15 October 2007

ဆွေးနွေးပွဲ

ဖြစ်ပြီးပျက်တတ်တဲ့ တရားသဘောအကြောင်း
ဆွေးနွေးပြီးတဲ့အခါ ရေမိုးချိုး အ၀တ်အစားလဲပြီး
ဟောလိဝုဒ်ရုပ်ရှင်ကားသစ်ကို သွားကြည့်ကြမယ်
ဒီကားမှာ ခန္ဓာကိုယ်အချိုးအစားလှပတဲ့
ဂျနီဖာလိုပက်ပါတယ်။

ဖြစ်ပြီးပျက်တတ်တဲ့ တရားသဘောအကြောင်း
ဆွေးနွေးပြီးတဲ့အခါ ကိုယ့်ကိုယ်ကိုယ်ပြန်မေးတယ်
မြို့ ကြီးတစ်မြို့ ထဲက လူတစ်ယောက်ရဲ့
အသက်မွေးမှုနဲ့ ဘ၀အဓိပ္ပါယ်ရှာမှုဟာ
လူတွေအများကြီး လမ်းတွေအများကြီးထဲမှာ
မှုန်ဝါး သေးငယ်၊ ပျောက်ကွယ်သွားတော့မှာလား။

လူတွေဟာ ခေတ်အဆက်ဆက်
ဒီလိုပဲ ပြောဆိုလှုပ်ရှား ပြုမူနေထိုင်ခဲ့ကြပါတယ်
လူတွေဟာ ခေတ်အဆက်ဆက် ဒီလိုပဲ သမ်းဝေ
ဒီလိုပဲ ပျော်ရာပျော်ကြောင်း ရှာကြံနေထိုင်ခဲ့ကြပါတယ်
မြေကြီးပေါ်မှာ "အသက်" ဖြစ်ပေါ်လာရခြင်းအကြောင်း
ဖြစ်ပြီး ပျက်တတ်တဲ့ တရားသဘောကို
ဆွေးနွေးနေကြတာလား
ဒါဆိုလည်း ပျက်ပြီးဖြစ်တတ်တဲ့
တရားသဘောကို ပြန်လှန်ဆွေးနွေးရမှာပေါ့။

ထွန်းဝေမြင့်

0 comments: