15 October 2009

ရင်ကွဲနာ

ရင်ကွဲနာ

(၁)

သက္ကရာဇ်တို့ တောင်ခါးပန်းမှာ
ငါတို့နှလုံးသွေးနဲ့ ထွင်းခြစ်
သစ္စာရနံ့တို့ ပျံ့ဝေတည်နေပါစေ၊

တံ့တံ့တာရှည် နေ၊ ရေ၊ လေ၊ မီး
ဓာတ်အသီးသီး မငြီးဖောက်ပြန်
ထက်အောက်လှန်ဦး
ချစ်ထုံးသွယ်ယှက် မင်းလက်ကလေး
ဖြေးဖြေးသက်သက် ငါ့ကိုဆက်ပါ
‘သက္ကရာဇ်တို့ တောင်ခါးပန်းမှာ
ငါတို့နှလုံးသွေးနဲ့ ထွင်းခြစ်
သစ္စာရနံ့တို့ ပျံ့ဝေတည်နေပါစေ'

(၂)
မိန်းကလေးရေ
အရိန္ဒမာလှံကို ကိုင်ထားတဲ့
ကျန်စစ်သားဟာ
မင်းလက်ကိုကိုင်ထားတဲ့ ငါလောက်
သတ္တိမရှိပါဘူးကွာ။

ပန်းနုမျက်နှာကလေးကို ငေး
အမည်မသိတေးတစ်စကို မြို
ငါ့အတွက်
လောကဓံဟာ နှစ်လိုဖွယ်ဖြစ်ပေါ့
တစ်ရံရောအခါတွေကို လွမ်းတယ်။

ကဆုန်စိုင်းချင်နေတဲ့မြင်းတစ်ကောင်လို
ဇက်ကြိုးကို မင်းလက်ထဲ သာသာဖွဖွ အပ်ပါရဲ့
ငါ့ကို
ချစ်ခြင်းမေတ္တာကြာပွတ်နဲ့ လွှဲလွှဲရိုက်ပါ
ငါ့ကို
သံယောဇဉ်ကြာပွတ်နဲ့ လွှဲလွှဲရိုက်ပါ
ငါ့ကျောပြင်ကို
မင်းလက်ကလေးနဲ့ လွှဲလွှဲရိုက်ပါ
ခွာတစ်ချက် မရှပ်ပါဘူး
ငါ အားကုန်ပြေးပါ့မယ်
မင်းက
တူနှစ်ကိုယ်ပန်းတိုင်လေးကိုသာ
ကြည့်ထားပေးပါ။

(၃)

စိတ်ညစ်ရင် ရှောင်ဖယ်
အဆင်မပြေရင် ကွယ်ဝှက်
တစ်ခြမ်းထဲရက်စက်ခံတဲ့ ပုံပြင်
ငါ ရင်မခုန်ချင်ဘူး

မင်းရဲ့ မျက်မှောက်ရှေ့မှာ
အန္တရာယ်စီးမိုး ကျားဆိုးနဲ့သတ်ရသတ်ရ
ယောက်ျားလေးဗီဇကို ငါ နှိုးချင်တယ်

အဲဒီလို
တစ်ယောက်ယုံကြည်မှုကို
တစ်ယောက်ယုံကြည်မှုနဲ့ထပ်
ငါတို့ ချစ်ခြင်းကို
အမြတ်ဆုံး လွှင့်ထူချင်တယ်။

တစ်ယောက်ရဲ့ အားအင်နဲ့
တစ်ယောက်ကို ပြည့်ဖြိုး
ငါတို့ဘ၀လေးကို ပျိုးထောင်ချင်တယ်။

စိတ်ညစ်တယ်ဆိုပြီး ရှောင်မဖယ်ပါနဲ့
တစ်ယောက်ထဲနေချင်တယ်ဆိုပြီး ရှောင်မဖယ်ပါနဲ့
မင်းကိုမှ မကာကွယ်နိုင်ရင်
ငါ့ထွက်သက်ဝင်သက်ကို သယ်မလာဘူး မိန်းကလေးရေ။

