29 December 2009

ထန်းပင်ကြီးတွေကိုလည်း ရင်ဖွင့်လို့ရတယ်ဆိုတဲ့အကြောင်း

ရေတစ်အိုး မိုးတစ်ပေါက်တဲ့
မိုးပေါက်ကလေးတစ်ပေါက်တစ်လေဟာလည်း သိပ်သဘာဝကျလှတာမို့
လွမ်းလောက်စရာကောင်းပါတယ်
နွေခေါင်ခေါင် ရေနစ်နေပုံများ
သောင်ပြင်ပေါ် နှာခေါင်းထိုးတင်မိပါတယ်ဆိုမှ ကာဗွန်ဒိုင်အောက်ဆိုဒ်တွေက ထူထူထပ်လွန်း
ဝှက်စရာမလိုတဲ့ လက်သည်းတွေဆိုပါမှ ၀ှက်စာတွေက များများနိုင်လွန်း
ရင်းထောင်ထောင် ပြောင်၊ ရင်းထောင်လှဲ မွဲလို့ဆိုကြတာပဲ
ကိုနမ်းရေ
ထောင်တုန်းကလည်း မပြောင်ခဲ့ရပါဘဲ လှဲတော့မှ မွဲချက်ကရက်စက်တယ်ကွာ
အသဲနှလုံးဓာတ်ပြားကို စူးကလေးခြစ်မိရုံရှိသေး
အလွမ်းအဆွေးဇာတ်ဝင်ခန်းတွေ လှိမ့်ဝင်လာတော့တာပဲ
ရွာသူမကြိုက်အောင် ဘာများလုပ်မိလို့
အသဲငယ်ပါတယ်ဆိုတဲ့အသဲကိုမှ ခေါစာပစ်ရပါလိမ့်ကွာ။

ပြီးခဲ့တဲ့တစ်နွေလုံးလုံး ထညက်(ထန်းလျက်)ချက်နေတာ မင်းသိမှာပေါ့
အခု
အဲဒီထညက်(ထန်းလျက်)တွေအားလုံး ငါ အရက်ချက်ပစ်လိုက်ပြီကွာ
မင်းလည်း မူးချင်ရင်လာခဲ့ပေါ့
သစ္စာရှိတဲ့ထန်းပင်ကြီးတွေက မင်းကိုမျှော်နေမှာ။

ညိမ်းညို

26 December 2009

ခရစ်စမတ်ဟာ န-နာရီ ခရစ်စမတ်ဟာ စမျဉ်း ငါစင်းစင်းကြီးသေရတော့မယ်

န-နာရီမှာ စမျဉ်းကို ဖြတ်နိုင်အောင် ဖြတ်ရလိမ့်မယ်
မဟုတ်ရင် ဗုံးမိုးတွေတ၀ုန်းဝုန်းရွာကျ ငါတို့သေကြလိမ့်မယ်
အဲသလို စစ်နည်းဗျူဟာကဆိုတယ် (ငါလည်း သင်အံလေ့ကျက်ခဲ့တာပါပဲ)

အရွယ်လေးရောက်လာတယ် အမြီးလေးပေါက်လာတယ်
ပျောက်ဆုံးတဲ့နံရိုးလေးတစ်ချောင်းကို ရှာတတ်လာတယ်
ခရစ်စမတ်ဟာ န-နာရီ ခရစ်စမတ်ဟာစမျဉ်း(ရှင်းရှင်းကြီး သိနေပြီ)
ဒါလည်း န-နာရီမှာ စမျဉ်းကိုမဖြတ်ကျော်နိုင်ခဲ့ဘူး
ဟေးးအရူး လက်တွေ့ဘ၀ထဲထိဆွဲခေါ်မလာနိုင်တဲ့ ချစ်ခြင်းဆိုတာ စိတ်ကူးသက်သက်တွေပဲ
အပျက်အပျက်နဲ့ နှာခေါင်းသွေးထွက်တဲ့ထိထိုင်ကြည့်နေရတယ်ဆိုတာ (သောက်)ပုံမလာခြင်းသက်သက်ပဲ
ဟေး အရူး
အကြင်နာလို့ ထင်ရတဲ့ဗုံးမိုးတွေအောက်
မင်း စင်းစင်းကြီးသေလိုက်တော့
န-နာရီမှာ စမျဉ်းပေါ်တည့်တည့်ရပ်နေတဲ့ကောင်ပေဘဲ
သေတာဘာဆန်းသေးတုန်း။

ညိမ်းညို

- ခရစ်စမတ်အပြီးမှာ လူတစ်ယောက်ကို ဆက်သွယ်ခွင့်ရဖို့ လွယ်ကူမှာမဟုတ်တော့ဘူး(ရစေဦးတော့၊ အနေအထားတစ်ခုပြောင်းလဲသွားတော့မယ်) လို့ ဘ၀မှာ တခါလောက်ဖြစ်ဖြစ် တွေးကြည့်ခဲ့ဖို့ကောင်းတယ်။ အနည်းဆုံး အသက်ရှူရတာ ပေါ့ပါးမယ်လို့ အောက်မေ့မိတယ်။ တစ်ဖက်ကပြန်တွေးမိတော့ ဘာထူးမှာလဲလို့ စိတ်ဖြေသာရတယ်။ သေမှာကို ကြိုသိပြီးသားတောင်မှပဲ လူတွေဟာ သေမှုသေခင်းနဲ့ ကြုံရတဲ့အခါ အနည်းနဲ့အများ တုန်လှုပ်တတ်ကြသေးတာပဲ။ ချစ်သူနဲ့ ကွေကွင်းရမယ်လို့ ကြိုသိခဲ့တယ်ထားဦး၊ ငါရော မတုန်လှုပ်ဘဲ နေမှာတဲ့လား။ ဘာရယ် မဟုတ်ဘူး။ ကဗျာကို နင်းတုံးလုပ်ပြီး အပူတွင်းကြီးထဲကနေ ငါခုန်ထွက်ကြည့်နေတာ။ ကဗျာတွေအပေါ် ငါ ဒီလို သစ္စာမဲ့ခဲ့ပေါ့။

23 December 2009

ကျနော်ဟာ ရူးသွပ်စွာ(သို့) မိုက်မဲစွာ အစွဲအလမ်းငရဲမှာ နေထိုင်သူ

သရက်ကင်းကြွေ ကောက်ချင်တယ်လို့ ပြောတော့ တစ်လောကလုံးက ရီတယ်။ မိုးမှောင်ကြီးကျသွားအောင် ရီကြတယ်။ ကျနော်ရှက်လိုက်တာဗျာတဲ့။ အနင်းခံလိုက်ရလို့ အိခနဲအသံထွက်သွားတဲ့ သစ်ရွက်ခြောက်လေးက ဆိုတယ်။ နေရောင်နဲ့ ကော့လန်နေအောင် ခြောက်သွေ့ခဲ့ရပြီးမှ မိုးလေးခပ်စွေစွေထပ်ထိတယ်။ ခမျာ ပျော့ဖလတ်ဖြစ်နေရှာတော့ အနင်းခံရတာတောင် ဂျိုးဂျိုးဂျွတ်ဂျွတ် အသံမထွက်တော့ဘူး။ အိခနဲ။ သူ့အပေါ် ဖိသတ်နင်းချေချလိုက်တာတောင်မှပဲ အိခနဲ။ သစ်ရွက်ခြောက်လေးဟာ တွန့်မွပြားကပ်သွားတယ်။ ကွယ်... ကျိုးကြေလိုက်ပါတော့လား။ ကျွတ်ဆတ်တောင့်တင်းနေတဲ့ စိတ်အခံမျိုးနဲ့ ကျိုးကြေသွားလိုက်ပါတော့လား။

မြေပြင်ပေါ်မယ် ဒီလို ညှိုးနွမ်းတွယ်ကပ်နေရတဲ့ဘ၀မျိုးကို ငါပျော်တယ်ထင်လို့လားကွယ်။
ဂစ်တာတီးစသင်တဲ့လူတစ်ယောက်ရဲ့ခတ်ချက်လို ငါ့အသံတွေကြောင်ထွက်နေပါပေါ့လား။


သွပ်ပြားလေးတွေပေါ် မိုးတဖြောက်ဖြာက်ကျနေမယ်
မြို့ငယ်လေးတစ်မြို့ရဲ့ သိပ်မဝေးလံလှတဲ့ အစွန်ကလေးမှာ
ရေနံချေးဝနေတဲ့ ပျဉ်ထောင်အိမ်ကလေးထဲမှာ...
သူ့ဆံနွယ်လေးတွေရဲ့ ပျော့ပျောင်းတဲ့ပန်းချီကား
သူ့ဝင်သက်ထွက်သက်လေတိုးသံကလေးရဲ့ ဂီတ
ချစ်တယ်လို့ပြောဖို့မလိုပါဘဲ အိမ်ကလေးထဲမှာ အချစ်နတ်သားလေးဟာ ဟိုသည်ပြေးလွှား...

ကျနော်ဆိုနေတဲ့ သီချင်းတစ်ပိုဒ်၊ သူ ညည်းနေတဲ့ တေးတစ်စ
ပေါင်းလိုက်တော့ သံစုံတီးဝိုင်းကြီး ဖြစ်သွားတယ်။

ကျနော့်မှာရှိတဲ့ အခက်အခဲများ၊ သူ့မှာရှိတဲ့ အခက်အခဲများ
ပေါင်းလိုက်တော့ သစ္စာပန်းတွေ ဖြစ်သွားတယ်။

ကျနော့်မှာရှိတဲ့ အားနည်းချက်တချို့၊ သူ့မှာရှိတဲ့ အားနည်းချက်တစ်ချို့
ပေါင်းလိုက်တော့ ဖေးမစာနာမှု ဖြစ်သွားတယ်။

ကျနော့်မှာရှိတဲ့ အိပ်မက်တစ်ခု၊ သူ့မှာရှိတဲ့ အိပ်မက်တစ်ခု
ပေါင်းလိုက်တော့ နားလည်မှု ဖြစ်သွားတယ်။

ကျနော့်မှာရှိတဲ့ မိသားတစ်စု၊ သူ့မှာရှိတဲ့ မိသားတစ်စု
ပေါင်းလိုက်တော့ မေတ္တာဂေဟာကြီး ဖြစ်သွားတယ်။

ကျနော့်မှာရှိတဲ့ ညည်ဆိုးတချို့၊ သူ့မှာရှိတဲ့ သည်းခံစိတ်နားဆွဲလေး
ပေါင်းလိုက်တော့ ငဲ့ညှာမှုပန်းတစ်ခင်း ဖြစ်သွားတယ်။

ကျနော့်မှာရှိတဲ့ အကြည်ဓာတ်နည်းနည်း၊ သူ့မှာရှိတဲ့ ဖြူစင်မှုအများအပြား
ပေါင်းလိုက်တော့ စကြာဝဠာကြီးကို ချစ်တတ်လာတယ်။

ကျနော်က ကူးခပ်နေတဲ့ ချောင်းကလေး၊ သူက စီးဆင်းနေတဲ့ မြစ်တစ်သွယ်
ပေါင်းလိုက်တော့ တံတားကြီးတစ်စင်း ဖြစ်သွားတယ်။

ကျနော်က တောက်လောင်တဲ့ နွေဆိုး၊ သူက စိမ်းမြတဲ့ ပင်ပျို
ပေါင်းလိုက်တော့ ဘ၀တစ်ခု ဖြစ်သွားတယ်
အဲဒီဘ၀လေးထဲမှာ ကျနော်တို့ ပျော်ပါတယ်။

