တောအုပ်

“အများပြေးရင်လိုက်ပြေး
အများရပ်ရင်လိုက်ရပ်
အုတ်အရောရော ကျောက်အရောရော
အူသံတွေဆူညံနေမြဲ
မူဟန်တွေက ထူးမခြားနားပြာကလက်စိန်
အဲဒီခွေးအ,တွေနဲ့ အဆွေခင်ပွန်းမဖွဲ့လိုဘူး
ငါက နှစ်ရှည်လများ ဖန်တီးတည်ဆောက်ယူခဲ့ရတာ” တဲ့
တောအုပ်က ပြောတယ်။

“ဟေးးးး ခြင်္သေ့တွေလား
လာဟေ့ မင်းတို့ကို စောင့်နေတာ
တစ်ဦး တစ်ကောင် တစ်ယောက်ကအစ
နောက်လိုက်ပေါင်းများစွာပါသည်အထိ
ကိုယ့်ရပ်တည်ချက်နဲ့ကိုယ် ခိုင်မာပြင်းပြ
အများသဘောနဲ့လည်း လိုက်လျောညီထွေ
သွေဖီယိမ်းယိုင်ခြင်းလည်းကင်း
တင်းပြတ်ညွှတ်နူး ပေါင်းစည်းလှပ
ငါ့ရဲ့ အနားသတ်စည်းကိုဖြင့်
မင်းတို့ရဲ့အားနဲ့သာ
တသသမွှေးမြစေရော့ကွယ်” တဲ့
ဂုဏ်သိက္ခာရှိသောတောအုပ်က ပြောတယ်
မှန်တယ်
ခြေထောက်တွေမကျန်တော့လောက်အောင်ကို
ခြေစစ်ပွဲတွေ လိမ်ပိန်နေအောင်ကန်လာခဲ့ရတဲ့တောအုပ်က ပြောခြင်းဖြစ်တယ်။

ညိမ်းညို
၂၀၊ ၅၊ ၂၀၀၈