(၄)

ဖုန်းလေးတစ်ချက်
ဆက်ပါရစေ
စကားလေးတစ်ခွန်း
ဆိုပါရစေ
ကမ္ဘာကို တွန်းရွေ့မဲ့အားတွေ
အဲသည်ကနေ ငါရမှာမို့ပါ။

မင်းနဲ့တွေ့ရင်
လျှပ်ပန်းလျှပ်နွယ်တွေက
ကောင်းကင်ကို ထက်ခြမ်းပိုင်းပြမလိုနဲ့
ခဏချင်းပြိုကွဲသွားကြသလိုမျိုး
ငါ ဘာကြောင့်နှုတ်ဆွံ့ရပါသလဲ၊

မင်းကောင်းကင်မျက်နှာကြက်မှာ
ငါက လင်းအားနည်းလျှပ်ပန်းလျှပ်နွယ်
ဒါပေမဲ့
ငါပျော်တယ် မိန်းကလေးရေ
ငါက ငါ့တစ်ကိုယ်လုံး ထွန်းပွင့်တုန်ခါတဲ့အလင်းမျိုးနဲ့
မင်းကို ထမ်းပိုးချင်တဲ့ကောင်ပေပဲ။

အရိပ်လိုချုပ်နှောင် အမှောင်လိုကြီးစိုး
အဲဒီဘ၀မျိုးကို ငါလည်းမုန်းတတ်ပါတယ်ကွာ

ခွန်အားမဲ့ရိုကျိုး
လက်ဖြန့်မိုးပေးချင်တာပါ
ဖွဲဖွဲကလေးပဲ စွတ်စိုစွတ်စို
သည်းသည်းထန်ထန်ပဲ စွတ်စိုစွတ်စို
အဲဒီစွတ်စိုမှုကို
ငါက ချေချွတ်ချင်တာပါ။

(၅)

မဆုံးနိုင်တဲ့ အလျှံတညီးညီးနဲ့ ကမ္ဘာဦးမီးဟာ
ငါ့အပေါ်ကိုစီးမိုး
သတိရခြင်းမီးခိုးလုံးတွေသာ
ထစ်ချုန်းအုံ့ပျစေလို့ပေါ့။

စုန်းမီးလိုတောက်စားတတ်တဲ့
ညကဝေရေ
ငါ့ရင်ကွဲနာကို ဖက်နဲ့ထုပ်
ဟော..ဟိုက တိမ်သားညိုညိုတွေဖုံးအုပ်လို့
တိတ်တဆိတ်မြုပ်နှံပေးပါ။

‘ချစ်..တယ်’ ဆိုတဲ့စကားနှစ်လုံးဟာ
စနစ်တံဖြုတ်ထားတဲ့
ဗုံးတစ်လုံးလို အန္တရာယ်ကြီးမား
မျက်ရည်တံခါးကို ဖြိုတတ်ပါသလား။

မငိုဘူး...မငိုဘူး
ငါမငိုပါဘူး
ဆိုမြည်ရုန်းဟစ် အသံတွေအစ်ရင်းက
မျက်ရည်တွေ တစစ်စစ်ကျခဲ့ရ
ညတွေ...ညတွေ မှောင်လွန်းခဲ့ပါတယ်။

(၆)

မြနုလင်းချို လရောင်ပျိုရေ
ငါ့ကို ငြိမ်းမှုတ်
သိမ်းထုတ်လိုက်ပါကွယ်

ပြာဝင်းမှုန်လဲ့ သွဲ့သွဲ့လေညင်းရေ
ငါ့ကိုကျောခင်း
နင်းပစ်လိုက်ပါကွယ်

ရင်ဘတ်ဟောက်ပက်
အနာမဲ့ဒဏ်ရာတစ်ချက်နဲ့
အသက်ရှူခြင်းကို ငါမုန်းတယ်။

(၇)