အဲဒီကဗျာလေးကို ကျနော်က ရွတ်မှာပေါ့။ သူ့ရဲ့နားစည်နုနုလေးဆီ ကဗျာရွတ်သံတိုးဖွဖွနဲ့ ထိခတ်မယ်လေ။ ငွေသံကြေးသံမပါတဲ့ ရူးသွပ်မှုသက်သက်နဲ့ အဲဒီညနေခင်းလေးဟာ အဖြူရောင်ပါးပါးလေးခြယ်ထားတာပေါ့။ ဟင့်အင်း။ အဖြူရောင်ကို အလင်းမြမြလေးပက်ထားတော့ အဖြူရောင်ပါးပါးလေးလိုဖြစ်နေတာပေါ့။ တကယ်တော့ အယုတ်အလျော့ အတိုးအဆုတ်ကင်းလှတဲ့ အဖြူရောင်ညနေခင်းလှလှလေးတစ်ခုပေါ့။

မိုးဖွဲဖွဲလေးစွေပြီးတဲ့အခါ သူနဲ့ကျနော် ခြံထဲကသရက်ပင်ကြီးအောက် သရက်ကင်းကြွေ ထွက်ကောက်ကြမယ်လေ။ အမြဲတစေရှူးဖိနပ်စီးရလေ့ရှိတဲ့ အရပ်ဒေသကလာသူမို့ သူ့ခြေထောက်လေးတွေက ဖြူဖြူနုနုလေး ရှိနေပါလိမ့်မယ်။ ကျနော်ကြိုဝယ်ထားပြီးဖြစ်တဲ့ ယင်းမာဖိနပ်ပါးလေးပေါ်က သူ့ခြေခုံဖောင်းဖောင်းမို့မို့လေးကို ကျနော် ငေးနေမိပါလိမ့်တယ်။ သူ့ရယ်သံကလေးမှာ သံသရာတဆုံးတဖျားထိ ကျနော်ဟာ မျောပါသွားပါလိမ့်မယ်။

သရက်ကင်းလေးတွေကြွေတာ ဘယ်လောက်တောင် ကြာပြီလဲကွယ်။ ကိုယ်ကြွေကျနေခဲ့တာဖြင့် ကြာပါပြီ။

ကံကြမ္မာရယ်...
အခါခါမတိုင်တည်ခဲ့ပါဘူး
ဒီအခွင့်လေးမှမရခဲ့တာကိုဖြင့် ငါသေရာပါရပါတော့မယ်လို့ ခြံလေးထဲမှာ တိုးတိတ်စွာ ကြေကွဲရတော့မယ်။

သစ်ရွက်ကလေး အပင်ကြီးကနေ
ကြွေကျတာကအစ ကျွန်တော်တို့ ရင်ထဲမှာနာပါတယ်
ဒါကြောင့် ...ရင်ထဲကမပါဘူးဆိုရင်
ကင်းကင်းရှင်းရှင်းနေတာ အကောင်းဆုံးပါပဲ။(သက်ထွန်းညိမ်း)

အဲလိုကဗျာတွေ နောက်မရေးပါနဲ့တော့လား ဘိုစိုင်းရေ။ သနားသဖြင့်...သနားသဖြင့်...၊ မင်းသူငယ်ချင်း မောင်ညိမ်းကို သနားသဖြင့်လို့သာ မှတ်လိုက်ပါတော့ကွယ်။

ညိမ်းညို

ps- သစ်ရွက်ခြောက်၊ ကိုယ်၊ ကျနော် ဇာတ်ကောင်အလွဲအမှားများ၊ ကံ ကတ္တားအထားအသို လွဲမှားပွစာကျဲမှုများကို တမင်မျက်စိနောက်အောင် လုပ်ကြံထားခြင်း မဟုတ်ရပါကြောင်းနှင့် သူ့အလိုလို လွဲမှားခဲ့ခြင်းဖြစ်ပါကြောင်း။ နောက်တစ်ကြောင်းကား တင်ခဲ့ပြီးသောအပုဒ်တိုင်းတွင် 'ရယ်' ကို 'ရီ' ဟု တောက်လျှောက်စာလုံးပေါင်းလာခဲ့သော ကျနော့်ကို ဘေးမဲ့ပေးကြပါကုန်ဟုသာ..။

22 December 2009

တံတား

တံတား

အစွန်းနှစ်ဖက်ကို ပေါင်းကူးဖို့
ခြေလက်မြဲခဲ့တယ်၊

ခရီးများစွာ ရောက်စေဖို့
ခြေထောက်တွေကို ထမ်းခဲ့တယ်၊

ပျော်ရွှင်မှုကို အရောင်မခြယ်ဘဲတွေ့လိုသူမို့
ကျောကုန်းကြီး အသားမာတက်ခဲ့တယ်၊

ကြင်နာမှုလေး တစ်စတစ်လေလွင့်လာတဲ့အခါ
တစ်ယောက်တည်းလည်း ပျော်ပါတယ်။

ညိမ်းညို


19 December 2009

အိမ်ပြေးတစ်ယောက်ရဲ့ ဒိုင်ယာရီ

တစ်ခါ တင်ဖူးပါတယ်။ အခု တစ်ကြိမ်ပြန်တင်ပါတယ်။

"အိမ်ပြေးတစ်ယောက်ရဲ့ ဒိုင်ယာရီ"

စိတ်ကူးထဲက ကမ္ဘာလောကကြီး
အမေ့အိမ်ထက် ရာသီဥတုသာယာမယ်ထင်လို့
ကျွန်တော်ထွက်လာလိုက်တာ
ဆယ်မိုးဆယ်နွေ..
တစ်နေ့မှ နေမသာခဲ့ပါဘူးအမေရယ်

မြို့ကလေးက ကျဉ်းတယ်
အမေ့အိမ်က စုတ်တယ်
ညီမလေးက နုငယ်နွမ်းနယ်
ဟောဒီကောင် အမေ့သားကတော့
စာတွေပေတွေ အထပ်ထပ်ဖတ်ပြီး
ဘ၀အပေါ် အချိန်ရှိသရွေ့ ရူးနှမ်းနေမိတာပေါ့

