ရှက်ကျူးများ အဲသလိုမြူးလို့။

အောက်မေ့ဘွယ်နာကျင်မှုများ
ကျေနပ်စွာထုပ်ပိုး စိတ်ထပ်ခိုးမှာသိမ်းခဲ့ပြီ။

လောင်စာအပြည့်နဲ့ နေ့စွဲများ
ခမ်းခမ်းနားနားသိုဝှက် နှစ်လိုစွာရေတွက်ခဲ့ပြီ။

တစ်ဘ၀စာမဟုတ်
ဒဏ်ရာဟာ သွေးမတိတ်တော့ပြီ။

ဆိုတော့
သူငယ်ချင်းလူဝကြီးများက ငါ့ကို မသနားဖို့။

ညိမ်းညို

7 August 2009

ကိုနမ်းရေ

ကိုနမ်းရေ
သွားနေတဲ့လမ်းတွေက ခက်ခဲပြီးချိုမြိန်တယ်ဆို
အောင်မြင်မှုဆိုတာ ထုပ်တန်းကနေ ကြိုးနဲ့တွဲလောင်းဆွဲထားတဲ့ ထန်းလျက်ခဲတစ်ခဲပါကွာ
အဲဒီထန်းလျက်ခဲကို ခုန်ခုန်ဟပ်နေရတာနဲ့ပဲ
ငါတို့ကောင်တွေ မတ်တပ်ပြိုလဲကုန်တာပေါ့
ကဗျာလေးတစ်ပုဒ်ကို လက်နဲ့ထောက်ဖတ်ရဖို့
ငါးမိုင်လောက်လျှောက်ခဲ့ရတဲ့ညတွေ လွမ်းလိုက်တာကွာ
အရာရာဟာ ပျော်စရာပဲပေါ့
ရင်နာစရာတွေပေမဲ့ မင်္ဂလာပါပဲကွာ
ဒီလိုပဲ တောက်လောင်ကြပါစို့ရဲ့
ညှော်နံ့မသင်းအောင်တော့ ကိုယ့်မီးစာကိုယ် ပြန်မြိုထားကြတာပေါ့
တစ်ထွာရှိတဲ့မျက်နှာ တစ်တောင်မကွဲပါဘူးတဲ့
လက်ဝှေ့သမားကြီးတွေပြောလေ့ရှိတဲ့စကား
ငါတို့လည်း လောကဓံကြိုးဝိုင်းထဲက ကံကြမ္မာနဲ့ထိုးသတ်နေရတဲ့
လက်ဝှေ့သမားတွေပဲ မဟုတ်လားကွာ
ဦးချိုရှိတဲ့သတ္တ၀ါကဦးချို အစွယ်ရှိတဲ့သတ္တ၀ါကအစွယ်
မထူးဆန်းပါဘူးကွာ
ငါတို့သူငယ်ချင်းတွေရော ဘာထူးလို့လည်း
ခေါင်းပေါ်ကထန်းလျက်ခဲကြီး မော့မော့ကြည့်ပြီး အချိန်တိုင်းကန်ကျောက်နေကြတာပဲ မဟုတ်လား
အေး ကိုနမ်းရေ
ဘောလုံးကန်တာ လူကိုမကန်မိဖို့တော့ လိုတာပေါ့ကွာ။

ညိမ်းညို

6 August 2009

သတ်ကွင်းများကို ဖြတ်ကျော်စဉ်

သတ်ကွင်းများကို ဖြတ်ကျော်စဉ်

လရောင်ခမ်း ကြယ်ရောင်ခမ်း
ညအကန်းကြီး
လွမ်းလောက်စရာမရှိ
ကိုယ့်သတိနဲ့
ကိုယ့်အသက်ကိုယ် ပြန်ထိစမ်းမိ
ချောက်ကမ်းပါးကြီးများ
နေရာတိုင်းမှ ညှို့ငင်တုန်ခါ။

အရိုးထဲသုည
ခြားနားတန်ဖိုးများစွာ
ဒဏ်ရာတွေ ပန်းလိုပွင့်ခဲ့ပေါ့
ဘ၀မှာ...။

ညိမ်းညို

5 August 2009

ရွာရန်ရာနှုန်းပြည့်

ရွာရန်ရာနှုန်းပြည့်

သံယောဇဉ်မြစ်ညှာမှာ
အလွမ်းတွေ ညှို့လာပြီဆို
ကိုယ့်ရင်တစ်ရိုး
မိုးတွေ သဲသဲလှုပ်ရွာချတော့မယ်
သတိရခြင်း တိမ်ခိုးတွေရယ်ပေါ့
သူတို့
ကိုယ့်စကားကို နားမထောင်ကြဘူး
ရွာရန်ရာနှုန်းပြည့်။

ညိမ်းညို