မပျော်တော့ဘူးဆိုတဲ့ လူတစ်ယောက်မှာ
ပျော်စရာ ဘာများကျန်ပါသေးသလဲကွယ်

မီးဇာကုန်ဆီခမ်းနဲ့
စုံလုံးကန်းနေတဲ့ညရေ
မူးမူးနဲ့အိပ်နေတဲ့ ငါ့ကို
လရောင်တစ်ဆင်စာလောက် ရောင်းပါ
လရောင်တစ်ဆင်စာလောက် ရောင်းပါ
လ ရောင် တစ် ဆင် စာ လောက် ရောင်း ပါ
ငါတစ်ယောက်ထဲ မှောင်လွန်းလို့ပါကွာ။

ညိမ်းညို

13 October 2009

မွှေး

ကွဲ

လမ်းခွဲတယ်ဆိုတာ
ထစ်အပြတ်ရှ နတ်ဆိုးတွေလက်မှိုင်ချယူရအောင်
တမြိမြိမြတယ်၊

ကောင်မလေးရေ
ငါ့ကို လှောင်ပါ
နှလုံးသွေးအပြာနဲ့ ရေးမှုတ်
သံယောဇဉ်တစ်ဆုပ်ကိုပဲ
ရိုကျိုးမိုးချုပ်ခဲ့သူမို့။

ဒုတိယလူ

ဓါးအိမ်ထဲက ဓားတစ်လက်လို
ငြိမ်သက်စွာ ၀ပ်စင်း
ငါတို့ကွေကွင်းခြင်းကို ဖန်ဆင်းခဲ့တယ်။

ကြွေ

ဖွဖွကလေး
တောက်ထုတ်လိုက်တာပါတဲ့
ကြိုးတန်းပေါ်က လူတစ်ယောက်ကို...၊

တစ်တောလုံး တော်လည်းခဲ့တယ်
(ဆက်တင်က...)
ပန်းကလေးမေးဖျား ပိတုန်းနားဟန်၊

အချိန်အခါမဟုတ်မိုးက
ရွှံ့ လိုနွံလို ညစ်ထေးစေရဲ့
ကျွန်တော့်ရဲ့ စံပယ်ဖြူပွင့်လေး
လောကဓံကိုယ်လေးလက်ဝန် ရခဲ့တယ်။

တေး

ပိုးချည်းပါပဲ
ရှင်ဘုရင့်ပုဆိုးဆိုတာကတော့၊

မုတ်သုံရေ
လွမ်းရတာ
ဘယ်နှစ်ရာသီတိုင်ပြီလဲ
မင်းခြေဖျားတွေနဲ့ ပင့်ခတ်ကန်ကျောက်ပြီး
(ငါ့ကို..) ရွှဲရွှဲစိုအောင် ရွာချလိုက်ပါတော့။

နှုတ်ခမ်းကိုတင်းတင်းကိုက်
အသံမထွက်အောင်ရှိုက်နေသူမှာ
တေးတစ်ပိုဒ် မီးမြိုက်နေပါလိမ့်မယ်။

အညမည


အလွမ်းသင့်နွေ
စမ်းရေခမ်းခြောက်၊

မကမ်းနှင့်မေ
ပန်းလှေလမ်းပျောက်။

ဆွေး

ငေးခဲ့မိတယ်
ကြယ်တွေအငွေ့ပျံသွားတဲ့အထိ
တစ်စိမ့်စိမ့်ကျွံဝင်နေတဲ့
တွင်းနက်ကြီးအ၀မှာ ရပ်ရင်း၊

သွားတက်ကလေးရေ
တစ်ခါတစ်ရံတော့ ငိုပါရစေ၊

ဂစ်တာတစ်လက်နဲ့ ဆောင်းညအို
ငါ့ကို မီးဖိုပါစေတော့။

စေ့စပ်ပွဲ

အသိမပေးရက်တဲ့
လခြမ်းဝါရေ
ကြယ်တွေနဲ့အတူငေးခဲ့သူမို့
ခပ်ရေးရေးတော့ ကိုယ်မြင်တယ်။

တယ်လီဖုန်း

လူတစ်ယောက်အနားမှာ ရှိတဲ့အခါ
လူတစ်ယောက်ကို စကားပြန်ဖို့ခက်နေရှာ
တယ်လီဖုန်းလေး အားနာစရာ။