ကျွန်တော်က
အမေ့ရင်ငွေ့မှာပဲ ရိုးရိုးအေးအေးကလေး
ခိုလှုံချင်တာအမေရဲ့
အမေမရှိတဲ့ အရပ်ဒေသတွေမှာ
ဘယ်တော့မှ လ ထွက်လေ့မရှိဘူးဆိုတာ
အခု..ကျွန်တော်သိတတ်ခဲ့ပါပြီ

အသိပညာ အတတ်ပညာ
ဘ၀အာမခံချက် အဆင့်အတန်း
စားဝတ်နေမှုဆိုတဲ့ အရေးကြီး ၃ ပါး
အဲဒီမောင်းနှင်အားတွေနဲ့အတူ
ပိုကောင်းလာအောင် ငါဖန်တီးနိုင်သေးတယ်ဆိုတဲ့
နှင်တံတစ်ချောင်းက
ကျွန်တော့်ကို
လောကစားကျက်ကြီးထဲ လွှတ်ကျောင်းထားတာ
ကြာလှပေါ့ အမေရယ်

အမေက
ကျွန်တော့်အတွက် သူငယ်ချင်းတစ်ယောက်ဆိုရင်လည်း
ဟုတ်ပါတယ်အမေ
အမေနဲ့ ငြင်းခုံခဲ့ရတဲ့ ညနေခင်းတွေမှာ
တေးသီချင်းတွေ အဆုပ်လိုက်ပွင့်ပါပကောလို့
အခု..ကျွန်တော်ခံစားတတ်ခဲ့ပါပြီ

အမေက တအားစိတ်ရှည်တယ်
ဘယ်လောက်ပဲ အကြာကြီး ငြင်းခုံနေရပါစေ
ကျွန်တော့်အပေါ်
တစ်ကြိမ်တစ်ခါမှ ဒေါသမထွက်ခဲ့ဘူးနော်
အကျိုးသင့်အကြောင်းသင့် အချက်အလက်နဲ့ပြန်ရှင်းပြလို့
အမေရှုံးသွားပြီဆိုရင်..
လမ်းထိပ်က သမိစ်ဆိုင်မှာ
ကျွန်တော့်ကို မုန့်ဟင်းခါးတွေ တ၀ကြီးဝယ်ကျွေးပြန်ရော
နိုင်တဲ့သူအပေါ် ရန်မမူရဘူး
ဂုဏ်ပြုရမယ်လို့များ အသံတိတ်သင်ကြားပေးခဲ့တာလားအမေရယ်
ဒီသင်ခန်းစာကိုတော့
ထွန်ရေးနက်တဲ့အထိ
ကျွန်တော်ကြေညက်ပြနိုင်ခဲ့ပါတယ် အမေ
ကျွန်တော့်ထက် ကြီးမှရယ်လို့မဟုတ်ပါဘူး
ကျွန်တော်ဖြတ်သန်းခဲ့ရာ ဘ၀လမ်းတစ်လျှောက်
ကျွန်တော့်ထက် ငယ်သူတစ်ချို့အပေါ်မှာတောင်
မုန့်ဟင်းခါးတွေ ၀ယ်ကျွေးခဲ့ဖူးပါတယ်
ကျွန်တော်ရှုံးခဲ့ရင်တော့ ..အမေက
ကျွန်တော့်နားရွက်လေးကို သာသာဖွဖွလိမ်ဆွဲလို့
"ကဲ..မောင်အောင် မင်းအမေ့ကို ဘယ်လောက်ကြာအောင်ပွေ့ချီထားနိုင်သလဲ"
လို့ ပြောတတ်တယ်နော်
အခု..ကျွန်တော်ရှုံးသွားတဲ့အခါတိုင်း
နားရွက်ကို တံတွေးအဆွတ်ခံနေရတယ် အမေ

ကျွန်တော်ကိုက သန္ဓေမကောင်းခဲ့တာလား အမေရယ်
ဆယ်တန်းတောင်မအောင်သေးတဲ့ ကောင်လေးတစ်ယောက်က
အိမ်ကနေ သုံးကြိမ်ထွက်ပြေး
သူ့အမေကို ပူဆွေးအောင်လုပ်ခဲ့ဖူးတယ်ဆိုရင်
ဒီကနေ့ ကျွန်တော့်အသက် နှစ်ဆယ့်သုံး
အမှားတွေကို ဘယ်လိုပဲ သင်ပုန်းချေခဲ့ချေခဲ့
ပတ်ဝန်းကျင်ရဲ့ သားလိမ္မာဆိုတဲ့ အသုံးအနှုန်းအောက်မှာ
ကျွန်တော့်အပြုံးတစ်ပွင့်ဟာ
နာကျင်သိမ်ငယ်မှုတွေနဲ့ အဆိပ်သင့်နေရတုန်းပါအမေ

တောင်တန်းတွေ သစ်ပင်တွေနဲ့
စိမ်းညှို့အုပ်မိုးနေတဲ့ မြို့ကလေးရဲ့ ခြံထောင့်တစ်နေရာ
အိမ်ပြေးတစ်ယောက်ရဲ့ အမေဟာ အဝေးကသားအတွက်
တိတ်တိတ်ကလေးမျက်ရည်ကျနေရတယ်ဆိုတာ
ညီမလေးရဲ့စာထဲမှာ ပါလာတယ်အမေရဲ့
ညီမလေးအနားရောက်လာမှန်းသိတော့
လက်ဖက်ပင်တွေက ပိုးကျနေပြန်ပြီကွယ် လို့ဆိုသတဲ့
အမေရယ် ..
အမေ့လက်ဖက်ပင်တွေက ပိုးကျမနေပါဘူးလေ
အမေ့ရင်ထဲမှာသာ
ဟောဒီသားအတွက် လောင်မီးကျနေရတယ်မဟုတ်လားအမေ

