တစ္ဆေ

ဆံချည်မျှင်လေးနဲ့ ထိခတ်မိရုံနဲ့တင်
အလန့်တကြား ပေါက်ကွဲသွားနိုင်ပါတယ်
ဘ၀အရေခွံက ပါးလျနုနယ်လွန်းရဲ့လေ
ကံကြမ္မာက ကမ်းပေးလိုက်တိုင်း
ဓားရိုးက သားဘက်မှာရှိမနေခဲ့ပါဘူး
ရှိနေခဲ့မယ်ဆိုရင်လဲ
အဲဒီဓားရိုးကို မဖမ်းဆုပ်ချင်ပါဘူး
အခြားတစ်ဖက်ကိုလဲ မထိုးခုတ်ချင်ပါဘူး
သားကိုသာ ထိုးခုတ်သွားပါစေတော့
မကျွတ်မလွတ်ရင်လဲ နေပါစေတော့
ဒီဘ၀ဒီမျှသာ ရှိပါစေတော့
ယူနီဖောင်းဝတ်ပြီး ကဗျာမရေးခဲ့ပါဘူး အမေရယ်
ရိုးသားခြင်းဝတ်ရုံကိုခြုံပြီး ကဗျာရေးနိုင်ဖို့ ကြိုးစားခဲ့ပါတယ်
သားကဗျာတွေထဲမှာ မောက်မာခက်ထန်ခဲ့တယ်ဆိုရင်
အနုပညာအလွဲသုံးစားမှုနဲ့ သားကိုဒဏ်ခတ်လိုက်ပါတော့
သားကဗျာတွေကို စုတ်ဖြဲပစ်လိုက်ပါတော့
ကဗျာလေးတွေစုတ်ပြဲသွားပြီဆိုရင်ပဲ
အရှင်လတ်လတ်သေသွားမဲ့ကောင်ရယ်ပါ
ဒီအိမ်အိုကြီးကိုမှ
သားက စွဲစွဲလမ်းလမ်းချစ်နေရတာပါ အမေရယ်..။

ညိမ်းညို