မွှေး

ရွှေလင်ပန်းနဲ့ အချင်းမဆေး
ရွှေခြေချင်းနဲ့ အလှမ်းဝေး
သူ့စိတ်ကလေးသူ လျှော်ဖွပ်နေပုံကိုက
(ကိုယ့်စိတ်ထဲ...)
လမင်းကို ပန်းပန်ပေးမိ။

ညိမ်းညို

11 October 2009

ယူဂျင်းအော်ညီဂင်(မိတ်ဆက်)











ပု(ရှ)ကင်
အလက်ဇန်ဒါ စီဂေးယဲဗစ်ခ်ျ ပု(ရှ)ကင်(၁၇၉၉-၁၈၃ရ)ဟာ ထင်ရှားကျော်ကြားလှတဲ့ ကဗျာဆရာကြီးပါ။ ခေတ်သစ်ရုရှစာပေကို ဦးဆောင် တီထွင်ခဲ့တဲ့ စာရေးဆရာကြီးလည်း ဖြစ်ပါတယ်။ ပု(ရှ)ကင်ကို မော်စကိုမှာ ဖွားမြင်ပါတယ်။ ၁၄နှစ်သား အရွယ်မှာပဲ သူ့ကဗျာကို ပထမဆုံးပုံနှိပ်ထုတ်ဝေနိုင်သူ ဖြစ်ခဲ့ပါတယ်။ ကြေးနီမြင်းသည်တော် (The Bronze Horseman) ကဗျာနဲ့ ကျောက်တုံးဧည့်သည် (The Stone Guest) ဒရမ်မာပြဇာတ်တို့ဟာ ဂန္တ၀င်လက်ရာများအဖြစ်နဲ့ ကမ္ဘာ့စာပေသမိုင်းမှာ ထင်ရှားပါတယ်။ ပု(ရှ)ကင်ရဲ့ ကဗျာတွေကို အင်္ဂလိပ်ကဗျာဆရာကြီး ဘိုင်ရွန်(၁၇၈၈-၁၈၂၄)ရဲ့ ကဗျာတွေနဲ့ နှိုင်းယှဉ်ကြလေ့ ရှိတယ်။ သူ့ကို ရုရှရဲ့ ဘိုင်ရွန်လို့လည်း ခေါ်ကြပါသေးတယ်။ ရုရှနယ်နိမိတ်ကို ကျော်ပြီး ကမ္ဘာမှာ ထင်ရှားခဲ့တဲ့ ရုရှစာရေးဆရာတွေထဲမှာတော့ ပွတ်ရှကင်ဟာ အဦးဆုံးပဲလို့ ဆိုကြပါတယ်။

မြန်မာစာဖတ်ပရိသတ်နဲ့ ရင်းနှီးပြီးဖြစ်တဲ့ "သေနတ်သံ" ၊ "စပိတ်ကွင်း" စတဲ့ ၀တ္ထုတိုများဟာ ကဗျာဆရာကြီး ပု(ရှ)ကင်ရဲ့ လက်ရာတွေပါပဲ။ ဒါ့အပြင် သူ့ရဲ့ ကျော်ကြားလှတဲ့ ဗြဲ(လ)ကင်ပြောသော ပုံဝတ္ထုများအတွဲကို ဆရာကြီးမောင်ထင်က ဘာသာပြန်ဆိုခဲ့ပါတယ်။ ဆရာတက္ကသိုလ်ဘုန်းနိုင်ရဲ့ ၀တ္ထုတချို့မှာလည်း ပွတ်(ရှ)ကင်ရဲ့ ကဗျာတွေကို ဖွင့်ဆိုခံစားပြတာကို တွေ့နိုင်ပါတယ်။