ကျွန်တော်က
တောင်တန်းကြီးတွေရဲ့ ဟိုး..တစ်ဖက်မှာ
ကမ္ဘာသစ်ရှိတယ်လို့ ထင်တယ်
အမေက ကမ္ဘာသစ်ထဲမှာ
သားအတွက်နာကျင်မှုအသစ်တွေရှိတယ်လို့ မြင်တယ်
ကျွန်တော်ကထင်လို့ မိုက်ခဲ့တယ်
အမေကမြင်လို့ ရှိုက်ရတယ်
အမေ့ရှိုက်သံတွေကို အားတင်းသံတွေနဲ့
ကျွန်တော်စွန့်ထွက်ခွဲခွာခဲ့တယ်
အခု..ကျွန်တော့်အားတင်းသံတွေကို
အမေ့ရှိုက်သံတွေက ၀ါးမြိုနေကြပြီအမေ

ကျွန်တော်ရွေ့လျားခဲ့ရာ လမ်းတစ်လျှောက်
အကျိုးအပေါက်တွေက အများကြီးပဲအမေရဲ့
ကိုယ့်အိမ်ကိုယ့်ယာမှာလိုတော့
စိတ်ရောကိုယ်ပါ မ၀ံ့ရဲတာအမှန်ပါအမေ
တံတားတစ်စင်းရဲ့ အခင်းအကျင်းမှာ
ပဉ္စလက်ပန်းကနုတ်တွေက များလွန်းလှတော့
ခြေလှမ်းတိုင်းကို သတိထားပြီးနင်းနေရတယ်အမေ

အမေနဲ့ဝေးနေရတဲ့နေ့တွေဟာ
ကျွန်တော့်အတွက် ဆောင်းညတွေလိုပါပဲ
အလင်းရောင်ကွယ်ပျောက်သွားပြီဆိုတာနဲ့
နွေးထွေးမှုတွေ ဆိတ်သုန်းရတယ်
ဒီလို နေ့ညအသင်္ချေတွေမှာ
ကိုယ့်စိတ်ကိုယ်ကို နယ်ဖတ်ပြုပြင်ရင်း
အမေ့ကိုလွမ်းတဲ့စိတ်နဲ့ မျက်ရည်ကျရပါတယ်အမေ
အသည်းမာတယ် စိတ်မာတယ်လို့
ကိုယ့်ကိုကိုယ် ထင်ထားတဲ့အိမ်ပြေးလေးတစ်ယောက်
မျက်ရည်ကျနေပြီလို့ အမေ့ကိုဝန်ခံလိုက်တာဟာ
အမေ့အိမ်ကိုပြန်လာတော့မဲ့ သင်္ကေတစ်ခုပေါ့အမေရယ်

မနက်ဖြန် သို့မဟုတ် ဘယ်သောအခါတော့
ကျွန်တော်အိမ်ကို ပြန်လာဖြစ်မှာပါအမေ
လက်ဖက်ပင်တွေ ပိုးထိုးနေတယ်ဆိုပြီး
အမေ တိတ်တိတ်လေးမငိုရတော့ပါဘူး
ငြင်းခုံရယ်မော တသောသောနဲ့
မြေနီလမ်းကလေးရဲ့ ဆေးရောင်စုံပန်းချီကားတစ်ချပ်မှာ
အမေနဲ့ကျွန်တော် ပျော်ပျော်ကြီးပါဝင်ခွင့်ရဦးမှာပါ
လောကဓံရဲ့ ထုထောင်းရိုက်ပုတ်မှုတွေနဲ့
သန်မာလာပြီဖြစ်တဲ့ ဟောဒီလက်နှစ်ဖက်ဟာ
အမေ့ကို ဘယ်လောက်ကြာကြာပွေ့ချီထားနိုင်တယ်ဆိုတာ
အံ့သြတကြီး သိစေချင်လှပါပြီအမေ။

ညိမ်းညို

17 December 2009

လက်ပစ်ဗုံး

လက်ပစ်ဗုံး

ခန္ဓာအိမ်သေးသေးထဲ
အဆမတန်ပေါက်ကွဲအားကို မြိုသိပ်သိုဝှက်ထားရ
အသက်ပြင်းပြင်းမရှူရဲ
မျက်တောင်မခတ်ရဲ
လွမ်းလို့မှ အမှတ်တရပုံရိပ်လေးတွေကို ပွတ်သပ်မကြည့်ရဲ
တစ်ပါးသူရဲ့ ငြိမ်းချမ်းနယ်မြေထဲ
ပေါက်ကွဲသွားမှာကို စိုးရွံ့အားနာ။

လက်ပစ်ဗုံးဖြစ်ပြီး မပေါက်ကွဲရဲတဲ့အခါ
ကိုယ့်စနစ်တံကိုယ်မြိုလို့
တငွေ့ငွေ့....တုန်...ခါ...။

ညိမ်းညို

အချစ်

အချစ်

တသသပြန်တွေးတိုင်း
တသသပြန်မွှေးတဲ့ ပန်းကလေး
သူက သိပ်အသက်ဝင်လွန်းသွားတဲ့အခါ
ဘယ်လိုမှ မတွေးသင့် မတွေးအပ်တော့ဘူးလို့
ကြိုးစားထိန်းချုပ်သည့်တိုင်
တသသ မွှေးမြဲမွှေးနေတတ်သော။

ညိမ်းညို

15 December 2009

ပထမကဗျာ

ကျွန်တော် တက်ဂ်ဂိမ်းတွေနဲ့ စိမ်းခဲ့ပါတယ်။ တက်ဂ်စာရေးဖို့လည်း တစ်ကြိမ်မက ပျက်ကွက်ခဲ့မိပါတယ်။ ဒီအတွက် ခင်မင်ရင်းနှီးစွာ တက်ဂ်ခဲ့ကြတဲ့ ညီအကိုမောင်နှမတွေကို အလေးအနက် တောင်းပန်ပါတယ်။ အကိုကြီးကိုတင်မင်းထက်ရဲ့ ပထမကဗျာ တက်ဂ်ဂိမ်းအတွက် ဒီကဗျာလေးကို ကျနော် တင်ပါတယ်။ ပထမဆုံးရေးဖြစ်တဲ့ ကဗျာလားဆိုရင်တော့ မဟုတ်ပါဘူး။ ကိုယ့်ကဗျာကို တခြားလူတွေဖတ်စေဖို့ ဘုတ်ပေါ်စတင်တာဆိုရင်တော့ ဒါ ပထမဆုံးကဗျာ ဟုတ်ပါတယ်။ ပထမနှစ် တပ်ရင်းနံရံကပ်စာစောင်မှာ တင်ခဲ့ဖူးပါတယ်။ ပထမဆုံးကဗျာကို မှတ်မှတ်ရရ ပြန်တင်ဖြစ်အောင် သတိတရတက်ဂ်ပေးတဲ့ ကိုတင်မင်းထက်ကို ကျေးဇူးတင်ပါတယ်။

