25 June 2008

အိမ်ထဲက ပြက္ခဒိန်

နားပေါက်ဟောင်းလောင်း
သနပ်ခါးမဲ့ ပါးပြင်ပေါ်
ဘာအထင်ကရမှ ထိုးစိုက်မထားဘူး
တစ်ခါကျပ်တည်းတယ်ဆိုရင်
တစ်ခါရောင်းထုတ်ပစ်လိုက်တာပဲ
"မရှိဝမ်းစာ၊ ရှိတန်ဆာ" တဲ့
ရှိရှိမရှိရှိ အခုတော့ဝမ်းစာပဲ
အဲဒီဝမ်းကလည်း ကြီးလိုက်ပုံများ
ဘယ်လောက်ဖြည့်ဖြည့်
ပြည့်တယ်ကို မရှိဘူး
အိမ်ထဲက ရွက်စုတ်ပြက္ခဒိန်လေး
တစ်နေ့တစ်ရွက် မှန်မှန်လွင့်တယ်
အစွမ်းထက်သူတို့ စည်းချထားလေတော့
မုသားက ဘုရားဟောလို လေးနက်နေရဲ့
နေ့စေ့လစေ့ ရင်ကွဲနာဟာ
ပေါက်ကွဲခွင့် မရရှာဘူး
အိမ်ထဲက ပြက္ခဒိန်လေးမှာသာ
တစ်နေ့တစ်ခြား လုံးပါးပါး ..။

ညိမ်းညို

15 comments:

khine said...

ပြက္ခဒိန်လေးကသနားစရာလေးနော်..နောက်နှစ်အတွက်
အသစ်ဝယ်ပေးမယ်..အိုကေတယ်မဟုတ်လားကဗျာဆရာ
စာကျက်..စာကျက်... :P

တင့်ထူးရွှေ said...

လုံးပါးပါးနေတဲ့ ပြက္ခဒိန်ရေ ဒီနေ့လဲ တစ်ရွက်သွားပြန်ပြီ ၊ ဆရာသမားရဲ့ ကဗျာတွေကို ဘယ်လိုမှ လိုက်လို့မမှီတော့ဘူးဗျို့ နာလိုတော့ဘူး :P

Heartmuseum said...

ဝမ်းစာအတွက် နားကပ်ချွတ်ရောင်းတာကို
ဖွဲ့ထားတာ အရမ်းမိုက်တယ်ဗျာ။
နားပေါက်ဟောင်းလောင်း
သနပ်ခါးမဲ့ ပါးပြင်ပေါ်
ဘာအထင်ကရမှ ထိုးစိုက်မထားဘူး
တစ်ခါကျပ်တည်းတယ်ဆိုရင်
တစ်ခါရောင်းထုတ်ပစ်လိုက်တာပဲ
"မရှိဝမ်းစာ၊ ရှိတန်ဆာ" တဲ့

white said...

နေ့ စေ့လစေ့ရင်ကွဲနာဟာပေါက်ကွဲခွင့်မရရှာဘူး..ဒါနဲ့့ဘဲ
တစ်နေ့ တစ်ခြားလုံးပါးပါးကုန်ကြပြီး....
အစပ်အဟပ်တဲ့လွန်းတဲ့ကဗျာတပုဒ်ပါဘဲ..အရမ်းကောင်း
တယ်..ကဗျာဆရာရေ..

ein said...

အိမ်ထဲက ပြက္ခဒိန်လေးလုံးပါးပါးနေရင် ဧည့်ခန်းမှာ နောက်ပြက္ခဒိန်တစ်ခု ထပ်ချိတ်လို့မရဘူးလား...:P

မောင်မျိုး said...

ဝမ်းတစ်ထွာမို့ ပဲ မဟုတ်ရင်တော့ ရုန်ကန်ရတာ သေဖို့ ပဲ ရှိတော့တယ် ပြက္ခဒိန်လေး သနားတယ် ။

Mhaw Sayar said...

သိပ်ကောင်းတဲ့ ကဗျာလေး တစ်ပုဒ်ပါပဲ ညီရေ. :)

မင်းကျန်စစ်။ said...

ဆြာညိမ်းနော် အရာအားလုံး ကဗျာဆန်နေတာပဲ။
ငါ့လက်စွပ်လေးကတော့ ရှိရင်တန်ဆာ မရှိတော့ ပေါင်စရာလေးပေါ့ :P

ကေ.တီ.အမ် said...

ကိုညိမ်းညိုရေ
တအားကောင်းတယ်ဗျာ
ဝမ်းစာကတော့
ချွတ်ရောင်းစရာမရှိလို့
ခပ်စုတ်စုတ် ခွက်တစ်ခွက်
မနည်းရှာထားရတယ်

ကေ.တီ.အမ်

SoeMoe said...

အစ်ကိုရေ..ကဗျာလေးကကောင်းလိုက်တာ..
စာမေးပွဲရောအိုကေရဲ့ လား.... :)

Layma said...

အင်း..
ဒီလို ...ပဲ
ကိုယ့်ဒုက္ခနဲ့  ကိုယ်ပဲနော် ...
လူတွေဟာ ဒုက္ခနဲ့  ပြေးတမ်း လိုက်တမ်း ကစားနေကြတယ်...။

မျှားပြာ said...

ဗိုလ်တင့်ပြောသလိုပဲ ... ဆရာ :)

ဇနိ said...

လုံးပါးပါးနေတဲ့ ပြက္ခဒိန်နဲ့ထပ်တူ လူလဲ လုံးပါးလိုက်ပါးနေတယ်။ ထုလိုက်ထောင်းလိုက်တဲ့ လောကဓံကလည်း နားတယ်ကို ရှိပါဘူး။
ကဗျာဆရာရေ စာမေးပွဲအဆင်ပြေတယ်ဆိုလို့ ၀မ်းသာဂုဏ်ယူပါတယ်။
မဇနိ

phyonge said...

မှန်တာမှ သိပ်မှန် ဆရာညိမ်းညိုရေ

အညာသား said...

အရမ်းကောင်း မောင်ညိမ်းညိုရေ..