ယူဂျင်းအော်ညီဂင်




ယူဂျင်းအော်ညီဂင်(၁၈၃၃)ကတော့ ပွတ်(ရှ)ကင်ရဲ့ အကောင်းဆုံးတွေထဲက အကောင်းဆုံး လက်ရာတစ်ခုပါပဲ။ ၁၉ရာစု ရုရှဝတ္ထုရှည်ကြီးတွေရဲ့ ကနဦးအစလို့လည်း ဆိုနိုင်ပါတယ်။ ဒီဝတ္ထုကြီးထွက်တော့ "ကာရာမာဇော ညီအစ်ကိုများ" ကိုရေးတဲ့ စာရေးဆရာကြီး ဒေါ့စတာယက်စကီးမှ ၁၂နှစ်သား၊ "စစ်နှင့်ငြိမ်းချမ်းရေး" ရဲ့ဖခင် လီယိုတော်လ်စတွိုင်းမှ ၅နှစ်သား အရွယ်သာရှိသေးတာပေါ့။ ယူဂျင်းအော်ညီဂင်ထဲက ဇာတ်လိုက်မ "တာတီယားနား"ဟာ ထင်ရှားတဲ့ ရုရှဇာတ်လိုက်မင်းသမီးတွေနေရာမှာ အခုတိုင်အောင် နံပါတ်တစ်နေရာမှာ ရှိနေဆဲလို့ ဆိုပါတယ်။

ယူဂျင်းအော်ညီဂင်ဟာ စကားပြေ ၀တ္ထုသက်သက်သာ မဟုတ်၊ ကဗျာရှည်ကြီး တစ်ပုဒ်ဆိုရင်လည်း မှန်ပါတယ်။ မဟာကဗျာရှည်၊ ကဗျာဝတ္ထုကြီး အဖြစ်နဲ့လည်း သမိုင်းတွင်ခဲ့လို့ပါပဲ။ ဒီဝတ္ထုကိုရေးဖို့ ပု(ရှ)ကင်က ၁၄ကြောင်းတစ်ပိုဒ်ရေးနည်း (14-Line Stanza) ကိုတီထွင်ခဲ့တယ်။ ရုရှစာရေးဆရာကြီး တူရဂေညက်(၁၈၁၈-၁၈၈၃)က ဒီဝတ္ထုထဲက စာကြောင်းတစ်ကြောင်းအတွက် သူ့လက်သန်း နှစ်ဖက်စလုံးကိုတောင် ပေးနိုင်တယ်လို့ ဆိုပါတယ်။

ယူဂျင်းအော်ညီဂင်ဟာ Eugene Onegin ကိုနီးစပ်အောင် မြန်မာသံလှယ်ထားတာလို့ မှတ်သားဖူးပါတယ်။ ရုရှအခေါ်နဲ့ အတော်နီးစပ်အောင် ရေးရရင် (Евгений Онегин) ယက်ဖဂဲညီးရ် သြညဲဂင်လို့ သုံးနိုင်မယ် ထင်ပါတယ်။ ကျနော်တို့ဆီမှာတော့ ဆရာဒေါင်းနွယ်ဆွေနောက်ပိုင်းမှာ ကဗျာတ္ထုတွေ မရှိသလောက် ကျဲပါးလာခဲ့ပါတယ်။ ကဗျာရဲ့ အရွေ့ပြောင်းလဲမှုလား၊ အနုပညာပစ္စည်းပါးရှားမှုလား ဆိုတာကတော့ ကျနော်တို့ ဆင်ခြင်ကြည့်စရာ အကြောင်းတစ်ခုပါပဲ။