+++

ချယ်ရီမြေက ကြိုနေမယ်

ပြင်ဦးလွင် တောင်ပေါ်မြို့ ကလေးဆီမှ
မြင်ဖူးချင် မျှော်ရည်တမ်းတယ်ကွဲ့
လှမ်းလို့ ဖြင့် လာခဲ့စေချင်။

တွယ်တာမိလေသမျှ
ကွယ်ရာကပဲ လွမ်းရတယ်
ခိုင့်မေတ္တာ နွှယ်ကာလွှမ်းဝေတဲ့
သံယောဇဉ် ၀င်္ကပါလမ်းမှာဖြင့်
သစ္စာတွေ အဆင်ဆန်းပုံက
လန်းဆန်း၍ ကြည်ကြည်ရွှင်
စွဲစိတ်ခုံမင်။

ပျိုမေခင် ခိုင်ဆိုတဲ့ကလေးမငဲ့
ကြိုနေလျှင် ငြိုးမယ်ဖွဲ့ လေမလား
မတားသာ မေတ္တာတရားရယ်က
ချစ်အားသွယ် သစ္စာမြဲတာကြောင့်
အပြစ်ထားမယ် ခင်ခင်ကြိမ်းသော်လည်း
စိမ်းတယ်လို့ စိတ်ကမထင်
မြင်ချင်ပါရဲ့ နေ့စဉ်အမြဲ
မငြိုငြင်ပါနဲ့ ခင့်စိတ်ထဲ..။

နွေးထွေးအပြစ်မမြင် ဟိုဆီ.. အတိတ်ရယ်က
ဪ.. ဆွေးနွေးချစ်ခင် (ကိုယ်စီ..) နှောင်ဖွဲ့ ဖူးတာကြောင့်
ရည်စူး၍ ချစ်ရပါကြောင်း
အသွင်ထူးဝေ
ပြင်ဦးလွင်မြေထုကို သက်သေပြုပါရဲ့
ယုံကြည်ပါကွဲ့ မောင့်ချစ်သဲ
ခိုဝင်သိုဝှက် ချစ်စိတ်ဇွှဲ
ကြိုနေပါမကွဲ့ ထာဝစဉ်အမြဲ...။

ညိမ်းညို

14 December 2009

ဟန်တွေက “ဟမ်”ဆိုပြီးရင်သပ်ရှုမောစရာကောင်းလောက်အောင် ဟန်ဆောင်ပြီးဟန်လုပ်နေကြ “ဟမ်”

ဒါ ငါ့ဆန်ကောပဲ ငါတကောကောရင်း အလှေးအမွှားများ ခါထုတ်
ကဗျာသားကဗျာဓာတ်တွေ ကျိုးပဲ့ကုန်ရော့မယ်
ငါ ငြိမ်ငြိမ်လေး ပြန်ကုပ်
ငါ့ခလေးဟာငါ့ခလေးပဲပေါ့ သူ့ခလေးကို လက်သွားဆွဲတော့ ပျော့ပြဲထွက်သွားမယ်
ဟန် ဟန် ဟန်ဓာတ်ခုတ်တော့ အံကပ်ပြုတ်တာပေါ့
“ဟမ်”

ရာသီစာတွေက ရာသီတစ်ရာသီစာမှာ ရောင်းအားကောင်း
ကျေနပ်မှုတွေ ဖောင်းဖောင်းပြည့်လျှံစေတော့
အပုပ်အသိုးအရိအရွဲတွေလည်း ဈေးမကွဲခင်ဈေးထဲချခင်း
အလေးပြည့်ခြင်းမပြည့်ခြင်း (ဆိုဖွယ်ရာရှိသည်များနောက်)
သမာဓိချိန်ခွင်ကြီးများ အိနြေ္ဒရရ လျှာထုတ်ပြသောမပြသော။

ကဗျာကဗျာ ကဗျာကယာရေးပြီး ကဗျာကသီလွှတ်တင်
ကောင်းကင် နည်းနည်းနိမ့်သည်လား
ကဗျာ နိမ့်နိမ့်နည်းသည်လား
ယုံ ရင် ကြည် လိုက်ပေါ့
မူးပြီးရေးထားတယ် မေးပြီးရူးသွားမယ်ကဗျာ
ပြုသမျှနုရမဲ့အထာ။

