13 August 2007

အနေဝေးလို့ ဆွေးရတယ်

မကြင်ပြီကွယ် ဆွေးစေတော့ရယ်လို့
တမင်ရည်ရွယ် ဝေးနေရော့သလား..ခိုင် ။

ပြုံးမျက်နှာ မှိုင်တွေငေးပါလို့
မုန်းလျက်မညှာ ခုမှတမင်စိမ်းတာမို့
ရုန်းမထွက်သာ ကိုယ့်ရင်ထဲမှာတော့
ကြေကွဲနေရပြီ..ခိုင် ။

အမျက်တော် ခိုဝင်မြှိုက်ရင်လည်း
တစ်သက်နော် ငြိုငြင်လိုက်ပါတော့
ရင်ကော့လို့ခံမယ် ..ခိုင် ။

ဓနအခြေမခိုင်သေးသူမို့
ဘ၀အနေမပိုင်တဲ့ ကိုယ်လိုလူတစ်ယောက်ကို
မဆိုင်ဝံ့ပါ မျက်နှာလွှဲလေသလား
(ရင်နဲ့ဆတ်ဆတ်) ကြားပါရစေ..ခိုင် ။

စိမ်းပြတ်ခွာ တကယ်မုန်းတယ်ဆိုရင်ဖြင့်
တိမ်းဖြတ်ကာ အနေဝေးစေဖို့
ယိမ်းဇာတ်နာ အဆွေးနယ်တကြောမှာ
ကိုယ်သာမျောပါရစေတော့..ခိုင် ။

ညိမ်းညို

0 comments: