နှစ်ဆယ့်လေးပွင့်မြောက် ပန်းကလေးအား ကြည်သာစွာ နမ်းရှိုက်ခြင်း

"နှစ်ဆယ့်လေးပွင့်မြောက် ပန်းကလေးအား
ကြည်သာစွာ နမ်းရှိုက်ခြင်း"

သံသယပေါင်းပင်များ
မေတ္တာမြေဆီမှာ ညွှတ်တွား၊

ဝေးကွာမှုပိုးမွှားများ
သစ္စာထယ်သွားမှာ နာဖျား၊

ဆိုးသွမ်းရာသီများ
ယုံကြည်ချက်နေရောင်မှာ လွင့်ပါး၊

ကိုယ်တို့ နှလုံးသားယာမြေမှာ
လတစ်လစီအလိုက်
အလှဆုံးပန်းကလေးတွေ
ပွင့်တယ်ဆိုပါစို့
နှစ်ဆယ့်လေးလဆိုတော့
နှစ်ဆယ့်လေးပွင့်ပေါ့နော်
ထွားထွားဖွံ့ဖွံ့ ငွားငွားစွင့်စွင့်နဲ့
နှစ်ဆယ့်လေးပွင့်မြောက် ပန်းကလေးလေ
ကိုယ်တို့ရင်တံခါးမှာ
ခိုနား ဖူးပွင့်နေပြီကွယ့်၊

တောင်အသွယ်သွယ် တောအထပ်ထပ်
ပန်းကလေး ဖြတ်သန်းလာခဲ့
ပင်လယ်အလီလီ သမုဒ္ဒရာအဆင့်ဆင့်
ပန်းကလေး ရွက်လွှင့်လာခဲ့
တစ်ယောက်ဘ၀မှာ တစ်ယောက်ခိုဝင်
တစ်ယောက်ငဲ့ညှာမှုကို တစ်ယောက်ကစာနာ
မေတ္တာ၊ သစ္စာ၊ ယုံကြည်မှု
သုံးကြိုးလွန်းတင် ရှင်သန်ဖူးပွင့်
ရိုးဂုဏ်တင့်တဲ့
ဖြူဖြူစင်စင် ပန်းကလေး
သက်တော်ရာကျော် ရှည်ပါစေကွယ်၊

ကန္တာရနေ့များ
ကန္တာရညများ
မြတ်မြတ်နိုးနိုး ရွေ့လျား
နှစ်ဆယ့်လေးပွင့်မြောက် ပန်းကလေးအား
ကြည်သာစွာ နမ်ရှိုက်လိုက်တယ်ကွယ့်၊

ကာလနှစ်များစွာကို ကျော်ဖြတ်
နှလုံးသားတစ်စုံရဲ့ မှတ်တမ်းတစ်ခု
ရိုးရိုးကလေးနဲ့ ခမ်းနားစေရမယ်ကွယ့်၊

အို… ပန်းကလေးရေ
ဝင်းဝင်းပပနွေးပါပေရဲ့
လင်းလင်းမြမြဖွေးပါပေရဲ့
အေးအတူပူအမျှ ဖေးကူထူမလို့
ကိုယ်တို့ ထာဝရမွှေးမြကြပါစို့ကွယ်။

ညိမ်းညို