ညိမ်းညို

12 December 2009

ပျင်းလို့ဝှက်တဲ့ စကားထာ

သစ်ဖူးစာစာ
ဆိုဆိုတာ
တာရီဦးစ
ရာရာပါ

ဘာမှမရှိတဲ့ နံရံဖြူဖြူကိုကြည့်ပြီး ဘာမှန်းသတိတဲ့စာလုံးတွေကို တတွတ်တွတ်ရွတ်တယ်။ လေ၀င်လေထွက်နည်းတဲ့အခန်းမို့ ရှိရင်းစွဲလေထုက ဆောင်းရာသီဆိုတာကို ထပ်မံခြယ်သပြန်တယ်။ စိမ့်အေးမှုက နံရံတွေပေါ်ထိ တရွေ့ရွေ့ တွယ်တက်နေဟန်တူတယ်။ သူ ငေးစိုက်ကြည့်နေတဲ့ နံရံကလည်း သူ့ကို အေးစက်စက်ပြန်ကြည့်နေတယ်လို့ သူ့နားရွက်တွေက ပြောတယ်။ နားရွက်အောက်ပိုင်း အသားနုမှာ ပတ်ကြားအက်နေတာ စမ်းမိတယ်။ အခုဆို မြင့်နိုင်ကြီးလည်း ဘေးကင်းရာကို ရောက်နေမှာပဲ။ လွတ်ပါကျွတ်ပါစေကွာလို့ လူရှင်တစ်ယောက်ဖြစ်တဲ့ မြင့်နိုင်အတွက် သူဆုတောင်းပေးဖူးတာ ပြန်သတိရတယ်။ သိပ်ရီရတဲ့ကောင်ကြီး။ ဆယ်တန်းစာမေးပွဲတွေဖြေခါနီး အတူတူစုအိပ်ကြတုန်း မြင့်နိုင်က ၀မ်းသာအားရထပြောတယ်။ ငါတော့ “ဒီနှစ်သင်္ချာဂုဏ်ထူးထွက်မှာ သေချာတယ်၊ ဉာဏ်စမ်းတွေလည်း အကုန်တွက်ပြီးပြီ” တဲ့။ ဘယ်ဆရာရဲ့ ဉာဏ်စမ်းပုစ္ဆာတွေလည်းဆိုတော့ ငါ့ဘာသာလှည့်ထားတာလေကွာတဲ့။ မြင့်နိုင်ကြီး တော်တော်ရီရတယ်။ အခု သူက ပိုရီစရာကောင်းနေပြီ။ သူကိုယ်တိုင် လှည့်ထားတာတောင် အဖြေမှန်အောင် မတွက်နိုင်သေးဘူး။ မြင့်နိုင်ကြီးလို ဂုဏ်ထူးထွက်မှာကွလို့လည်း ပိုင်ပိုင်နိုင်နိုင်(ကိုယ့်ကိုယ်ကိုယ်လှည့်စားပြီးဖြစ်စေ၊ နှစ်သိမ့်ပြီးဖြစ်စေ) မကြွေးကြော်နိုင်သေးဘူး။ အမှောင်ထဲ ဘာအရောင်ရှိလဲလို့ ညီလေးတစ်ယောက်ကမေးတော့ အချစ်ကို တခါပဲတွေ့လိုက်တယ်၊ လွမ်းရတာမဆုံးတော့ဘူးလို့ သူက မဆီမဆိုင်ဖြေတယ်။ လေလွင့်နေတဲ့တိမ်တွေဆိုတာ ဒီလိုပါပဲ။ ဘယ်မှာရပ်မှာလဲလို့မေးရင် ငါမညောင်းသေးဘူးလို့ ဖြေလိမ့်မယ်။

နံရံကိုအပေါက်ဖောက်ပြီး စပါးတစ်ခင်း စိုက်ကြည့်တယ်။ တော်ပြီ။ အသားဖြူဖြူ မေးစိနှစ်ထပ်နဲ့ ၀၀ဖိုင့်ဖိုင့်ဆရာမကြီးကို ပြောလိုက်တော့မယ်။ ကျနော် ပေါင်မုန့်ညိုတွေမစားချင်တော့ဘူးလို့။ ဆန်ပြုတ်လေးပဲ ပြုတ်သောက်တော့မယ်၊ ကျနော့်စပါးခင်းလဲ ရွှေရောင်သန်းနေပါပြီလို့။ ဒီအခြေအနေမျိုးမှာ ဆုံးဖြတ်ချက်တစ်ခုရတာကလည်း သူ့စိတ်ကို နည်းနည်းတော့ ပေါ့ပါးစေတယ်။

လူတစ်ယောက်က သူ့ကိုရည်ရွယ်ပြီး ဂဏန်း ၁၁ လုံးနှိပ်လိုက်မှ စကားပြောခွင့်ရတဲ့ကိရိယာကို ဖုန်းလို့ခေါ်တယ်။ (ခေါ်နိုင်မယ် ထင်တာပဲ၊ သူ့ကိုရည်ရွယ်ပြီး ဘယ်သူတစ်ဦးတစ်ယောက်ကမှ ဂဏာန်း၁၁ လုံးကိုမနှိပ်ခဲ့တော့ ယတိပြတ်ပြောဖို့ မ၀ံ့ရဲစရာပေပဲ)။ သူက လူတစ်ယောက်ကိုရည်ရွယ်ပြီး ဂဏာန်း၁၁ လုံးနှိပ်ရင်တောင် စကားပြောခွင့်ရဖို့ခက်ခဲတဲ့ ကိရိယာတစ်မျိုးလည်း ဖြစ်တယ်။ ဘာဖန်ရှင်မှ မယ်မယ်ရရမပါတဲ့ ဒီဖုန်းက နှိုးစက်ပေးထားရင်တော့ သူ မထမချင်း အော်ဟစ်နေတတ်တယ်။ ဒီအခန်းဖြူဖြူ (နံရံဖြူဖြူ၊ စောင်ဖြူဖြူ၊ မျက်နှာကြက်ဖြူဖြူ) ထဲကိုရောက်ပြီး တစ်ပတ်လောက်နေတော့ သူသိလိုက်တယ်။ ဆက်သွယ်မှုဧရိယာပြင်ပ ရောက်ရှိနေတယ်ဆိုတာ ဆက်သွယ်ရန်မလိုအပ်တော့သော အခြေအနေတစ်ခုသို့ ရောက်ရှိနေခြင်းပဲဆိုတာ...။