ထုတ်ဝေပုံ

ဝတ္ထုမှာ ပင်မအခန်းကြီး ရှစ်ခန်းရယ်၊ အခန်း၉လို့ ဆိုနိုင်တဲ့ "ယူဂျင်းရဲ့ ခရီးစဉ်"နဲ့ အခန်း၁၀လို့ ဆိုနိုင်တဲ့ "နောက်ဆက်တွဲ" တစ်ပိုင်းတစ်စတို့ရယ် ပါဝင်ပါတယ်။ အစောပိုင်းမှာ အားလုံးကို တစ်ပေါင်းတစ်စည်းထဲ ပုံနှိပ်ထုတ်ဝေတာ မဟုတ်ပါဘူး။ ရေးပြီးသမျှကို အခန်းလိုက် တစ်ပိုင်းချင်းစီ ထုတ်ခဲ့သဘောမျိုးပါ။ ပထမသုံးခန်းရေးအပြီး ၁၈၂၅မှာ ပထမဆုံးအခန်းကို ထုတ်ပါတယ်။ အဲဒီတုန်းက အမှာစာမှာ ပု(ရှ)ကင်က နောက်ဆက်တွဲမရှိလို့ ဆိုပါတယ်။ တစ်အုပ်နဲ့တစ်အုပ် အတော်ကြီးခြားပြီးမှ ထုတ်ခဲ့ပါတယ်။ ၁၈၃၃ မှာတော့ တစ်ပေါင်းတစ်စည်းထဲ ထုတ်ဝေလိုက်ပါတယ်။ အခန်းကြီး တစ်ခန်းဆီမှာပါတဲ့ ကဗျာပိုဒ်တွေကိုလည်း တဆက်ထဲ ရေးခဲ့တာမဟုတ်ပါဘူး။ တစ်ပိုဒ်ချင်း စိတ်ကူးဉာဏ်ဝင်စားတဲ့ အတိုင်းရေးသွားပါတယ်။ အဲဒီလို ရေးပြီးသွားတဲ့ ကဗျာပိုဒ်တွေကိုမှ စီစဉ်ကျအောင် အကြိမ်ကြိမ် ပြင်ဆင်တည်းဖြတ်၊ အထပ်ထပ် မွမ်းမံခြယ်မှုန်း ရုပ်လုံးပေါ်စေခဲ့ခြင်းဖြစ်တယ်လို့ မှတ်တမ်းတွေက ဆိုပါတယ်။

နောက်ခံအခင်းအကျင်းနဲ့ ဇာတ်သိမ်း

နိုင်ငံခြားရေးဌာနမှာ အမှုထမ်းနေတဲ့ ပု(ရှ)ကင်ဟာ သူ့ရဲ့ တိုးတက်တဲ့ အတွေးအမြင်တွေကြောင့် ဝေးလံတဲ့ တောင်ပိုင်းဒေသကို အပို့ခံခဲ့ရတယ်။ ခရိုင်းမီးယား ကျွန်းဆွယ်ဟာ ဇာတ်လမ်းပေါက်ဖွားရာ ဒေသပေါ့။ ပု(ရှ)ကင်က သူရဲ့ ၂၁နှစ်မြောက်မွေးနေ့အပြီး ၁၈၂၀မှာ အဲဒီကျွန်းကို ရောက်သွားပါတယ်။ ပု(ရှ)ကင်ဟာ နယ်နှင်ဒဏ်ခံနေရစဉ် ၁၈၂၃ မှာပဲ သူ့ရဲ့ ဂန္တ၀င်မြောက် ယူဂျင်းအော်ညီဂင်ကို စရေးပါတယ်။ နောက် ၈နှစ်အကြာမှာ အဲဒီကျွန်းကို သူထပ်ရောက်ပြန်တယ်။ ၁၈၃၀ စက်တင်ဘာမှာ နောက်ဆုံးအခန်းကို အပြီးသတ်နိုင်ခဲ့တယ်။ တာတီးယားနားဆီပေးတဲ့ အော်ညီဂင်ရဲ့ စာကိုတော့ နောင်တစ်နှစ်အကြာမှာ ရေးခဲ့ပါတယ်။ နောက်ဆက်တွဲ အခန်း၁၀ရဲ့ အပိုင်းအစတွေကို သူကွယ်လွန်းပြီးမှ တွေ့ကြရတယ်။ အဲဒီ နောက်ဆက်တွဲအခန်း၁၀ ကို ဘယ်လိုဘယ်ပုံ ဇာတ်သိမ်းမယ်ဆိုတာကိုတော့ မမှန်းဆနိုင်ကြဘူးပေါ့။ နောက်ခံသမိုင်းက ဖွဲ့စည်းပုံအခြေခံ ဥပဒေအတွက် နီကိုလပ်ဘုရင်ကို ဖြုတ်ချပြီး ကွန်စတင်တိုင်ကို နန်းတင်ဖို့ ကြိုးစားနေတဲ့ ဒီဇင်ဘာပုန်ကန်မှုကြီး ဖြစ်ပွားနေချိန်။ အဲဒီပုန်ကန်မှုကြီးကို ပါဝင်ခေါင်းဆောင်ကြတာက တိုးတက်သော တော်လှန်ရေးအဖွဲ့ဝင် စစ်အရာရှိကြီးတွေဖြစ်နေတာမို့…။