ချန်ခဲ့သူရဲ့ခြေရာဟာ ကျန်ခဲ့သူအတွက်အလွမ်းတွေပဲ။

ဘေးကသူငယ်ချင်းနှစ်ယောက်လောက်ရီရင် ဘာမှန်းညာမှန်းမသိ ရောယောင်ရီတတ်တဲ့ ဆယ်ကျော်သက် လူပျိုပေါက်တစ်ယောက်လို သူ ခပ်ကြောင်ကြောင် တွေးတယ်။ နားကြပ်နဲ့ ကုတ်အဖြူဝတ်ထားတဲ့လူကြီးက သူ့ကိုပြုံးကြည့်ရင်း မကြာခင်ကောင်းသွားမှာပါ ပြောတယ်။ ဘယ်လောက်ကျလဲဆိုတဲ့ မေးခွန်းကိုမမေးဖြစ်အောင် လျှာနဲ့လိပ်သိမ်းလိုက်ရတယ်။ ဖြစ်နိုင်ရင် ဆရာမကြီးကိုရော ကုတ်အဖြူနဲ့လူကြီးကိုရော ရွှေရောင်တ၀င်းဝင်းနဲ့ သူ့စပါးခင်းကြီးထဲ လက်ဆွဲပြီးခေါ်သွားချင်တယ်။ ထမင်းအနပ်တိုင်းမှာ ရင်ငွေ့နဲ့အာငွေ့နဲ့၊ ပိတ်ရက်မရှိ ၂၄နာရီ မိဘမေတ္တာထမင်းဆိုင်က သူ့ကို စားလိုတဲ့ဟင်းလျာစာရင်းတွေ မေးလို့ပေါ့။

ဟိုင်း- နေကောင်းလား။ စိတ်ကူးယဉ်တာ လက်တွေ့လောက်မကောင်းပါဘူး။ ဘိုင် ဆိုတော့ အားဖြင့်ပေါ့။ be happy

တစ္ဆေအကိုက်ခံရတဲ့သူဟာ တစ္ဆေအကိုက်ခံရတာကို ကျေနပ်မနေဖို့တော့ လိုတာပေါ့။

ဝုန်းဆို စပါးခင်းကြီးပေါ် နံရံဖြူဖြူက ပြန်ပိကျသွားတယ်။
ဘာ ဆက် ဖြစ် မှာ လဲ... ဘာ ဆက် ဖြစ် မှာ လဲ။ ဘာမှမရှိတဲ့ နံရံဖြူဖြူကိုကြည့်ပြီး ဘာမှန်းမသိတဲ့စာလုံးတွေကို တတွတ်တွတ်ပြန်ရွတ်ပေါ့။ ဒါပဲရှိတာပေါ့။ ဒါပဲ ရှိတာပေါ့။ ပျင်းလို့ဝှက်တဲ့စကားထာဆိုမှတော့ ပျော်စရာမကောင်းဘူးပေါ့။

သစ်ဖူးစာစာ
ဆိုဆိုတာ
တာရီဦးစ
ရာရာပါ

သူ့စိတ်ကို အရင်းအတိုင်းလှန်ချလိုက်တော့ မိုက်မဲနုံချာကျဉ်းမြောင်း။ အာခေါင်ထဲ အရက်လောင်းချလိုက်တဲ့အခါ ကမ္ဘာကိုထမ်းပြီး ပြန်လာမယ်တဲ့။ ဟေးးသူကောင်းသားလေ။ အာခေါင်ထဲ ဘာအရည်မှလောင်းမထည့်ဘဲ ပြန်လာခဲ့။ ကမ္ဘာကိုလည်း ထမ်းလာဖို့မလိုဘူး။ မင်းကိုမင်းထမ်းလာရင် တော်ပြီ။

သူပြန်လာမယ်တဲ့။ ပျင်းလို့ဝှက်တဲ့ စကားထာလေးတစ်ပုဒ်နဲ့။
NO ပါ။ စကားထာအဖြေက အမှားကြီး။
တော်ပြီလေ။ အပျော်ပေါ့။

ကမ္ဘာကြီးပေါ်မယ် မြင်ပင်လေးတစ်ပင် လှုပ်ယိမ်းသွားတာကအစ အကြောင်းမဲ့တော့ မဟုတ်ခဲ့ဘူး။

ညိမ်းညို

5 December 2009

ရိုးရိုးလေး

ချစ်ခြင်းမေတ္တာနဲ့အတူ
အဲဒီနေ့လေးတစ်နေ့ဟာ
မင်းဆီကိုရောက်ရှိလာခဲ့ပေါ့ ..

စကားလေးတစ်ခွန်း အပြုံးလေးတစ်ပွင့်ဟာ
လူတွေရဲ့ စိတ်နှလုံးကို ကြည်နူးရွှင်လန်းစေနိုင်တယ်
စိတ်နေသဘောထားကို ကြီးမြင့်စေနိုင်တယ်
အခက်အခဲတွေကို ကူညီဖြေရှင်းပေးနိုင်ပြီး
ဝမ်းနည်းပူဆွေးမှုတွေကိုလည်း
နှစ်သိမ့်ကျေနပ်စေနိုင်တယ်လေ..

ကိုယ်..သိပ်ကံကောင်းတာပဲ
မင်းလို မိန်းကလေးတစ်ဦး
ကိုယ့်အနီးမှာ ရှိခဲ့ဖူးလို့ပေါ့ ..

မင်းကို ကံကောင်းခြင်းတွေ
ကောင်းမွန်မှုတွေအားလုံးနဲ့ ပြည့်စုံစေချင်လိုက်တာ
သူတစ်ပါးအပေါ်မှာထားတဲ့
မင်းရဲ့ အကြင်နာတွေ၊ မေတ္တာတရားတွေ
မင်းဆီကိုလည်း အမြဲပြန်လည်ရောက်ရှိပြီး
နွေးထွေးလုံခြုံစေချင်လိုက်တာ ..

နှလုံးသားထဲကလာတဲ့ ဖြူစင်တဲ့ဆန္ဒနဲ့
ကိုယ်ဆုတောင်းပေးလိုက်ပါတယ်
"ကြည်နူးချမ်းမြေ့ ပါစေ.."

ညိမ်းညို

-ပို့စကဒ်တစ်ခုက ရုရှကဗျာတစ်ပိုဒ်ကို မှီးပါတယ်။ ရေးသူအမည် မတွေ့ရပါ။