အော်ညီဂင်ကို အဲဒီပုန်ကန်မှုကြီးမှာ ပါဝင်စေပြီး နိဂုံးချုပ်လေမလား။ ဒါမှမဟုတ် တာတီးယားနားရဲ့ ခင်ပွန်းသည် ဗိုလ်ချုပ်ကြီးကို ပြစ်ဒဏ်ကျခံစေပြီး အော်ညီဂင်အတွက် လမ်းဖွင့်ပေးလေမလားဆိုတာကတော့ ပု(ရှ)ကင်ပရိသတ်များအတွက် ပု(ရှ)ကင်ထားခဲ့တဲ့ အဆုံးမသတ်သော တွေးတောစရာများလို့ ဆိုရမှာပါ။

ယူဂျင်းအော်ညီဂင်ကို ရုရှဂီတပညာရှင်ကြီး ချိုင်ကော့စကီးက အော်ပရာ တင်ဆက်ကပြတဲ့အခါမှာလည်း အထူး အောင်မြင်ကျော်ကြားလှပါတယ်။ပု(ရှ)ကင်ရဲ့ ကာရန်တွေက သူ့အလိုလို တေးဆိုနေကြတာပဲလို့ ချိုင်ကော့စကီးက ပြောပါတယ်။










အထင်ကရ ကဗျာဆရာကြီးဟာ အသက် ၃၇နှစ်၊ ငယ်ငယ်ရွယ်ရွယ်မှာ သေရှာတယ်။ သူ့ဝတ္ထုတွေမှာ ရေးတတ်လေ့ရှိသလို ဒွေး(The Duel)ခေါ် တစ်ဦးချင်စိန်ခေါ်ပွဲမှာ သေနတ်ကျည်ဆံ ထိမှန်ပြီး သေဆုံးရှာတယ်။ ပု(ရှ)ကင်ရဲ့နေအိမ်ဟာ အင်မတန် ခမ်းနားလှတယ်။ သူရဲ့နေအိမ်ကို ပြတိုက်ဖွင့်လှစ်ပီး နိုင်ငံအနေနဲ့ မြတ်မြတ်နိုးနိုး ထိန်းသိမ်းစောင့်ရှောက်ထားတာကို တွေ့နိုင်ပါတယ်။ ပူဇော်ထိုက်သူကို ပူဇော်ခြင်းဟာ မင်္ဂလာတစ်ပါးလို့ ဗုဒ္ဓတရားတော်မှာ ပါပါတယ်။ ထို့နည်းတူ ဂုဏ်ပြုထိုက်သူကို ဂုဏ်ပြုခြင်း၊ နေရာပေးထိုက်သူကို နေရာပေးခြင်းဟာလည်း မင်္ဂလာမည်မယ်လို့ ထင်ပါတယ်။




ပြတိုက်ပြုလုပ်ထားရာ နေအိမ်
စာကိုး။ ။ ကမ္ဘာကျော်စာအုပ်တစ်ရာ၊ နွယ်သစ်၊ ၁၉၇၅။
ကမ္ဘာ့စာပေအကြောင်း တစေ့တစောင်း၊ နတ်နွယ်။
En.wikipedia.org/wiki/Eugene-Onegin#Arndt-and-Nabokov

ညိမ်းညို